MALAKI 2:7 - DAÜLANGPÜ LAIHING (BSI)

⁷ Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

MALAKI 2:7 Referans Kwoze

LEVI 10:11

hatü ammi Israel am peü kü Shembüpai Mosa homei shuohpü shahkungnyü nyuhhen vongbong” shei e.

SHAHKÜP 21:5

Shembüpa, ammei Kahvangi büpa chongphohen Levi am ngongpathü jepü nangkü jom sheshalei heih-ei Shembüpalei men kü moihiman yühen, hatü nedanteipü lemphüli jomphongi shahphenhen.

2 KORINT 5:20

Hanangkü hamphongü Khrista shing lembüthü; mehenangkü Kahvangi hamphong homei nanglakthü kü nyükhen phepü nangkü Khristalei men kü hami khümnyeih, Kahvang mü mongjemei leituh.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

PHONGSHANTHÜ DOU 16:17

Mechem pinnyüi Paul hatü hamphong phei müpa, pinnyüi hamphongü Kahvang chongphobüthü khih; jomi am kü yemleipü lem baongnyu khih shei lenei eteke.

EZRA 7:10

Mehenangkü Ezra-i Shembüpalei shahkung yemhen, hatü ha dükhen, hatü Israel kü hapa shahkung hatü vanglem nyuhhen büpalei mongdang lanei shuoh.

2 SHÜPPÜKENGPÜ 30:22

Shembüpa chongphopü dousho meishi yaoei dükjapü Levi am peü kü Hezekiah-i menvih shuoh-ei e. Nyih nyet thahshi jom kü hahhen epü hean hah-ei mongjempü moila shuoh-ei Shembüpa, chebü chepalei Kahvang kü menvih shuohteke.

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

JOHAN 13:20

Hingmei ngei enyeih, üami ngei shompü hük yahnya ngei yahnyüke, hatü üami ngei yahnya, ngei shompübaao yahnyüke” shei e.

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

HAGGAI 1:13

Hahepak kü Shembüpalei phongmokbü Haggai-i nanglakthü kü hapa Shembüpalei shahjang shuohteke: “Ngei am mü nyüpeih” shei Shembüpai enyüke.

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

JEREMIAH 15:19

Hanangkü Shembüpai hapakei enyüke: “Nüng mong lepjema, ngei chongphohen shingvaishi nüng meitükhen; Nüngi jiüpü shah eyei yahlak neshiüpü shah ne-ejema, nüngü ngei nangjei shah ebü vaihühen. Hathü shennyakthüi nüng touei lepei nyemleikei, shejao nüng jom lemei lepei tedai.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

SHAHKÜP 24:8

Mechem am kü nemeipü ngomdin vamkahenshang, Levi am ngongpathüi epü jiüshi dükhen kentuh. Ngei jom kü eshuohpükei jiüshi düktuh.

GALATIA 4:14

Ngei tüngpü am shingvaishi hanggovih hük kei vaijao ammi ngei kü neienelemi neno, hatü neyakphong, shejao ammi ngeiyü Kahvangei vangsho phongshan, hatü Jisu Khrista kü kei mongongshi yahpeih.

ISAIAH 42:19

Ngei shompü ngelei nanglak keiha mükphüngdaipü nevaijü aangdaipü üpa nyüpa? Ngei kü lanei shuohtükpü keiha, nevaijü Shembüpalei chongphobü keiha mükphüngdaipü üpa nyüpa?

BHEI-IE 27:21

Eleazar ngongpa touei büpa yaonghen hatü büpa shingvaishi Shembüpa toueipü Urim hatü Thummim kü Eleazari pheyei Shembüpai mongpü nyinghen. Hapa keiha Eleazari Joshua hatü Israel am khong kempü kü lem hupükei jom daihen hatü leihen” shei e.

1 SAMUEL 2:17

Hanangkü nethenyilei mangü Shembüpa touei ahshi longshi nyu; mehenangkü jijinyi-i Shembüpalei moila ne-ienelemi noteiteke.

2 SHÜPPÜKENGPÜ 31:4

Büpai Jerusalemei nyupü nanglakthü kü ngongpathü hatü Levi ami Shembüpalei Shahkungnyü kei lanei shuoh-ei dou dükhen shingvaishi jom kü shuohhen hean jiüshi shuohtuh shei ngeükhüam shuoh.

EZRA 7:25

Ezra, nüng kü nüngei Kahvangi shuohpü kihikon nüng kü nyupü shangshi Euphrates heshüphi kü nyupü Kahvangei shahkung nyingpü nanglakthü peü kü shahhingi vanglem lemhen shingvaishi vanglem lembüthü hatü shahphenbüthü jetuh, hatü nüngi shahkung nenyingpüthü kao nyuhtuh.

KANDOK 5:2

Shejüang nüng kenhingmonghapü leihen, hatü nüngei jubeni nyingpühingpü yaongei tuh-aokhen.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

EZEKIEL 7:26

Shanghah pheikü shanghah peihen, shahjang ten pheikü shahjang ten danhen. Jomi thibü leipü manghkhang naei yemhen, ngongpa leipü shahkung nyuhpüvenpü mahdaihen, hatü behethü leipü shahnying venpü nedanghen.

DANIEL 11:33

Kon kohpü mübüthüi mih longi mü jomei kihikon hanteihen, shejao kanja shingvaishi jomphong hanei vehok kü mahhen, nevaijü aw kü jakei jühen, aetpüshepü ponghen nevaijü khoklat kü küphen.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

ZEPHANIAH 3:4

Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

2 ONGPATHÜ 16:11

Hanangkü Ahaz ongpai Damaska leipü shomshuohpü kei-üng Uriah ngongpai moidü hük Ahaz ongpa mangleija shekü ling.

2 ONGPATHÜ 16:16

Ahaz ongpai epükei Uriah ngongpai lemphüli dük.

CHONGVENBÜ 5:5

Lahtü nedük leimeyü nelahpü-üng meipüba.

EZEKIEL 22:26

Ngongpathüi ngelei shahkungnyüthü mangtüknyüke hatü ngelei daülangpü douthü sheihtüknyüke; jomi daülangpü hatü nedaünelangpü nyi baong nehannyu; daülangpü hi nedaünelangpü nyi aa kü hayaoha hanpü neshiüpih shei nyuhnyüke; jomphong touei ngei nedaü-i leihühen shingvaishi jomi Sabbath kü dhüm neshuohnyu.

ZEKHARIAH 7:3

hatü Jeiyong Shembüpalei phopshem leipü ngongpathü hatü thibüthü kü, “Hami bong luangi dükei heihpükei lenyang ngapabü kü shüaeiyunglehen hiang?” shei phehen shingvaishi shom.