MALAKI 3:16 - DAÜLANGPÜ LAIHING (BSI)

¹⁶ Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

MALAKI 3:16 Referans Kwoze

SHAKEI VAMPÜ 20:12

Hatü ngei dipüthü longpü maanpü peü ong uoshing touei yaongshi ee, hatü laithü apteke. Shao lebü lai hük, yangnyu laitap apteke, hatü dipüthü peü lailei nyangei nyupü jomei dou aimü shahphenteke.

MENVIH KESHO 56:8

Ngei theppüyoungpü nyangei tuhtuh; nüngei laitap kü ngei mükphi yenpü nyangei tuhtuh. Hathü nyangei neshiüpü je?

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

HEBREW 10:24

hatü bampü hatü doumei dükhen nangkü hüki hük mü nangthongteishah.

1 THESALONIKA 5:11

Hanangkü ammi shaang dükpükei am hüki hük mü nangthongteituh, hatü hüki hük lingei leituh.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

ISAIAH 26:3

Üami mongdangi nüng kü hinglemnya, nüngi jom den ngoipü chingmei kü tuhnyeih; mehenangkü jomi nüng kü hinglemnyüke.

PHONGSHANTHÜ DOU 10:2

Büpayü Kahvang kü hinglempü shennyak; büpa hatü jom shem kemei Kahvang kü nyempü shemong nyuteke. Büpai shennyakthü kü nekaungi shuoh, hatü Kahvang kü düngei phophamteke.

EZEKIEL 9:4

büpa kü, “Jerusalem chingnyü peü lemei daituh, hatü halei jiühitnalai dou dükpü nangkü mongshangei mahng theppüthülei shangba kü füoshang shingtuh” shei e.

MENVIH KESHO 34:15

Shembüpalei mük daülangpüthü kü veishi nyüke, hatü jomi lenpü kü büpalei dhaong shaangshi nyüke.

EPHESIA 5:19

Hüki hük mü menvih kesho, kesho hatü Laangha kesho-i eteituh; ammei mongdangei Shembüpa kü ünghinyah meipai kesho loktuh.

PHONGSHANTHÜ DOU 1:13

Mechem jomphong chingnyülei leiyei shüpa, jomi Peter, Johan, Jakob, Andrew, Philip, Thomas, Bartholomia, Mathi, Alpheaslei ha Jakob, Nyakpükenpü Simon hatü Jakobei cheha Judas hathü nyupü dokpa dung-amei aongteke.

DANIEL 7:10

Büpa toueipü aw yungyen kei yenei vamteke. Haja hajai büpa chongphoteke, hatü haja an dok kü haja an büpa touei yaongteke. Shahphenbüthü shahtap kü uo, hatü laithü apteke.

LUK SHAHSHA APPÜ 2:38

Hahepak kü pinnyü peiyei Kahvang kü menvih shuoh-ei hatü Jerusalem yemleihen nangkü omdanpüthü peü kü hapa naü jung eyei nyu.

ESTHER 6:1

Ha ya ongpa meishi neshiaok; hanangkü büpai vanglem lempü hepak kü kengei nyangpü lai büpa touei iehen eteke.

PHONGSHANTHÜ DOU 2:1

Mechem nyih pinyipüanpabü ngoipa, jom peü shing hük kü thaiyei nyu.

ISAIAH 65:6

“Veituh, hapayü ngei nyangtüktü nyüpeih; Ngei nenmü nenyupih, jomi dükpü shangshi shuohhen; Ngei jomi dükpü shangshi

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

KANDOK 13:20

Üami kon kohpüthü mü kamnya, nah-eilangei leidainyeih, shejao nemeipü am mü mongjem pongpai lomoh heünyüpeih.

MENVIH KESHO 147:11

shejao büpa kü nyempüthü kü, büpa bampü kü monglempüthü kü Shembüpai mongongnyeih.

MENVIH KESHO 139:4

Ngelei ju kü shah vamshekü nüngi ha meishi nyingei nyüke, Oh Shembüpa.

MENVIH KESHO 119:63

Ngeiyü nüng kü nyempüthü, hatü nüngei shahkung bangpüthülei küphü.

MENVIH KESHO 111:10

Shembüpa nyempeyü kihikon chongpangpü; ha noteipüthü peü kü danaokpü meipü nyüke. Büpa menvihpü den kü nyunyeih.

MENVIH KESHO 94:19

Mechem ngelei mong kü mongshang longi nyupa, nüngei nyiushemmei homei ngelei laangha mongonghü.

MENVIH KESHO 66:16

Am Kahvang kü nyempüthü, peiyei bangtuh, hatü Kahvangi ngei kü mehe dük, ha ngei ephüshah.

MENVIH KESHO 33:18

Hingmei Shembüpalei mükü büpa kü nyempüthü kü, hatü büpa bampü kü monglempüthü kü veishi nyüke.

