MALAKI 1:10 - DAÜLANGPÜ LAIHING (BSI)

¹⁰ Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

MALAKI 1:10 Referans Kwoze

1 PETER 5:2

Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

HEBREW 10:38

Shejao ngelei daülangpü nanglak hinglempai nyuhen. Shejao üam ngümpheilei shinei leidai, büpa kü ngei mongneonghen.”

PHILIPPI 2:21

Peüi laophü lomja meihen deihpü mon, Jisu Khrista nang deihpü neshiü.

1 KORINT 9:13

Phopshemei chongphopüthüi phopshem leipü hahying dangnyeih, hatü moidülei chongphopüthüi moidülei moila shuohpü kübü phaihan dangnyeih shei ammi nenyingnyu je?

JOHAN 10:12

Üpa mi yombü nevai, shejao lathahbü mon hatü laophülei mi nenyu, büpai shahhishuw peipü eeyei mithü mon tuhphongtü mokdainyeih, hatü shahhishuw peiyei jom shüknyüke hatü yantüknyüke.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

MALAKI 1:13

Ammi, “Hathüi ham kü hanggo vihteke” shei enyüke, hatü ammi ngei vüshihnyüke shei Shembüpa Kahvangi enyüke. Ammi ammei moilayü aetpüshepü dou, la khodaipü nevaijü mük mangdaipü yemhimakthü yah-ei peinyüke. Ammei lak kübü ngei henüng yahhen je? shei Shembüpai enyüke.

MALAKI 2:12

Üpai ha düknya, büpai moila koei peijao Shembüpa Kahvangi Israel am khong kübü katitükhen.

2 ONGPATHÜ 12:6

Shejao Joash-i vanglem lempü bong hapüjem ngoidaijao ngongpathüi phopshem mangdaipü neling.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.