MALAKI 1:11 - DAÜLANGPÜ LAIHING (BSI)

¹¹ Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

MALAKI 1:11 Referans Kwoze

ISAIAH 54:5

Mehenangkü am Lingbüyü ammei baha, Jeiyong Shembüpayü büpalei men; Daülangpü Israel Kahvangü am Yemleibü; Büpa kü kahdoknyü peüi Kahvang shei nyüknyüpeih.

ISAIAH 45:6

shejüang heong kübü heshü thahshi ngei mü lenei lebü Kahvang neshiü shei hangkuthüi nyinghen. Ngeiyü Shembüpa, hatü lebü Kahvang neshiü.

SHAKEI VAMPÜ 5:8

Mechem büpai laidü yahpa, yemmü nyupü yemha ali hatü behethü hapüali-i Mi Cheha touei aümei sha, hatü jom peüei harp, hon shung kü ayingshü maei shihtü nyu, hathüyü daülangpüthüi phoppü nyuteke.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

ZEKHARIAH 8:7

Jeiyong Shembüpai hapakei enyüke: Ngei ngelei nanglakthü heong heshü kahmükthü peü kübü yanglanghen;

MENVIH KESHO 50:1

Vanghe aongpü kübü shüpü thahshi, Jeiyong Kahvang, Shembüpai enyüke, hatü nyüknyüke.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

MENVIH KESHO 141:2

Nüng touei ngei phoppü ayingshü keiha yahtuh, hatü ngelei lak om kü shuohpü moila kei haongnyeih.

MENVIH KESHO 67:2

Shejüang nüngei lemthü kahdoknyü kü, hatü jatthü peü kü nüng yemleipü nyinghühen.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

ROM SHAHSHA APPÜ 15:16

Kung am touei Kahvangei shahjang meipü kü ngongdou dükei Khrista Jisulei chongphobü vaihen phahji shuohpeih, shejüang Kung amei moilayü Laangha Daülangpai daütükpü, hatü yahaokbenüng leihen.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

LUK SHAHSHA APPÜ 1:10

Shaang ayingshü jakei moilapü hepak kü khongnyü-ü chingshelei phopei nyu.

MALAKI 1:14

Mi khongkü meipü mi chebaong nyüpeih, hatü ha shuohhen shei lahtü üpai lueilemei kawhikang kohpü yem Shembüpa kü moilanya, büpa thaüvaüthemthetuh. Mehenangkü ngeiyü longpü ongpa hatü jatthü peüi ngelei men kü nyemhen shei Shembüpa Kahvangi enyüke.

ZEPHANIAH 3:9

Hahepak kü jom peü kemei Shembüpa kü nyükhen shingvaishi, hatü pang hük kü paaitü büpa chongphohen shingvaishi, ngei nanglakthülei jubenyeijaang daütükhen.

ZEPHANIAH 2:11

Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

AMOS 9:12

Shejüang Edom ami mehe aoei tuh, ha Edom ami yahlanghen, hatü ngelei men kü nyükpü jatthü peü kemei Shembüpai ha douthü dükkahen shei enyüke.

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

MENVIH KESHO 113:3

Heong kübü heshü thahshi Shembüpalei men longtuh.

MATHI 8:11

Ngei am kü enyeih, heong heshü kübü longi peikahen hatü vangsho ongching kü Abraham, Isak hatü Jakob mü chemi hahyinghen,

2 THESALONIKA 1:12

shejüang jenei Kahvang hatü Shembüpa Jisu Khristalei phahji shangshi jenei Shembüpa Jisulei men am kü müknyinshekhanghen, hatü ammi büpa kü müknyinshekhanghen shingvaishi hami phopnyeih.

BHEI-IE 7:74

hon nükshung hük dokshuohjü gram 110, ha kü ayingshü maei shihtü;

MENVIH KESHO 45:17

Ngei nüngei men denshem peü kü eteihühen; hanangkü jatthüi den den kü nüngei men longhen.

MENVIH KESHO 48:10

Nüng kü vihpü keiha, Oh Kahvang, nüngei men kahdoknyü peü lemei dainyüke. Nüngei lakdahphi daülangshemshepai maei nyüke.

MENVIH KESHO 111:9

Büpai laophülei nanglakkü yemleipü shuohteke; büpai laophülei vangpüshuwpü shuohteke. Büpalei men daülangi, hatü nyemshi nyüke.

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

ISAIAH 12:5

Shembüpa kü menvih kesho loktuh: mehenangkü büpai müknyinshekhang douthü dükteke; hapayü kahdoknyü peü kü nyinghütuh.

ISAIAH 66:18

Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.

JEREMIAH 10:6

Nüng kei üpayao neshiü, Oh Shembüpa, nüngü longpüba, hatü nüngei menü ngan kü wong kohpüba.

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

1 SHÜPPÜKENGPÜ 16:25

Mehenangkü Shembüpayü longpü hatü duei-ouhen shangpü; kahvangthü peü shak kü büpa kü dhüm shuohtuh.

MENVIH KESHO 48:11

Nüng shahhing shahphenpü nangkü Zion Kahshang mongonghütuh; Judah jilathü mongmeihütuh.

MENVIH KESHO 65:9

Nüngi kahdoknyü thümnyeih, ha kü yung shuohnyüke, hatü ha shemmei leihünyüke. Kahvangei yungyenthü yungi maei nyüke, hapai hangku kü hahying vamhünyüke; hapakei nüngi temei tuhpeih.

MENVIH KESHO 86:9

Nüngi lingpü jatthü peü peiyei nüng kü aümei khümhen, Oh Shembüpa, hatü nüngei men müknyinshekhanghen.

MENVIH KESHO 96:8

Shembüpalei müknyinshekhang men vihtuh; moila kotü büpa khümshingei peikei.

MENVIH KESHO 138:5

Jomi Shembüpalei lemthü jung kesho lokhen; mehenangkü Shembüpalei müknyinshekhang longpü nyüke.

ISAIAH 19:21

Hanangkü Shembüpa laophü nyingi Ijip am kü nyinghühen, hatü Ijip ami hapa nyih Shembüpa nyinghen, hatü jomi büpa kü jakpü moila, lebü moila shuoh-ei Shembüpa kü vangeishuwei hathü dükei büpa kü khümhen.

ISAIAH 30:27

Veituh, Shembüpalei men tailu leipü peikünyüke, mongshih wong kemei phumnyak keiha awshit vamei; büpalei ju kü mongshih maei, hatü büpalei yei-ü awlom kei nyüke.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

MALAKI 3:3

Büpayü nyiam jakei hienpü shennyak keiha nyukahen; büpai Levi am daühühen hatü daülangshemshepü kü Shembüpa kü moila shuohhen shingvaishi büpai jom hon hatü ngin kei daühühen.