MALAKI 1:13 - DAÜLANGPÜ LAIHING (BSI)

¹³ Ammi, “Hathüi ham kü hanggo vihteke” shei enyüke, hatü ammi ngei vüshihnyüke shei Shembüpa Kahvangi enyüke. Ammi ammei moilayü aetpüshepü dou, la khodaipü nevaijü mük mangdaipü yemhimakthü yah-ei peinyüke. Ammei lak kübü ngei henüng yahhen je? shei Shembüpai enyüke.

MALAKI 1:13 Referans Kwoze

MIKA 6:3

“Ngelei nanglakthü, ngei am kü mehe dükpa? Ngei meshük am kü hanggovih kei chongküpa? Ha ngei kü eshih.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 6:5

Mechem am phophenshang, ammi akhümmong-ümthü kei tedük; mehenangkü jomi Sinagoglei hatü lemshongei shennyaki eehen shingvaishi yaongtü phophen kennyüke. Ngei am kü enyeih, jomi jomei laklei danglangteke.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.

AMOS 8:5

“Hami hah yuhen shingvaishi mechem Lenja Mo peihdaiphahenang? hatü hami wheat hah yuhen mechem Sabbath dohdaiphahenang? Dokyaong gühhen, bhei aonghen, hatü dok gühpai bhei shakpü am kü lueilemhen.

EZEKIEL 44:31

Ngongpathüi nyingnyoi kü dipü ou nevaijü yemhimak, nevaijü shahhishuwi jüpü phai meheyao nehahhen.

EZEKIEL 4:14

Hahepak kü ngei, “Oh Shembüpa Kahvang! Hashih mebü shaang thahshi angkü dipü nevaijü phaüyemi jüpü phai hahtü ngei nedaünelangi neleiangpih; hapa keipü nedaüpü het manghahpih” shei eteke.

ISAIAH 57:6

Kahji leipü nyülükpü yaongthü yah-ei kahvang vaishi khümnyüke, hathüyü ammei kahvangthü; Hathü kü ammi yiü moila langei, hahying moila shuohnyüke. Hathü kü ngei mongmeihen je?

ISAIAH 1:12

Mechem amphongi ngei mü pongteinüng peihenshang, hathü koei peikei shei üpai ephopa? Hajük kü ngei nyushingei la teshuopkei.

1 SAMUEL 2:29

Nanglakthü kü yüpü jakpü moila hatü lebü moilathü kü mehekei hahnemei, hatü ngei kü dhüm shuohhen nangjeiyei Israel ami shuohpü moila kübü hean meipü üh-ei anhanyi kü-ang dhüm shuohnya?

SHAHKÜP 15:21

Shejao hapa yem kü lemhük eela koshi, la khodaitü nevaijü nemei-i kawhikang kohdaitü nyujema, hapayü Shembüpa, ammei Kahvang kü moila teshuoh.

LEVI 22:8

Meishi dipü nevaijü shahhishuwi hahpü yemhalei phai nehahhen; hapai büpa nedaüpü leihen. Ngeiyü Shembüpa.

LEVI 6:4

mechem büpai hapakei mang thah-ei punghen, büpai gühpü dou, nevaijü aetpü dou, nevaijü büpa kü junghenlanghen tuhpü dou, nevaijü mahdaipü dou büpai dangpü,

2 SAMUEL 24:24

Shejao ongpai Araunah kü, “Tah, ngei nüng kü lop shuohtü-üng shakhen hih. Ngei lat neshuohpü kü ang kübü doui Shembüpa, ngelei Kahvang kü moila neshuohpih” shei e. Hanangkü Davidi hah tenshing hatü mohohbaongthü lop pinyipüan shuohtü shak.

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

HOSEA 13:9

Ngei am mahtükhen, Oh Israel; Üpai am kü sheüh-aokhen?

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

MALAKI 2:12

Üpai ha düknya, büpai moila koei peijao Shembüpa Kahvangi Israel am khong kübü katitükhen.