MALAKI 3:5 - DAÜLANGPÜ LAIHING (BSI)

⁵ Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

MALAKI 3:5 Referans Kwoze

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

SHAHKÜP 5:11

Ammi Shembüpa, ammei Kahvangei men angkü tenotei; mehenangkü Shembüpai büpalei men angkü noteipü kü hanghi shuohhen.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

MALAKI 2:14

“Büpai mehekei neyahnya?” shei ammi phenyüke. Mehenangkü am nethe hepak ammei nyüha mü lahtükpü mangtük. Pinnyü ammei nyüha nyuteke, hatü ammi pinnyü mü jiüshangi nyuhen shei Kahvang toumü lahtükpü shaitükteke.

SHAHKÜP 27:19

“Üami benha kü, hashihha kü, hatü vaümnyü kü shahhing nenonya, hapa shennyak kü thaüvaü hettuh.” Hahepak kü nanglak peüi, “Amen!” shei ehen.

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

LEVI 20:27

Nyüha vaijao baha vaijao am khong mü lashüh tetpü nevaijü yimpi laang mü shah eteipü nyujema, hapa shennyak yaongi shükei jütükhen; jomei iy jom shak kü nyuhen.

LEVI 20:6

Shennyak hanei-i yimpi laang mü shah eteipüthü nevaijü lashüh tetpüthü lemei daijema, ngei büpa laophülei nanglak khong kübü katitükhen.

LEVI 19:13

Ammei chingyowpa kü telutelem nevaijü tegüh. Nepphei thahshi ammei kahlei nang shapü kü lat neshuoh-i tetuh.

MALAKI 2:17

Am langmaanshapshüpai Shembüpa nyiuhüteke. “Hami mekei Shembüpa nyiuhüpa?” shei ammi enyüke. “Üami mang düknya, Shembüpai ha lümnyüpeih, hatü büpai hathü kü mongongnyeih” shei epai nevaijü “Shahhing Kahvang melei nyüpa?” shei phepai Shembüpa nyiuhüteke.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

KANDOK 16:6

Bampü hatü hinglempai mang tükpü dangnyeih, Shembüpa kü nyempü homei shennyak hüki ten kübü yangdainyüpeih.

KANDOK 8:13

Shembüpa nyempeyü mang kü jiühitpü; ngei changmeipü, mang lem, hatü shahshem epü jiühitnyeih.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

ROM SHAHSHA APPÜ 3:8

“Shejema mei vamhen shingvaishi jeni ten dükshah” shei mehekei ne-enya? (Hanei ami hami ha epeih shei vüshih-ei eteke.) Jomphongü nyonghühen shangteke!

MIKA 1:2

Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

MENVIH KESHO 96:13

Büpa peikünyüke, büpai kahdoknyü shahphenhen peikünyüke shei jomi Shembüpa kü lokhen. Büpa daülangshemshepai kahdoknyü hatü shahhingi nanglakthülei shahphenhen.

MENVIH KESHO 81:8

Ngei shahvüng shuohshingkü bangtuh, Oh ngelei nanglakthü; Oh Israel ammi ngei epü bangtuh!

NEHEMIAH 5:15

Ngei shekü nyupü governorthüi nanglakthü kü hanggovih longi kohü, hatü jom leipü hahying hatü yiü yah, hatü ha mü lenei nyih kü ngin pha pinyi yahhamteke. Jomei chongphobüthüi dangkao nanglakthü kü shüveihampeih. Shejao ngeiyü Kahvang kü nyempai hapakei nedükangpih.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

LEVI 20:10

Shennyak hanei-i laophülei chingyowpalei nyüha mü mükbongjuyungjema, jijiphen jütükhen.

MÜLANGPÜ 18:21

Shejao nanglakthü khong kübü dou aokhen shennyak hanei Kahvang nyempü, monglemaokpü, shahshem nanglei kü jiühitpü shennyak jetuh, hatü hapa shennyakthüi haja shak kü, kho shak kü, pinyipüan shak kü, hatü an shak kü lakchongbü vaiyei tuhtuh.

