MALAKI 2:8 - DAÜLANGPÜ LAIHING (BSI)

⁸ Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

MALAKI 2:8 Referans Kwoze

NEHEMIAH 13:29

Oh Kahvang, hathüi ngongpalei dousho hatü ngongpathü hatü Levi am mü vangteipü sheihtükpü deih-ei dangtuh.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

MALAKI 2:5

Ngei jom mü vangteipeyü yangnyu hatü chingmeivangmei vangpüshuwpü nyuhampeih; jomi ngei kü nyemhen hatü dhüm shuohhen hatü ngelei men kü nyemhen shingvaishi ngei ha jom kü shuohpeih.

EZEKIEL 44:10

Shejao Israel am lemnyong kü lüdaishingkü ngei toueipü taishi yanei lüdaipü, lajeithü kü khümei lemnyong kü lüdaipü Levi ami hapa hanghi kohen.

JEREMIAH 17:5

Shembüpai hapakei enyüke: “Üpai shennyak kü hinglemnya, üpai wong danghen phai kü mongnyangnya, hatü üpai SHEMBÜPAleipü yanei lüdainya, büpayü thaüvaüthemthepü.

ISAIAH 30:11

Ham kü lem nüngshih, lem yamshih, ham kü hajük kü daülangpü Israel Kahvang nang tedanhü” shei enyüke.

1 SAMUEL 2:17

Hanangkü nethenyilei mangü Shembüpa touei ahshi longshi nyu; mehenangkü jijinyi-i Shembüpalei moila ne-ienelemi noteiteke.

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

ROM SHAHSHA APPÜ 14:21

Nüngei jeihinaü hatü nyahinaü huluh shuohhü leimeyü phai nehahpü nevaijü yiü neyingpü nevaijü meheyao nedükpü meipüba.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.

MENVIH KESHO 119:102

Nüngi ngei kü nyuhpü nangkü ngei nüngei shahkung kübü lepei nelüdainyih.

MENVIH KESHO 18:21

Mehenangkü ngei Shembüpalei lem kü kam; ngelei Kahvang toueipü yanei ngei mang dou nedük.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

1 SAMUEL 2:24

Tahma, ngelei hapeü nyi, Shembüpalei nanglakthü khongkü eteiyei ngei danpü shah-ü mei nevaipih.

LEVI 21:15

Hapa keiha büpai laophülei nanglak khong kü büpalei lihila nesheihhen.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

BHEI-IE 25:12

Hanangkü ngei büpa mü denshing chingmeivangmei vangpüshuwpü lingnyüpeih shei büpa kü eyeishuoh.

BHEI-IE 25:13

Büpa hatü büpalei hühihathüi denden ngongdou dükhen vangeishuwpü lingnyüpeih; mehenangkü büpai büpalei Kahvang kü dhüm shouhhen nyakeikenpü nyuteke, hatü büpai Israel amei mang tükhen mü dou dükteke” shei eteke.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

ZEPHANIAH 3:4

Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

2 ONGPATHÜ 16:11

Hanangkü Ahaz ongpai Damaska leipü shomshuohpü kei-üng Uriah ngongpai moidü hük Ahaz ongpa mangleija shekü ling.

KANDOK 12:8

Laophülei kihikon aimü shennyak hük kü vihnyüpeih, shejao sholi neshiüpüthüyü ne-ienelemi yakphongnyeih.

EZEKIEL 22:26

Ngongpathüi ngelei shahkungnyüthü mangtüknyüke hatü ngelei daülangpü douthü sheihtüknyüke; jomi daülangpü hatü nedaünelangpü nyi baong nehannyu; daülangpü hi nedaünelangpü nyi aa kü hayaoha hanpü neshiüpih shei nyuhnyüke; jomphong touei ngei nedaü-i leihühen shingvaishi jomi Sabbath kü dhüm neshuohnyu.

EZEKIEL 44:7

ngelei shemei shühen am mongdang hatü phai kü shuw nejapi nyüke; ammi ngei kü mechem hahying cheü hatü iy moila shuohhen, ngelei shem sheihtüknyüke. Ammei jiühitnalai douthü homei ngelei vangpüshuwpü peü mangtükteke.

EZEKIEL 44:12

Mehenangkü jomi lajeithü chongphoei Israel am mang thah-ei huluh shuohhüpü nangkü jomi jomei hanghi kohen shei ngei vangei enyeih shei Shembüpa Kahvangi enyüke.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.