MENVIH KESHO 20:7

Hanei ami koyei khari kü, hatü hanei ami koyei kü mongnyangnyüke, shejao hami Shembüpa, hamei Kahvangei men kü hinglemnyeih.

MENVIH KESHO 16:3

Shembüpa kü hinglempü nanglakthü meshük meipüang! Ngei mongongpü peü jom kü nyüpeih.

MENVIH KESHO 10:4

Changmeipai nemeipüthüi büpa neyemnyih; büpalei mongdeih kempü kü Kahvang kü shing neshuohnyih.

JOB SHAHSHA APPÜ 28:28

Hatü hangku kü büpai, “Shembüpa nyempeyü kihikon, hatü ten kübü yangpeyü danaokpü” shei eteke.

ESTHER 2:23

Mechem hapa shahjang kü pheyeiyuei yempüshang, hapayü shahhing khih shei dangaok; hanangkü hapa lakchongbü nyi üng kü bheanei jütük. Ha jung peü ongpa-ao omshi nyushi büshah laitap kü nyangei tuhteke.

2 SHÜPPÜKENGPÜ 6:7

Shembüpa, Israel Kahvang kü khümhen nangkü phopshem vehen shei opa Davidi deihshi nyupü khih.

1 ONGPATHÜ 18:12

Ngei nüng toueipü leidaihinüng Shembüpalei laanghai ngei nenyingpü shingei nüng müei lüdaihen; ngei leiyei Ahab kü ha eshuohhen, hatü büpa peijü nüng nenyujema, büpai ngei jütükshasha khih. Nüngei chongphobü ngeiyü hashih mebü Shembüpa kü dhüm shuoh-ei khümei longpeih.

2 SAMUEL 7:1

Shaang, mechem ongpai büpalei shemei shingnüng chongkhenei nyupa, Shembüpai büpa kü ngeihpü shonpü vepathü peü kübü chingmei shuoh,

HEBREW 12:15

Üpaiyao Kahvang phahji nedangi nenyuhen, hatü shanghah vamhen mü hatü longi nesheihhen mü shahyakpü tünglang nevamhühen yomtuh.

HEBREW 3:13

Shejao mangi lueilempü kü ammei mong nevaanhen shingvaishi “Shinnyih” shei nyükpü thahshi nyihjeih am hüki hük mü mongnang thongteituh.

1 THESALONIKA 5:14

Jeihinaüthü, vaükpüthü kü shahvüng shuohtuh, mong laaidaipüthü mongyanghütuh, wong nekohpüthü kü sheütuh, peü mü nenteiaoktuh shei hami am kü nangthongnyeih.

MENVIH KESHO 104:33

Ngei yemmü nyupü thahshi Shembüpa kü kesho lokhen; ngei yangnyu nyupü thahshi ngelei Shembüpa kü ngei kesho lokhen.

1 ONGPATHÜ 18:3

Ahabi ongshem kü veibü Obadiah kü nyük. (Obadiah-ü Shembüpa kü longi dhüm shuohshi vaipü shennyak hük nyuteke.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

MÜLANGPÜ 32:32

Shejao shaang nüngi jomei mang tükjema– shejao hapakei nevaijema, nüngi nyangpü laitap kübü ngelei men thittüktuh” shei e.

ISAIAH 4:3

Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

JEREMIAH 8:6

Ngei jom kü lihen hatü banghen etepih, shejao jomi jiüshi ne-enyu; “Ngei mehe ten dükpa?” shei üpayao mong lepei neleinyu. Koyei vehokei mokpükei jom peü laophülei lem kü dainyüke.

JEREMIAH 31:18

Ephraim ami khümei epü ngei dantepih: Ngeiyü han hokhen mangnyuhpü mohoh cheha kei nyushingkü nüngi ngei kü nyuh, hatü ha ngei nyingei yahpeih. Ngei müei leituh, ngei nyokei leiküshah, mehenangkü nüngü ngelei Shembüpa Kahvang.

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

NEHEMIAH 1:11

Oh Shembüpa, nüngei chongphobüi phoppü kü, hatü nüngei men kü dhüm shuohpü kü mongongpü chongphobüi phoppü kü nüngei dhaong shaangshih. Shinnyih nüngei chongphobü aokpü danghütuh, hatü ongpai ngei kü bamhütuh!” Hahepak kü ngeiyü ongpalei yungshong nobü nyupeih.

MENVIH KESHO 56:9

Mechem ngei nüng kü nyükhen, ngelei vepathü nyokei leidaihen. Hapai Kahvang ngei shingvaishi nyüke shei nyinghen.

MENVIH KESHO 115:13

Shembüpa kü nyempü longpü, maanpü peü kü büpai moihimanhen.