MALAKI 1:6 - DAÜLANGPÜ LAIHING (BSI)

⁶ Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

MALAKI 1:6 Referans Kwoze

LUK SHAHSHA APPÜ 6:46

Mehekei ammi ngei kü, “Shembüpa, Shembüpa” shei nyüktü ngei epü nedüknya?

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

1 PETER 1:17

Shennyak peü kü laophülei dou aimü baong nehani shahphenpü Pa kü ammi nyükjema, wüpküpei nyushi ammi nyemei dhüm shuohpükei nyutuh.

HOSEA 12:8

Ephraim ami changmeiyei, “Oh hamü shemmei, nükhinyiam longi nyüpeih. Hami shahhing ne-epü mophimo dangpeih; üpaiyao ham kü eelahen mang nedangpih” shei enyüke.

ISAIAH 64:8

Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

EPHESIA 6:2

Ampa hatü anyü kü dhüm shuohtuh; hapayü vangteipü shongpü shahkungnyü nyüke.

KANDOK 30:17

Mük, mepai laophülei pa kü naamei veinya, hatü laophülei nyüven lenya, kahjilei nyupü ashathüi büpalei mük luklanghen, hatü alangthüi ha hahtükhen.

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

MATHI 6:9

Amphongi hapakei phoptuh: “Vangsholei nyupü hamei Opa, nüngei men daülangpü vaituh.

KANDOK 30:11

Shennyak hanei-i laophülei pa kü thaüvaüpü, hatü hümlungnyü kü moihiman neshuohpü nyüke.

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

LEVI 19:3

Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

MARK 10:19

Nüngi ha shahkung nyingei nyüke: Nüngi tejü; nüngi mükbongjuyung tedük; nüngi tegüh, nüngi shahshem denpü teshuoh; nüngi te-ühing; anyü hatü ampa kü dhüm shuohtuh” shei e.

MATHI 19:19

Nyühipa kü dhüm shuohtuh; Shao nüngei chingyowpa kü laophü kü kei bamtuh” shei e.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

EZEKIEL 22:26

Ngongpathüi ngelei shahkungnyüthü mangtüknyüke hatü ngelei daülangpü douthü sheihtüknyüke; jomi daülangpü hatü nedaünelangpü nyi baong nehannyu; daülangpü hi nedaünelangpü nyi aa kü hayaoha hanpü neshiüpih shei nyuhnyüke; jomphong touei ngei nedaü-i leihühen shingvaishi jomi Sabbath kü dhüm neshuohnyu.

JEREMIAH 23:11

“Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei Shembüpai enyüke.

MATHI 15:6

Hanangkü ammei bü vanglem men kü ammi Kahvangei shah angsha leitüknyüke.

MALAKI 2:8

Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

LUK SHAHSHA APPÜ 10:29

Shejao büpai laophü nying dahshakhü, hanangkü büpai Jisu kü, “Ngelei chingyowpa üpaang?” shei phe.

LUK SHAHSHA APPÜ 6:36

Ammei Pa phahjipükei amao phahji hutuh.

MARK 7:10

Mehenangkü Mosai, ‘Anyü hatü ampa kü dhüm hutuh’ hatü üpai nyühipa khüei thaüvaühenshang dihühen vongbong” shei eteke.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

LUK SHAHSHA APPÜ 18:20

Nüngi hathü shahkung nyingei nyüke: ‘Nüngi mükbongjuyung tedük; nüngi tejü; nüngi tegüh; nüngi shahshem denpü teshuoh; ampa hatü anyü kü dhüm shuohtuh’ ” shei e.

MATHI 15:4

Mehenangkü Kahvangi, ‘Anyü hatü ampa kü dhüm hutuh’ hatü ‘üami nyühipa khüei ehenshang hingmei dihen’ shei enyüke.

HOSEA 5:1

“Hapa bangtuh, Oh ngongpathü! Mong shuohtuh, Oh Israel am! Bangtuh, Oh longhiong phang! hapa shahphenpü am khüei nyüke; Amphongü Mizpahlei tai hük kei nyuhamteke, hatü Tabor Kahshangei shang hük haenteke,

SHAHKÜP 1:31

Büpai laophülei hapeü müpü keiha Shembüpa, ammei Kahvangi lemyang kemei kü hapa shing thahshi müteke.

MENVIH KESHO 123:2

Chongphopathüi laophülei shembülei lak kü veipü keiha, chongpholathüi laophülei shembü lanyülei lak kü veipü keiha, büpai ham kü mangphahji thahshi hamei müki Shembüpa, hamei Kahvang kü veinyeih.

KANDOK 17:6

Viüpa hük shingvaishi hapeüthüyü hon athen, hatü hapeüthülei müknyinshekhangü jomei nyühipathü.

ISAIAH 43:23

Ammi ammei mithü müei peiyei ngei kü jakpü moila neshuoh, nevaijü moila shuoh-ei ngei kü dhüm neshuoh. Ngei am kü hahying moila nevaijü ayingshü jakei moila yahshih shei am kü hanggovih neshuoh.

JEREMIAH 3:4

Ammi ngei kü shaang, “Ngelei opa, hamei nethe hepak kübü küphü;

JEREMIAH 35:16

Rekhabei cheha Jonadabei hühihathüi jomei bühipai eshuohpü shahkung peü noteiyei heihteke, shejao ha nanglakthüi ngei epü nebang.

ZEPHANIAH 3:4

Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

MALAKI 2:1

Shaang, Oh ngongpathü, hapa kangpeyü am shingvaishi nyüke.

MALAKI 2:10

Jen peüei pa hük nyüpü nevaipü je? Kahvang hüki jen peü nelingangpü je? Shejema mehekei jenei bühipathüi Kahvang mü vangeishuwpü mangei hüki hük khüei luteilemteinya?

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

ISAIAH 45:10

Üpai laophülei pa kü, “Nüngi mehe li tuhpa?” nevaijü laophülei nyü kü, “Nüngi mehe bühpa?” shei enya, onyükei!

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.