MALAKI 1:4 - DAÜLANGPÜ LAIHING (BSI)

⁴ Edom ami, “Hamü ngümei mangtükjao shao lingei leihen” shei ejema, Shembüpa Kahvangi hapakei enyüke: “Jomi linghen aok, shejao ngei ha bentükhen. Jom kü mang kahdok, Shembüpalei mongshih phangkü nyupü nanglakthü shei nyükhen.

MALAKI 1:4 Referans Kwoze

EZEKIEL 25:14

Ngei ngelei nanglak Israel amei lak homei Edom am kü ngei bhüh yemhen, hatü jomphongi Edom am kü ngelei mongshih aimü dükhen; jomi ngei bhüh yempü nyinghen shei Shembüpa Kahvangi enyüke.”

EZEKIEL 35:9

Ngei am den kü lavüngtoiyei tuhphonghen; ammei jilathü kü shennyak chingchingei nenyuhen. Shejüang ammi ngeiyü Shembüpa khih shei nyinghen.’ ”

JEREMIAH 31:17

Hanangkü ngoikahen nangkü monglem nyüpeih” shei Shembüpai enyüke. “Nüngei hapeüthü jomei kahdok yemei leikahen.

ISAIAH 34:10

Nyakhingai thüngei hapa aw nemethen; haleipü awshit düngei nedoh-i vamhen. Hüdenhalenshi hapayü vüngmaki tuhhen; den den kü üpaiyao hapa homei nelongteihen.

ISAIAH 34:5

Shembüpai büpalei yanlu vangsholei temteke; veituh, hapayü Edom am büpai mahtükhen shei tempü shennyakthü touei yüshihhen.

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

MALAKI 1:3

shejao ngei Esau kü jiühit, hatü ngei büpalei phaüshang kahmük yaktükpeih, hatü büpalei mükjüp shahhishuw chi kü tuhphongpeih.

AMOS 6:2

Kalnehlei daituh hatü jom kü veituh; Haleipü Hamath chingnyü longpülei heihhümao. Philistia kahdok Gathlei yiühümao. Amü ha ongchingthü mü meinyeih shei deihnyu je? Nevaijü ammei kahmükü jom mü longpeih shei deihnyu je?

EZEKIEL 11:10

Amü yani mahkemhen, hatü ngei Israel amei viong baongei ngei am shahphenhen. Shejüang ngeiyü Shembüpa shei ami nyinghen.

YOUNG LAI 3:37

Shembüpai nedükpheikü üpai mehe etü hapa vamhüaokhen?

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

MENVIH KESHO 137:7

Oh Shembüpa, Edom ami Jerusalem dopü nyih, “Shaaktüktuh! Chongnyiam omshi shaaktüktuh!” shei khüei epü deih-ei dangtuh.

MENVIH KESHO 127:1

Shembüpai nevepheikü, shem vepüthü angkü nyiunyüpeih. Shembüpai chingnyü neyompheikü ha yompüthü angkü yomnyüpeih.

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

JOB SHAHSHA APPÜ 12:14

Kahvangi shaaktükpheikü üpaiyao hapa lingei leihen neaok. Büpai khoklatei küptükpü üpaiyao hapa laihen neaok.

JOB SHAHSHA APPÜ 9:4

Büpayü longi nahshi hatü wong kohshi, üpai büpa khüei yaongaokhen hatü neüaokhen?

MATHI 12:30

Üpa ngei mü nenyu, büpa ngei khüei nyüke, hatü üpai ngei mü nethai, haitüknyeih.

JEREMIAH 5:17

Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

JEREMIAH 49:8

Dedanei nyupüthü, nyokei leiyei nyaidaituh hatü chülohpü yaongshalei jodaituh. Mehenangkü ngei büpa hanghihüpü nyih Esau küshanghah shuohhen.

JEREMIAH 49:20

Hanangkü Shembüpai Edom am khüei tempü küpjan, hatü Temanlei nyupüthü khüei lingpü kon kü bangtuh. Mi chehathü shüei lüdaihen hatü peüi ha kü nyemhen.

EZEKIEL 25:13

Shembüpa Kahvangi hapakei enyüke: Ngei Edom am khüei ngelei lak nohen, hatü haleipü shennyakthü hatü yemhimakthü jütükhen. Ngei hapa ching lavüngtoiyei tuhhen, hatü Teman kübü Dedan thahshi jomphong yani mahkemhen.

EZEKIEL 26:14

Meheyao neshiüpü yaongba kei ngei am leitükhen; ammei shingü shang yeemteipü shing leitükhen. Ammei chingnyü hajük kü leiyei nelingaokhen shei ngei, Shembüpai etepih shei Shembüpa Kahvangi enyüke.”

EZEKIEL 35:4

Ngei nüngei chingthü mangtükhen hatü nüng lavüngtoiyei tuhphonghen. Shejüang ammi ngeiyü Shembüpa Kahvang shei nyinghen.”

AMOS 3:15

Ngei jom ünyü hepak kü nyuteipü shemthü, hatü shaonyü hepak kü nyuteipü shemthü bentükhen, hatü meinyübha-i vepü shemthü, hatü longpü shemthü peü benei mangtükhen shei Shembüpai enyüke.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

AMOS 6:11

Mehenangkü Shembüpai shahkung shuohteke, hatü shem longpü khih mü bentükhen, hatü shemhathü ashüi ngümtükhen.

OBADIAH 1:1

Hapayü Obadiahlei manghkhang– Jeiyong Shembüpai Edom am nang hapakei enyüke: “Hamphongi SHEMBÜPAleipü shahjang hük dantepih, hatü jatthü touei phongmokbü hük shomei eteke: Layaongtuh, hatü jeni Edom am khüei hokshah!”

OBADIAH 1:10

Anaü Jakob khüei hokpü nangkü, am veüi jümhühen; am denshing mahtükhen.

MENVIH KESHO 33:10

Shembüpai jatthülei küpjan kong leitüknyeih; büpai hangkuthülei mükhong bangtüknyeih.

JEREMIAH 49:7

Shembüpai Edom an nangkü hapakei enyüke: “Teman kü kihikon neshiüpü je? Kenhingpüthü kü shahnying ehen mahdaipü je? Jomei kon kemdaipü je?

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.