MALAKI 3:2 - DAÜLANGPÜ LAIHING (BSI)

² Shejao büpa yiüpü nyih kü üpai munenaokhen, hatü büpa peishingkü üpa yaongaokhen? Mehenangkü büpayü nyiam oukbülei aw kei, hatü ashak dhobülei sapon kei nyukahen.

MALAKI 3:2 Referans Kwoze

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ISAIAH 4:4

Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

SHAKEI VAMPÜ 6:17

Mehenangkü jomei mongshihpü longpü nyih peiteke, hatü üpai hapa khüei yaongaokhen?” shei eteke.

LUK SHAHSHA APPÜ 21:36

Hepak peü kü am mükpaonathaei nyutuh, hatü vamkahen nyupü douthü kübü yanghen, hatü Shennyak Ha touei yaongaokhen mü phopei nyutuh.”

MENVIH KESHO 2:7

Ngei Shembüpalei shahkung baonghen: Büpai ngei kü, “Nüngü ngelei ha; shinnyih ngei nüngei Pa leitepih” shei eteke.

LUK SHAHSHA APPÜ 3:17

Büpalei lakei hahyüp oom noshi nyüke; büpai ha hah yüpei daütüktü hah kemei büpalei puongmongei thailanghen; shejao hahbhangü mechemao nemetpü aw kü jaktükhen” shei e.

LUK SHAHSHA APPÜ 3:9

Shaangao pü chongei ay haüshi nyüke; hanangkü betjük meipü nejükpü püthü peü agei aw kü jaktükhen” shei e.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

LUK SHAHSHA APPÜ 2:34

Hapheikü Simeoni jomphong kü moihimanei chenyü Mary kü, “Hapa naü-ü Israel kü longshi shing dohühen, hatü phukhen nyangeihepü hük vaihen nangkü jepeih,

JEREMIAH 2:22

Ammi sapon longi yah-ei paülangmao, ammei mang ngei touei khashi nyüke shei Shembüpa Kahvangi enyüke.

ISAIAH 1:18

‘Peikei shaang, jeni chemi deih-ei dangtü eteishah’ shei Shembüpai enyüke. ‘Ammei mang longi hakshinyulangmao shüdao kei shoshi leidaihen; Ammei mang iyshüm kei hakshi nyujao phümphah kei shoshi leidaihen.

MATHI 25:10

Mechem jomphongi ha shaknüng lüdaipa, yiükyahpa pei, hatü üam temei nyu, büpa mü yiükjing molei dai, hatü sha küplang.

MARK 9:3

hatü büpalei büm-ow nyangnyangtoptopshi shoshi kahdoknyü kü üpaiyao hapakei ashak nedhuaokhen mü vam,

EZEKIEL 22:14

Ngei am kü dou dükei yaongpü nyih am monglongei nyuaokhen je nevaijü ammei lak wong kohshi nyuaokhen je? Ngei, Shembüpai ha etepih, hatü ngei hapa dükhen.

SHAKEI VAMPÜ 19:8

Meipü nyemin ashak, ngaiphapü hatü daülangpü pinnyü kü owhen shuohteke.” Meipü nyemin ashakü daülangpüthüi shahhing dou dükpü nyüke.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

LUK SHAHSHA APPÜ 7:23

Üpai ngei kü huluh neshuoh, büpa moihiman” shei e.

1 SAMUEL 6:20

hatü Beth-Shemesh ami, “Shembüpa, daülangpü Kahvang touei üpa yaonghenang? Ham toueipü deitükhen shingvaishi üam touei büpa shomtükhenang” shei e.

MENVIH KESHO 76:7

Shejao nüngü nyemshi nyüke! Nüng chem mongshihdai pheikü üpai nüng khüei yaongaokhen?

MENVIH KESHO 130:3

Oh Shembüpa, nüngi paoh mang nyangei tuhlangmeyü, Oh Shembüpa, üpai nenyongi yaongaokhen?

KANDOK 25:4

Ngin kü nyupü nedaüpü yaktüktuh, shejüang ngin shükbüi doumei leiyei lingkahen.

ISAIAH 33:14

Zion leipü mang shennyakthüi nyemnyüke, Kahvang nenyingpüthü kü nyempüvüngpü peiteke. “Jenphong khongkü üpai laiyeilungei hahpü aw kü nyuaokhen? Nedoh-i bahshi nyupü aw kü jenphong khongkü üpanyuaokhen?”

DANIEL 11:35

Jomphong daühühen hatü kawhikang neshiüi henghen shingvaishi kon kohpüthü hanei huluh shuohhen. Dohpü hepak, Kahvangi itpü hepak mangngoi thahshi ha nedoh-i nyukahen.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

KAHBHAO 19:28

Sodom hi Gomorrah hatü kahji kahdok peü kü veishingkü awbhaong kübü awshit keiha awshit vamei eeteke.

JOB SHAHSHA APPÜ 28:1

Hingmei, ngin yahpü shing nyüpeih; hatü hon daüshing hük nyüpeih.