MALAKI 1:7 - DAÜLANGPÜ LAIHING (BSI)

⁷ Ngelei moidülei ammi nedaünelangpü hahying haünyüke, hatü ammi, “Hami mekei hapa sheihtükpa?” shei enyüke. Hapai ngelei moidü ne-ienelemnyu.

MALAKI 1:7 Referans Kwoze

MALAKI 1:12

Shejao ammi Shembüpalei moidü sheihdaiteke shei epai, hatü yaktükpü hahying moila shuohpai ngelei men tentükteke.

1 KORINT 10:21

Ammi Shembüpalei yungshong hatü kahshihlei yungshongao yingnüng neaok. Ammi Shembüpalei nükdü hatü kahshihlei nükdü nyiphen kü hean yah-ei hahnüng neaok.

MALAKI 1:8

Mechem ammi mükphüngdaipü yemhimak moila shuohhenshang, hayü nejiüpü nevaipü je? Mechem ammi la khodaipü nevaijü tüngpü yemhimakthü moila shuohhenshang, hayü nejiüpü nevaipü je? Governor hük kü hapa keipü thintho yahshuohjü büpai am kü bampü dou dükphahen je? shei Shembüpa Kahvangi enyüke.

EZEKIEL 41:22

pü moidü keiha shaopü kü meter hük mü bhaoei, yangkü meter hük, ba kü meter hük nyuteke. Hapa kü haongpü shemha, hapalei la hatü shaongpü bham kemei pü yah-ei lingteke. Büpai ngei kü, “Hapayü Shembüpa touei yaongpü haüdü hih” shei ephüteke.

SHAHKÜP 15:21

Shejao hapa yem kü lemhük eela koshi, la khodaitü nevaijü nemei-i kawhikang kohdaitü nyujema, hapayü Shembüpa, ammei Kahvang kü moila teshuoh.

LEVI 21:6

Jomphongü jomei Kahvang kü daülangi nyuhen hatü jomei Kahvangei men netenhen vongbong. Mehenangkü jomi Shembüpa, jomei Kahvang kü aw kü jakei moila shuohnyüke; jom daülangi nyuhen vongbong.

LEVI 2:11

Ammi Shembüpa kü shuohpü hahying moila mepayao daw shihtü teling; Shembüpa kü shuohpü hahying kü daw nevaijü nyahjiü meheyao neshihhen vongbong.

LEVI 3:11

hatü ngongpai hapa hahying moilayü moidü shangei Shembüpa kü aw kü jakei moilatuh.

LEVI 21:8

Jomphongü daülangpü shei peüi ieyeilemhen; mehenangkü jomi ammei Kahvang kü hahying moila shuohnyüke. Jomphongü daülangpü shei deihtuh; mehenangkü Shembüpa ngeiyü daülangpü, hatü ngei am daülangi lingpeih.

EZEKIEL 44:16

Jom mon ngelei daülangpü shingei shühen; ngelei moidü touei chongphohen nangkü peihen, hatü phopshemei chongphohen.

MALAKI 1:13

Ammi, “Hathüi ham kü hanggo vihteke” shei enyüke, hatü ammi ngei vüshihnyüke shei Shembüpa Kahvangi enyüke. Ammi ammei moilayü aetpüshepü dou, la khodaipü nevaijü mük mangdaipü yemhimakthü yah-ei peinyüke. Ammei lak kübü ngei henüng yahhen je? shei Shembüpai enyüke.