MALAKI 3:1 - DAÜLANGPÜ LAIHING (BSI)

¹ Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

MALAKI 3:1 Referans Kwoze

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

LUK SHAHSHA APPÜ 1:76

Hatü nüng keyü, ngelei hapeü, Chaipübalei thibü shei nyükhen; mehenangkü nüngi Shembüpa shekü büpa shing lem temnüng daihen,

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

PHONGSHANTHÜ DOU 19:4

Pauli, “Johanü mong leppü baptükpü kü büpa pheikü peihen hük, hayü Jisu kü hinglemtuh shei eyei baptükpeih” shei eteke.

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

MÜLANGPÜ 23:20

Ngei am shingvaishi tempü shingei müei daishingkü lemei am yomhen shingvaishi ngei am shekü vangsho phongshan hük shomphahen.

LUK SHAHSHA APPÜ 19:47

Nyihjeih büpai phopshemei nyuh-ei nyu. Ngongpathü, shahkung nyuhbüthü, nanglak mübüthü peüi büpa jühen lem yemei nyu;

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

PHONGSHANTHÜ DOU 7:38

Büpayü jahpanei khong mü jenei bühipathü mü hatü Sinai Kahshangei büpa kü shah eshuohpü vangsho phongshan mü nyu, hatü jen kü shuohhen vanyangyem shah büpai yah.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

LUK SHAHSHA APPÜ 2:46

Nyih jem pheikü jomi büpa Jerusalemei nyuhbüthü mü uoshi jomphongi epü bangei hatü shah pheteiyei nyu,

LUK SHAHSHA APPÜ 2:38

Hahepak kü pinnyü peiyei Kahvang kü menvih shuoh-ei hatü Jerusalem yemleihen nangkü omdanpüthü peü kü hapa naü jung eyei nyu.

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

MATHI 11:14

Amphongi hapa yahhen mongjema, peikahen nyupü büpayü Elijah hih.

HAGGAI 1:13

Hahepak kü Shembüpalei phongmokbü Haggai-i nanglakthü kü hapa Shembüpalei shahjang shuohteke: “Ngei am mü nyüpeih” shei Shembüpai enyüke.

MALAKI 2:4

Hanangkü Levi am mü ngei vangteipü nedoh-i dükhen shingvaishi ngei am kü hapa kangpü shompü khih shei ammi nyinghen shei Shembüpa Kahvangi enyüke.

MÜLANGPÜ 23:21

Ammi kenhingei büpai epü kü bangtuh; ammi büpa khüei teyaong; mehenangkü “Ngelei Men” büpa kü nyupü nangkü büpai henüng keipü mang netükphahen.

ISAIAH 40:10

Veituh, Shembüpa Kahvangü ngan mü peikünyüke, hatü büpalei laki vanglem lemnyüke; Veituh, büpai thintho kotü laophülei nanglakthü mü peikünyüke.