MALAKI 4:1 - DAÜLANGPÜ LAIHING (BSI)

¹ Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

MALAKI 4:1 Referans Kwoze

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

MALAKI 3:2

Shejao büpa yiüpü nyih kü üpai munenaokhen, hatü büpa peishingkü üpa yaongaokhen? Mehenangkü büpayü nyiam oukbülei aw kei, hatü ashak dhobülei sapon kei nyukahen.

ISAIAH 47:14

Veituh, jomphongü hahtang keiha, hatü awi jom laiyei hahtükhen. Hapa awlom wong kübü jomi jom nying neyangaokpih. Awsham kü uohen mü awtao neshiü, shaamluki uohen mü aw neshiü.

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

OBADIAH 1:18

Jakob am phang aw keiha, hatü Joseph am shem awlom keiha nyuhen; shejao Esau am shem hahtang kei nyuhen, hatü jomü aw kü jakhen hatü hahtükhen. Esau am phang yangei nechongkahen shei Shembüpai enyüke.

MALAKI 3:15

Changmeipüthüang moihiman dangnyüke shei shaang jeni ehen mü hetteke. Douten dükpüthüang bamei shemmei leinyüke, shejao mechem jomi Kahvang mü dokteinya, jom-ang yangdainyüke” shei ammi enyüke.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

JOB SHAHSHA APPÜ 18:16

Büpalei tünglang kahmongei sheyei nyüke, hatü kaothü shangei vanei nyüke.

LUK SHAHSHA APPÜ 21:20

Mechem ammi Jerusalem shinei veshanthü eehenshang, hapa lavüngtoiyei tuhhen hepak ngoiteke shei nyingtuh.

LUK SHAHSHA APPÜ 19:43

Hingmei, ammei vepathüi kahdok shaokei bham linghen, hatü am kü shontü shing peü philei lünglei nemei-i khüamhen.

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

ZEKHARIAH 14:1

Veituh, Shembüpalei nyih peikünyüke; am leipü aetpüshepü douthü ammei müki eeshi hanteikahen.

ZEPHANIAH 1:14

Shembüpalei nyih longpü yopailei nyüke, yopai-i hatü lomi peikünyüke. Bangtuh! Shembüpalei nyih kü theppeyü shahyaki nyukahen. Ha nyih wong kohpü veshanthüiyao nyempai thephen.

NAHUM 1:10

Jomphongü hühhihang kü hühhen, hatü jomei yiüi chokhen; Jomphongü hahtang kei awi hahtükhen.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

MÜLANGPÜ 15:7

Nüngei ngan hi wong longpai nüngi vepathü baoh-ei haitükteke; Nüngei mongshih awlom kei vamei jom hahtang keiha hahtükteke.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

AMOS 2:9

Shejao jom shekü ngei cedar pü kei shaopü, hatü longkhampü kei wong kohpü Amor am mahtükpeih. Ngei pü shang leipü jomei betjük, hatü mong leipü pü tünglang mangtükpeih.

EZEKIEL 7:10

Veituh, hapa nyih peiteke! Lomoh-aühaühen ngaiheyei vamteke. Üpteilenteipü madaiteke, changmeileüpüpü vangsho kü shongdaiteke.

ISAIAH 41:2

Üpai heongphi leipü hampa hük vamhütü laophülei dousho shing nyükpa? Büpai jatthü büpalei lak kü shuohnyeih, hatü ongthü büpalei la-i shouptüknyeih; Büpalei yanlui jomphongü bhihla leitüknyeih; büpalei lahhani hahbhang vanglüki deipükei deilangnyeih.

ISAIAH 40:24

Jomphongü shaang shompü nevaijü haiphongpü sheili kahdokei tünglang yiüei pangpü keiha nyüke. Mechem Shembüpai vanglük shomhen, jom kaudainyüke, hatü hahbhang keiha alüngleple-i jom maoei lüdainyüke.

MENVIH KESHO 119:119

Kahdoknyü kü nemeipüthü peü kü büpai nyüphinya kei deihnyüke: hanangkü ngei nüngei shahkungthü kü bamnyeih.

LUK SHAHSHA APPÜ 6:23

Ha nyih am mongmeituh, hatü mongongpai phaukteituh; mehenangkü vangsholei ammei thintho longpü nyüke; mehenangkü jomei bühipathüi thibüthü kü hapakei dükhampeih.

ISAIAH 9:18

Hingmei mangü aw keiha bahnyüpeih; hapai hühhihang hahtüknyeih; hapai shüying kü aw bahhünyeih, hatü shang philei awshit temmü temmü lepei aongnyeih.

ISAIAH 9:19

Jeiyong Shembüpa mongshihpai kahdok hahtük, hatü nanglakthü awbhaong kübü pü kei leitük; üpaiyao haleipü neyangaokpih.

EZEKIEL 20:38

Amphong khong mü nyupü khüei yaongpüthü, hatü ngei khüei mang thahpüthü ngei shaaptükhen; jom benha kei nyupü kahdok leipü ngei jom mülanghen, shejao jom Israel kahdokei neshüaokhen. Shejüang ammi ngeiyü Shembüpa Kahvang khih shei nyinghen.

EZEKIEL 21:32

Amphongü awbhaong kübü awjung kei nyuhen, ammei kahdokei ammei iy yenhen; hajük kü am deih-ei nedanghen; mehenangkü ha ngei, Shembüpai etepih.’ ”

EZEKIEL 24:11

Hapa dük kong awkhin shangkü haüeishuoh, hatü hapa hakpüh-i leihütuh. Hapheikü mon hapa dük leipü dü hahtüktü daülangi leikahen.

EZEKIEL 34:17

Shaang, ngelei mithü, shei Shembüpa Kahvangi enyüke: Ngei mi hi mi aa kü, hatü mi hi yum nyi aa kü shahphenhen.

MALAKI 3:3

Büpayü nyiam jakei hienpü shennyak keiha nyukahen; büpai Levi am daühühen hatü daülangshemshepü kü Shembüpa kü moila shuohhen shingvaishi büpai jom hon hatü ngin kei daühühen.

MENVIH KESHO 37:9

Shennyaktenthü changtükhen, shejao üami Shembüpa omdannya, kahdoknyü mükjüp danghen.