LEVI 7:21 - DAÜLANGPÜ LAIHING (BSI)

²¹ Shennyak hanei-i hangku leipü nedaüpü vaituh, yemhimak leipü vaituh, nedaünelangpü lemhük kü-üng hongtü Shembüpa kü shuohpü mongjempü moila kübü phai hahjema, büpa laophülei nanglak khong kübü katitükhen.

LEVI 7:21 Referans Kwoze

EZEKIEL 4:14

Hahepak kü ngei, “Oh Shembüpa Kahvang! Hashih mebü shaang thahshi angkü dipü nevaijü phaüyemi jüpü phai hahtü ngei nedaünelangi neleiangpih; hapa keipü nedaüpü het manghahpih” shei eteke.

LEVI 12:1

Shembüpai Mosa kü,

LEVI 11:20

Yang kohpü yemhamakha la ali kohtü kampü peü am shingvaishi jiühitbenüng nyüke.

SHAHKÜP 14:10

shejao mepa kü ka hatü yangkaok nenyu, ha nehahhen hatü hathüyü nedaüpü yemthü nyüke.

SHAHKÜP 14:3

Amphongi nedaüpü hahying meheyao tehah.

LEVI 22:4

Aaronei hühiha hanei kü ngomdin nyujema, nevaijü hangyung vamjema, büpa mangdaütük thahshi daülangpü moila kübü hahying nehahhen. Üpa ngongpai mahng nevaijü hangyung vampü shennyaki hongtü nyettükpü dou kü honghenshang,

LEVI 18:29

Üpai henüng keipü jiühitnalai dou dükhenshang, hapa shennyakü laophülei nanglakthü khong kübü katitükhen.

LEVI 17:14

Mehenangkü lemphü yemhimak yemmü nyuhen shingvaishi hapalei iyü hapalei yangnyu yem nyüke. Hanangkü ngei Israel am kü mepa yemhalei iyao tehah; mehenangkü lemphü yemhimak yemmü nyuhenü hapalei iy kü nyüpeih shei eteke; üpai ha hahhen, büpa nanglak khong kübü katitükhen.

LEVI 17:10

Israel shennyak hanei-i nevaijü jom mü lakeiloipü benha hanei iy hahjema, ngei hapa iy hahpü shennyak khüei yaonghen, hatü hapa shennyak nanglak khong kübü katitükhen.

LEVI 7:27

Hanei-i iy hahjema, büpa laophülei nanglak kübü katitükhen.”

LEVI 7:25

Üpai Shembüpa kü jakpü moila shuohpü yem kübü cheü hahhenshang, büpa laophülei nanglak khong kübü katitükhen.

LEVI 7:20

Shejao hanei nedaünelangi Shembüpa kü shuohpü mongjempü moila kübü hahjema, büpa laophülei nanglak khong kübü katitükhen.

MÜLANGPÜ 12:19

Nyih nyet mongkü ammei shemei daw lanshei netuhhen vongbong; mehenangkü benha vaituh bühü vaituh üami daw shihpü aan hahhenshang, Israel khong kübü katitükhen.

MÜLANGPÜ 12:15

Shembüpai, “Nyih nyet ammi daw neshihpü aan hahtuh; shongpü nyih kü ammi laophülei shem leipü daw peü yaktüktuh; mehenangkü üpai hapa nyih mongkü daw shihpü aan hahhenshang büpayü Israel khong kübü katitükhen.

KAHBHAO 17:14

Baha üpai shuw nejaphen, büpayü ngelei nanglak khong kübü yaktükhen; mehenangkü büpai vangpüshuwpü mangtükteke.”

LEVI 7:22

Shembüpai Mosa kü,

LEVI 22:3

Hüdenhalenshi nüngei hühihathü khongkü hanei-i büpa nedaünelangpü hepak kü Israel ami Shembüpa kü daühüpü lanei shuohpü moila koei peipü yopailei büpa peijema, hapa shennyakü ngei toueipü katitükhen. Ngeiyü Shembüpa.”

BHEI-IE 19:22

Nedaüpü shennyaki hongtükpü dou lemphü nedaüi leinyüke, hatü üpai ha kü honghenshang om dhüshi nedaüi leihen.

1 SAMUEL 20:26

Shejao Sauli ha nyih meheyao ne-e; mehenangkü David nedaü-i leihen mü lemhük vamjapü vaaishang; hingmei büpa nedaüi shiühen khih shei büpai deih.

LEVI 19:8

Üpai hapa hahhen hanghihühen; mehenangkü mehe Shembüpa kü daülangpü nyüpa, ha nyettükteke, hatü hapa keipü shennyakü laophülei nanglak khong kübü katitükhen.

LEVI 20:3

Ngei hapa shennyak khüei yaonghen, hatü ngei büpa laophülei nanglak kübü katitükhen; mehenangkü büpalei hapeü Molekh kahvang kü shuohpai ngelei daülangpü shing nyettükteke, hatü ngelei daülangpü men tentükteke.

LEVI 23:29

Üpai hapa nyih shüaeiyungleyei nethemhen, büpayü laophülei nanglak khong kübü katitükhen.

EZEKIEL 33:25

Hanangkü Shembüpa Kahvangi hapakei enyüke shei hathü kü etuh: “Ammi phai mü iy-ao omshi hahnyüke, hatü ammei lajeithü kü khümnyüke, hatü iy vamhünyüke; hapakei tuhtü hapa kahdok yah-aokhen je?