MALAKI 4:2 - DAÜLANGPÜ LAIHING (BSI)

² Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MALAKI 4:2 Referans Kwoze

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

LUK SHAHSHA APPÜ 1:78

mehenangkü jenei Kahvangi phahji yahyangpü homei, ha homei vangsho leipü vanghe vangngai jen kü khanghen,

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

ISAIAH 53:5

Shejao jeni pungpü nangkü büpa mashateke, jenei mang tata kü büpalei büm mintük; Büpai ponghahpü hanghi homei jen meitükpü dang, hatü büpa mashapü homei jen meitük.

MALAKI 3:16

Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”

JOHAN 1:4

Büpa kü yangnyuyem nyu, hatü ha yangnyu-ü hangkuli peüei vangngai nyuteke.

2 SAMUEL 23:4

büpayü phum neshiüpü nepnüng vanghela vangngai le-angpeih.

SHAKEI VAMPÜ 22:2

hatü hayü chingnyü chingyangshong jiam homei yenteke. Hapa yungdang nyiphen kü yangnyu pü nyüke, hatü halei betjük lem anpünyi len ieyei jüknyüke; hatü hapalei phenlakü jatthü meihühen shingvaishi nyüke.

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

RUTH 2:12

Nüngi mehe dükpa, ha kü Shembüpai nüng kü nyemshempha. Shembüpa, Israel Kahvang, üpalei kaokhiyang phangkü loihen nüng peitepa, büpai nüng kü thintho changshi nyemyahphama” shei e.

SHAKEI VAMPÜ 2:28

Üpai vehok neünya, ngei büpa kü nepnüng litha shuohhen.

MENVIH KESHO 147:3

Büpai mongdang mangdaipü meihünyeih; hatü jomei makaw phüngtüknyeih.

MENVIH KESHO 103:3

Büpai nüngei mang kemei tüknyeih, nüngei din kemei meitüknyeih.

MATHI 11:5

Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

ISAIAH 35:6

Hahepak kü la khodaipüthü meishiy keiha phaukteihen, hatü shah ne-eaokpüthüi mongongpai lenhen. Yingnyü yingchong leipü yung bhaoei vamkahen, hatü bhih kahdok leipü shoha bhaoei yenkahen.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 13:47

Mehenangkü Shembüpai ham kü hapakei shahkung shuohpeih: ‘Kahdoknyü dohpü ngoishi yemleipü danghühen nangkü ngei amphongü Kung am shingvaishi vangngai hük leihüpeih.’ ”

JOHAN 9:4

Üpai ngei shom, büpalei dou jeni vangngai kü dükhen vongbong; üpaiyao dou nedükaokhen mü vangnyak peikünyüke.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

EZEKIEL 47:12

Hapa yungyen yungkung nyiphen kü hahying vaihen pülem longi vamhen. Hathülei lak nekaudaihen, betjük nejüki nenyuhen, shejao hathü shing yungü phopshem leipü yenpü nangkü len ieyei betjük meipü jükhen. Hathülei betjük hahying vaihen, hatü hapalei phenlak meli vaihen.”

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 9:2

Vangnyak kü kampü shennyakthüi vangngai longpü eeteke; shangmang kahdok kü nyupüthü kü vangngai-i khangteke.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

MENVIH KESHO 85:9

Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

MENVIH KESHO 67:1

Kahvangi jen kü phahji hatü moihiman nyemyahpha; hatü shinshangei jen kü nyemveipha.

SHAKEI VAMPÜ 11:18

Kahmükthü mongpuk vamteke, shejao nüngei mongshih peiteke, hatü dipüthü kü shahphenhen, nüng chongphopü thibüthü, daülangpüthü hatü nüngei men kü nyempü longpü maanpü peü kü thintho shuohhen, hatü kahdoknyü mangtükpüthü mahtükhen hepak ngoiteke.”

1 JOHAN 2:8

Shejao ngei am kü shahkung ja hük nyangnyeih; hapa shahhingü büpa kü hatü am kü eenyüke; mehenangkü vangnyak peihdaiteke hatü hingshangpü vangngai khangteke.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

2 THESALONIKA 1:3

Jeihinaü hatü nyahinaüthü, am shingvaishi hami düngei Kahvang kü menvih shuohhen vongbong nyüke, hatü ha jiüphei; mehenangkü am hinglempü nyeinya nyeinya longnyüke, hatü am hüki hük kü bamteipü nyeinya danyüke.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:8

Büpayü hapa vangngai nevai, shejao büpai hapa vangngai nang denpü shuohhen pei.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

LUK SHAHSHA APPÜ 1:50

Büpalei phahjiyü büpa kü nyempüthü shing hüdenhalenshi nyüke.

MATHI 23:37

Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

JEREMIAH 17:14

Ngei meitükshih Oh Shembüpa, hatü ngei meidaihen; ngei yangshih, hatü ngei yangdaihen; mehenangkü ngei menvih shuohpeyü nüng mon hih.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

PHONGSHANTHÜ DOU 13:26

Ngelei jeihinaüthü, am Abraham phang kübü hühihathü, hatü Kahvang nyempü Kung shennyakthü, jen kü hapa yemleipü shahjangü shompeih.

JOHAN 12:40

“Büpai jomei mük phüngtük, hatü jomei mong vaantük, hanangkü jomei müki neveiaok, hatü jomei mongi nenyingaoki lepdai– hatü ngei jom meitükhen.”

MENVIH KESHO 61:5

Mehenangkü nüngi ngei vangpüshuwpü danteke; nüngei men kü nyempü am ngei kü mükjüp vaishi shuohteke.

JEREMIAH 30:17

Shejao ngei am kü yangnyu meipü yahphahen, hatü ammei makaw ngei meitükhen shei Shembüpai enyüke; mehenangkü jomi am kü aanyak shei nyükteke, Üpaiyao Zion kü ne-ienelem!”