LEVI 8:15 - DAÜLANGPÜ LAIHING (BSI)

¹⁵ Mosai mohoh jü, hatü iy hanei yah-ei büpalei lakjaangi moidü daühen moidü leipü vaung kü nyioteke. Aopü iy kemei büpai moidü chongei lang; hapheikü büpai hapa daütük.

LEVI 8:15 Referans Kwoze

LEVI 4:7

Hapheikü ngongpai ashakshem mongei Shembüpa toueipü ayingshü jakpü moidü leipü vaung kü iy hanei nyiohen, hatü mohohlei iy aopü yah-ei büpai ashakshem shaden leipü moila jakpü moidü chongei langhen.

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

EPHESIA 2:16

hatü shophang homei dehilao dihüei khong nyiphen Kahvang mü mongjemhüpeih.

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

EZEKIEL 45:20

Hapa keiha shennyak hanei-i pungpü nevaijü nethahnengoipü homei mang thahjema len nyetpabü kao dükhen; hapakei ammi phopshem daülangi tuh-aokhen.

2 SHÜPPÜKENGPÜ 29:24

hatü ngongpathüi hathü yum jütü Israel am kempülei mang tükhen shingvaishi moidülei ha iy shuoh; mehenangkü ongpai Israel am peü shingvaishi jakpü moila hatü mang moila shuohhen ngeükhüam shuoh.

LEVI 16:20

Mechem Aaroni Longi Daülangpü Shing, ashakshem hatü moidü daüei temhenshang, büpai yum hük yemmü yah-ei deihen,

LEVI 6:30

Shejao mang moila mepalei iy ashakshem mongei yah-ei shünya, hapayü nehahhen; hapayü aw kü jakhen vongbong.”

LEVI 4:30

Hapheikü ngongpai büpalei lakjaangi hapa mang moila iy hanei yah-ei jakpü shuohteipü moidü leipü vaung kü nyiohen, hatü aopü iy kemei moidü chongei langhen.

LEVI 3:8

Büpai hapa moilapü milei shangjing kü laki düktü ashakshemei jütuh, hatü Aaronei chehathüi hapalei iy yah-ei moidü shinei haihütuh.

LEVI 3:2

Moila shuohbüi hapa moilapü yemhalei shangjing kü büpalei laki düktü ashakshem shadenei jütuh, hatü Aaronei hapeü ngongpathüi hapalei iy yah-ei moidü shinei haihütuh.

LEVI 1:11

Büpai hapayü Shembüpa tou kü moidü apsha philei jühütuh, hatü Aaronei cheha ngongpathüi moidü shing peü shinei iy haihen.

LEVI 1:5

Hapa mohohbaongü Shembüpa tou kü jühen vongbong, hatü Aaronei cheha ngongpathüi ashakshem shadenei nyupü moidü shing peü shinei iy haihütuh.

LEVI 4:25

Ngongpai büpalei lakjaangi mang moila kübü iy hanei yah-ei jakpü moila shuohpü moidü leipü vaung kü nyiohen, hatü aopü iy kemei moidü chongei langhen.

BHEI-IE 8:12

Levi am daütükhen shingvaishi jomi mohoh chebaong nyilei shangjing kü jomei laki shinghen; hükü mang moila shuohhen hatü hükpayü jakpü moila shuohhen.