MALAKI 3:12 - DAÜLANGPÜ LAIHING (BSI)

¹² Hahepak kü jat peüi am kü moihimanpü am shei nyükhen; mehenangkü ammei kahdok nyuhübenüng vaikahen shei Jeiyong Shembüpa Kahvangi enyüke.

MALAKI 3:12 Referans Kwoze

ZEKHARIAH 8:23

Jeiyong Shembüpai hapakei enyüke: “Hapa nyihhihe kü shahlem hatü jat laolao kübü shennyak an peiyei Jehoda amei shennyak hükei ashakjung kü shongtü, ‘Hamphongao nüng mü daiküshah; mehenangkü Kahvangü am mü nyüke shei hami danpeih’ shei ehen.”

ISAIAH 61:9

Jatthüi jomei hühihathü, hatü shennyakthüi jomei lihilathü nyinghen. Jom eepü peüi jomü Shembüpai moihimanpü shennyakthü shei nyinghen.

ISAIAH 62:4

Am kü hajük kü, “Yaktükpü am” nevaijü ammei kahdok kü, “Lavüngtoipü” shei nenyükhen; Shejao ngei amphong kü, “Hephzibah” hatü ammei kahdok kü, “Beulah” shei men ja menhen. Mehenangkü Shembüpai am kü mong hahhen, hatü ammei kahdok shem yemhen.

LUK SHAHSHA APPÜ 1:48

mehenangkü büpai laophülei chongphobü maanpü leipü kü phahjiyei veiteke. Hingmei, shaang mü leitü den peü kü ngei kü moihimanpü shei nyükphahen;

DANIEL 11:41

Büpai nethe meipü kahdokao hahhen, hatü haja haja büpalei lak kü dihen shejao Edom, Moab hatü Ammon kahmük phaihan longshi shing büpalei lak kübü yanghen.

DANIEL 8:9

Hathü khongkü hük kübü vaung maanpü hük vamei büpalei wong hi ngan pehe hatü heong hatü lahtükpü kahdok thahshi daei dai.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

2 SHÜPPÜKENGPÜ 32:23

Longshi shingi Jerusalemei Shembüpa kü moila hatü Judah am Hezekiah ongpa kü bhei wongpü thinthothü koei pei. Ha shan kü pangei jat peüi Hezekiah kü dhüm shuoh.

SHAHKÜP 11:12

Hapa kahdokü Shembüpa, ammei Kahvangi jungnyüke; bong chongpangpü kübü dohpü thahshi nedoh-i Shembüpai veinyüke.

MALAKI 3:13

Ammi ngei khüei shahlong eteke shei Shembüpai enyüke. Shejao, “Hami nüng khüei mekei shahlong epa?” shei ammi enyüke.

ISAIAH 62:5

Nethe hüki nela hük mü shem yempü keiha, am Lingbüi am mü shem yemhen. Doidainyüi laophülei baha mü mongongpü keiha, ammei Kahvangi am mü mongonghen.