MALAKI 2:11 - DAÜLANGPÜ LAIHING (BSI)

¹¹ Judah ami lahtükpü shaitükteke, Israel kü hatü Jerusalem kü jiühitbenüng mang thahteke; mehenangkü Judah ami kung amei kahvangei yiükha mü shem yempai Shembüpai kenpü phopshem sheihtükteke.

MALAKI 2:11 Referans Kwoze

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

EZEKIEL 22:11

Hüki chingyowpalei nyüha mü mükbongjuyungnyüke hatü lebü hüki laophülei hapeülei nyühathü mü hatü laophülei naüpeü mü douten düknyüke.

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

JEREMIAH 7:10

ngei kü khümpü shemei peiyei ngei touei yaongtü, “Ham daülangi nyüpeih” shei hathü jiühitnalai douthü dükyaki ehen je?

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

MENVIH KESHO 106:28

Hapheikü jomi Peorlei Baal kahvang kü khüm, hatü mahng kü jeetükpü hahying hah.

EZRA 10:2

Hahepak kü Jehielei cheha Shekaniah, Elamei hühihathü khong kü hüki Ezra kü, “Jen shonei nyupü kung am yiük yahpü homei jen Kahvang kü vaipü mangtükpeih. Hapakei vaijao shaang thahshi Israel am shing monglemhen nyüpeih.

EZRA 9:12

Hanangkü ammi jom mü yiük teyahtei. Am wong koh-ei leihen hatü kahdok kü vampü meipü ammi hahhen, hatü ammei hapeüthü shing denden mükjüp tuhhen shingvaishi jom mü meheyao chingmeivangmei teling, nevaijü mophimo teyemtei.

SHAHPHENBÜTHÜ 3:6

hatü jomi jomei yiük yah, hatü jomei yiükhathü doi deishih hatü jomei kahvangthü kü khümteke.

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

LEVI 20:26

Am ngei touei daülangi nyuhen vongbong; mehenangkü ngeiyü daülangpü Shembüpa, hatü ngelei lompü vaihen ngei am lebü jatthü mü hayaoha jepeih.

MALAKI 1:1

Malaki thibü homei Israel am touei peipü Shembüpalei shah:

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.