MALAKI 3:11 - DAÜLANGPÜ LAIHING (BSI)

¹¹ Yemhimaki ammei sheilivungla mangtükhen kübü ngei yangei tuhphahen, hatü ammei nyalingngupai kah kübü betjük niha mü nekaongdaipih shei Shembüpa Kahvangi enyüke.

MALAKI 3:11 Referans Kwoze

SHAHKÜP 11:14

ammi hahying, yiü hatü mainga bhashahshi danghen shingvaishi ammei Kahvangi hepak vangpan jiüshi banghilem kü vang keiphahen.

JOEL 2:22

Am tenyem, Oh phaüyemthü; am het yemshing kü phenha ja nikünyüke. Püthüi betjük jüknyüke; adhapü hatü nyalingngupai longkemkünyüke.

ZEKHARIAH 8:12

“Jomi chingmeivangmei kü sheili haihen, nyalingngupai-i betjük jükhen, kahdoki sheili kohhühen, hatü vangshothü nyien yethühen. Hathü dou kemei aopü nanglakthülei mükjüp vaihühen.

JOEL 2:20

Ngei am toueipü apsha kübü vepa taishi changtükphahen; Jom hanei bhih kahdokei changtükhen. Shelei shaongpüthü Dipü Yungchingei, hatü ngaümpheilei müpüthü peü Mediterranean Yungchingei hüngtükhen. Jomei büm peü shehen hatü shie büei aonghen. Hingmei büpai dou longpü dükteke.

JOEL 1:4

Mepa haümmei hahpü shouki hahtü aopa, ha khongmü peipü shouki hahtük; mepa khongmü peipü shouki hahtü aopa, ha phaukei daipü shouki hahtük; mepa phaukei daipü shouki hahtü aopa, ha ngaüh-ei hahpü shouki hahtük.

HAGGAI 2:17

Ngei ammi sheipülipü peü vanglük shami hatü shüyaongi mangtükpeih, shejoong am mong neleppeih.

AMOS 4:9

Ngei ammei pe hatü nyalingngupai kahthü chami jütükteke; shoukhanbaongi ammei adhapü, hatü olive püthü hahtükteke, shejao am ngei touei mong nelep shei Shembüpai enyüke.

HABAKKUK 3:17

Adhapü kü betjük nejükjao, hatü nyalingngupai kü betjük nejükjao; Olive pü kü betjük nejüklangmao, hatü kahdoki hahying nevamphüjao; mi khaok kü mi neshiülangmao, hatü mohoh khaok kü mohoh nenyulangmao;

JOEL 1:12

Nyalingngupai vü vandai, hatü adhapüthü kaudai; Pomegranat, palm hatü apple kah kübü betjük peü didaiteke. Hingmei, shennyakthülei mongong mongle mahdaiteke.

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

JOEL 1:7

Hathüi ngelei nyalingngupai kah kowtük, hatü ngelei adhapüthü peü jangtükteke. Hathüi püshuw ngaüh-ei hahtük, hatü pükaobüm mon shotoh-i tuhphongteke.

HOSEA 2:21

Hapa nyih ngei janghen shei Shembüpai enyüke, ngei vangshothü kü janghen, hatü jomi kahdoknyü kü janghen;

JOEL 2:25

Ngei am khüei shompü ngelei veshan longpü, haümei hahpü, khongmü peipü, phaukei daipü, hatü ngaüh-ei hahpü shoukthüi ammei sheili peü hahtükpü nangkü ngei nyokei am kü shemhen.

HAGGAI 1:11

Ngei kahdok hatü shangtaothü, sheilivungla, yiünaü, mainga hatü lemphü kahdoki vamhüpü, hangkuli hatü yemhimak hatü lemphü ammei lak kü vampü kü ühivan shuohpeih.”