LEVI 8:30 - DAÜLANGPÜ LAIHING (BSI)

³⁰ Mosai mainga hanei hatü iy hanei moidü leipü yah, hatü Aaron hatü chehathülei owhiai kü hai. Hapakei büpai Aaron hatü chehathü hatü jomei owhiai kemei daütük.

LEVI 8:30 Referans Kwoze

BHEI-IE 3:3

Hathüyü Aaronei yeshangthülei men nyüke hatü jomphongü ngongpa dousho kü ngongpathü kei chongphohen shingvaishi thiteiphuei jeteke.

MÜLANGPÜ 30:30

Ngelei dousho kü ngongdou dükei chongphohen shingvaishi nüngi Aaron hatü chehathü thiteiphuei daütüktuh.

MÜLANGPÜ 29:21

Hapheikü nüngi moidü leipü iy maani, hatü nyiohen mainga maani yah-ei Aaron hatü chehathülei owhiai kü haiyeishuoh; shejüang büpa hatü chehathülei owhiai daülangi leidaihen.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

MÜLANGPÜ 28:2

Anjei Aaron kü dhüm kohshi, nethe meishi eehen shingvaishi ngong-ow temtuh.

LEVI 7:36

Jom jepü nyih mebü Shembüpai hüdenhalenshi jom kü hapa hean düngei shuohhen Israel am kü shahkung shuohteke.

LEVI 7:35

Jom ngongpathü vaihen jepü nyih mebü Aaron hatü chehathü kü Shembüpa kü jakpü moila shuohpü kübü hanshuohpü hean nyüke.

LEVI 8:12

Büpai mainga hanei yah-ei Aaronei shangjing phuei daühü.