MÜLANGPÜ 1:17

Shejao naü bühjü sheühteipü nyüha nyi-i Kahvang kü nyem, hatü Ijip ongpai jiji kü eshuohpükei nedük, shejao bahanaüthü-ao yangei tuh.

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

JAKOB 5:12

Peü shak kü, ngelei jeihinaüthü, ammi vangsho nevaijü kahdok, nevaijü lebü mepayao noshi tevang, shejao hih shejü hih, nevai shejü nevai shei etuh, shejüang am nyonghüpü kü nevühen.

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

LUK SHAHSHA APPÜ 23:40

Shejao lebü hükpai büpa kü loh-ei, “Nüngi Kahvang kü nenyemnyu je? Nüngao aihük mü dihen nyüke.

MENVIH KESHO 36:1

Nemeipü amei mongdang chüpülei mangi shah enyeih; Jomei müksho kü Kahvang nyempü neshiü.

KAHBHAO 20:11

Abrahami, “Hapa shingei Kahvang kü nyempü lanshei neshiü; ngelei nyüha tata kü ngei jüphahen khih shei deihpü nangkü ha dükpeih.

SHAHKÜP 18:10

Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

ISAIAH 57:3

Peikei, amphong thibülanyülei hapeüthü, mükbongjuyung hatü büm yupüthülei lihilathü.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

JEREMIAH 5:29

Henüng keipü douthü kü ngei jom kü hanghi neshuohhen je? hatü hapa keipü jat kü ngei bhüh neyemhen je? shei Shembüpai enyüke.

JEREMIAH 23:10

Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

JEREMIAH 27:9

Hanangkü am kü, “Amphong mechemao Babylon ongpa chongnephopih” shei epü thibüthü, tetpüvanpüthü, mangh manghteipüthü, lashüh dokpüthü hatü phongyompüthülei shah tebang.

JEREMIAH 27:10

Jomi am kü shahshem teteivanei enyüke hatü hapai am ammei kahdok leipü tailuei daihen hean benhen; ngei am changtükhen hatü am mahhen.

JEREMIAH 42:5

Hahepak kü jomphongi Jeremiah kü, “Shembüpa, nüngei Kahvangi nüng homei ham kü shompü shah aimü hami nedükjema, ham khüei Shembüpayü shahhing hatü hingshangpü denbü vaikahen.

HABAKKUK 1:12

Nüngü aivang den mebü nevaipü je? Oh Shembüpa, ngelei Kahvang, ngelei Daülangpüba. Nüng nedidaihen. Oh Shembüpa, hamei shahphenhen nüngi jom jeteke, hatü nüng, Oh Yaongnyü, ham kü hanghi shuohhühen shingvaishi nüngi jom wong kohhüteke.

ZEKHARIAH 11:12

Ngei jom kü eteke, “Ammi hapa jiüpeih shei deihjema, ngelei nanglat ngei kü yahshih; hei nevaijema, ha tuhphongtuh.” Hahepak kü jomi ngei kü ngin lop hapüan shuohteke,

MÜLANGPÜ 20:7

Ammi ngei, Shembüpa, ammei Kahvangei men angkü tenotei; mehenangkü ngei, Shembüpai büpalei men jiüjiükei noteipü kü hanghi shuohhen.

MÜLANGPÜ 22:20

Shembüpa, ngei mü lenei shennyak üpai lebü kahvang kü jakpü moila shuohhenshang, jütüktuh.

SHAHKÜP 15:13

Mechem ammi büpa bümei leiyei deishihhenshang lakkong tedeishih.

JOB SHAHSHA APPÜ 7:2

Aa hük vangdhüm yempü keiha, nevaijü nanglat shapüthüi nanglat omdanpükei,

JOB SHAHSHA APPÜ 31:12

Mehenangkü hayü dipü awi shamtükhen, hatü ngei angpü kemei hahtükhen mon nyüke.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.