MALAKI 2:10 - DAÜLANGPÜ LAIHING (BSI)

¹⁰ Jen peüei pa hük nyüpü nevaipü je? Kahvang hüki jen peü nelingangpü je? Shejema mehekei jenei bühipathüi Kahvang mü vangeishuwpü mangei hüki hük khüei luteilemteinya?

MALAKI 2:10 Referans Kwoze

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MALAKI 2:11

Judah ami lahtükpü shaitükteke, Israel kü hatü Jerusalem kü jiühitbenüng mang thahteke; mehenangkü Judah ami kung amei kahvangei yiükha mü shem yempai Shembüpai kenpü phopshem sheihtükteke.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

EPHESIA 4:6

Kahvang hük, hatü büpayü peü shak kü nyüke, hatü peü homei hatü lemphülei Pa nyüke.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

ISAIAH 64:8

Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

PHONGSHANTHÜ DOU 7:26

Nyihphei Israel am nyi deyei chongjai jiji aa kü chingmei linghühen shei peiyei, “Anji, anjinyiyü jeihinaü khihma; mehekei hüki hük mü hakei denya?” shei e.

MATHI 3:9

Ammi laophü nyingi, ‘Abrahamü hamei bü’ shei te-ehah; mehenangkü Kahvangi hathü yaong kübü yah-ei Abraham shing hapeüthü vamhüaokhen hih.

JOHAN 8:41

Amphongiyü ampa ami mehe dük, ha düknyüke” shei e. Jomi büpa kü, “Hamphongü shounghathü nevaipih; hamei pa hük nyüpeih, hayü Kahvang” shei e.

MATHI 22:16

Hanangkü jomi büpa touei jomei nanglomthü Herodei nanglakthü mü shomei e, “Nyuhbü, nüngü longi shahhing epü shennyak, hatü shahhing aimü Kahvangei lem nyuhnyüke, hatü üpa kao dhüm neshuoh-i nenyunyu; nüngi shennyakthü kü baong hanei nenonyu.

MATHI 10:21

Jeihinaüi jeihinaü jütükhen nangkü yutükhen, pa-i ha yuhen, hatü hapeüthüi nyühipa khüei yaonghen hatü jütükhen.

MALAKI 2:8

Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

EZEKIEL 33:24

“Shennyak ha, Israel kahdokei lavüngtoiyei yakphongpü shingthü kü nyupüthüi hapakei enyüke, ‘Abrahamü shennyak hük mon nyu, shejao kahdok kemei büpa kü shuohpeih, shaang jen longi nyüke hanangkü hingmei hapa kahdokü jenei vaihen shuohpeih.’ ”

ISAIAH 51:2

Ampa Abraham hi am bühpü Sarah nyi kü veituh; Ngei mechem büpa kü nyükpa, büpa hapeü nenyuham, shejao ngei büpa kü moihiman, hatü hühiha longi dahüpeih.

ISAIAH 44:2

Üpai am lingpa hatü üpai am wom mongei shükpa? Hapa Shembüpai hapakei enyüke: Am tenyem, Oh Jakob, ngelei chongphobü, Ngei jepü Jeshurun.

ISAIAH 43:15

Ngeiyü Shembüpa, ammei Daülangpü Kahvang, Ngeiyü Israel am Lingbü, ammei Ongpa.”

ISAIAH 43:7

ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

JOB SHAHSHA APPÜ 31:15

Büpai ngei nyüei vom mongei lingpü keiha, jomphongao nelingangpü je? Hapa aihük Kahvangi nyüei vom mongei jen nelingangpü je?

NEHEMIAH 13:29

Oh Kahvang, hathüi ngongpalei dousho hatü ngongpathü hatü Levi am mü vangteipü sheihtükpü deih-ei dangtuh.

JOSHUA 24:3

Shejao ngei ammei pa Abraham hapa kahdok yungdang leipü yahei Kanan kahdokei müei leiyei büpa kü hühihathü longi shuohpeih. Ngei büpa kü Isak;

MÜLANGPÜ 19:5

Hanangkü shaang, ammi ngelei ven bangei ngei mü vangteishuwteipü dükjema hangkuli peü shak kü amphongü ngelei thushong douvang vaihen. Kahdoknyü kemei ngelei,

HEBREW 12:9

Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

EPHESIA 4:25

Shejema shahshem yaktüktü jen peüi jenei chingyowpa mü shahhing eshah; mehenangkü jen hüki hük mü büm hük kü phaihan kukpong nyüke.

ROM SHAHSHA APPÜ 9:10

Nevaijü hajük mon nevai; mechem baha hük, jenei pa Isak homei Rebekka-i hapeü nyi kotü büm nekongi leipa, hapa lepü lemhük vampeih.

ROM SHAHSHA APPÜ 4:1

Shejema phai kü jenei bühipa Abrahami mehe nanglei dangpeih shei jeni eaokhen?

PHONGSHANTHÜ DOU 17:25

nevaijü büpai lemhük nanyu kei hangkulei laki büpa chongnephonyih; büpaiang hangku peü kü yangnyu, ngü hatü dou peü shuohnyeih.

PHONGSHANTHÜ DOU 7:2

Ha kü Stephenei shahnyok: “Jeihinaüthü hatü pa hi pa am, ngei epü kü bangtuh. Müknyinshekhangpü Kahvangi jenei bü Abraham kü büpa Haranei mangnyu, Mesopotamialei nyushi vamei hupeih,

JOHAN 8:56

Ammei pa Abrahami ngelei nyih deih-ei mongongpeih, hatü büpai ha eetü mongongteke” shei e.

JOHAN 8:53

Didaipü hamei pa Abraham mü nüng longpü je? Thibüthüao didaiteke. Nüngü üpa hih shei deihhahnya?” shei e.

JOHAN 8:39

Jomi büpa kü, “Abrahamü hamei pa hih” shei e. Jisui jomphong kü, “Amphong Abrahamei hapeüthü vailangmeyü Abrahami dükpü douthü ammi dükhah shepeih,

LUK SHAHSHA APPÜ 3:8

Mong leppü shangshi betjük jüktuh. Ammi laophü nyingkü, ‘Hamei bühipayü Abraham hih’ shei te-e; mehenangkü ngei am kü enyeih, Kahvangi hathü yaong kübü Abraham shing hühihathü bhaohühen aokhen hih.

LUK SHAHSHA APPÜ 1:73

Büpai hamei bühipa Abraham kü lahpü:

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

PHONGSHANTHÜ DOU 17:26

Bü hük kübü büpai jatthü peü kahdoknyü kempülei nyuhen lingpeih, hatü büpai jom nyuhen hepak hatü jom nyuhen shing kü viong lingei hanpeih.

MÜLANGPÜ 19:4

‘Ngei Ijip am kü mehe dükshuohpa ha ammi eeteke, hatü alangi cheha yang kü haütü piyei deipükei ngei am hatoumü ngei nyushingei müei leipeih.

MÜLANGPÜ 24:3

Mechem Mosa leiyei Shembüpalei shah hatü shahkungnyüthü ejapa, jom peüi ngeü hük mü vamei, “Shembüpai epü lemphüli hami dükhen” shei eteke.

MÜLANGPÜ 24:7

hatü büpai vangpüshuwpü laitap yah-ei nanglakthüi danshi ie, hatü jomi, “Shembüpai epü peü hami dükhen, hatü hami ven banghen” shei e.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.