LEVI 7:12 - DAÜLANGPÜ LAIHING (BSI)

¹² Büpai menvih shuoh-ei hapa moila shuohpü vaijema, büpai menvih shuohpü moila mü daw neshihpü aan mainga nyettü lingpü shuohtuh.

LEVI 7:12 Referans Kwoze

BHEI-IE 6:15

Ha mü chemi jomi hahying moila, yiü moila, daw neshih-i lingpü aan mühdow hük, atta hatü olive mainga nyi nyettü lingpü aan, hatü olive mainga nyettü oukpü baünyangpü aan koei peiyei moilahen.

LEVI 2:4

Mechem nüngi hahying moila aandük hük oukeitüktü shuohhenshang, hapayü meipü aanthüng daw neshih-i mainga mü nyettü nevaijü daw neshihpü aanbhaok kü mainga nyiotü shuohhen vongbong.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

HEBREW 13:15

Shejema, büpa homei jeni nedoh-i Kahvang kü menvih shuohpü moila, lappai, büpalei men kü lahpü jubenyeijang betjük shuohshah.

EPHESIA 5:20

Düngei Pa Kahvang kü hatü lemphü shing jenei Shembüpa Jisu Khristalei men kü menvih shuohtuh.

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

LUK SHAHSHA APPÜ 17:18

Hapa Kung shennyak mü lenei jomphong hükao nyokei leiyei Kahvang kü menvih neshuohnyu je?” shei phe.

LUK SHAHSHA APPÜ 17:16

Büpai Jisulei la tüngei aümei shatü büpa kü menvih shuoh. Büpayü Samaria am nyuteke.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

MENVIH KESHO 116:17

Ngei nüng kü menvihpü moila shuohhen, hatü Shembüpalei men kü nyükhen.

MENVIH KESHO 107:8

Shembüpai bampü shingvaishi, hatü hangku kü büpalei thamapü douthü shing jomi menvih shuohhütuh.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

NEHEMIAH 12:43

Jomi ha nyih jakpü moila longi shuoh, hatü nanglakthü mongongpai maei nyu, hatü Kahvangi jom longi mongonghü. Nyüha hashih peü mongong hatü Jerusalemei mongongmonglepü taileiyao dan.

2 SHÜPPÜKENGPÜ 33:16

Hapheikü büpai Shembüpalei moidü leiyei tuh hatü halei mongjempü moila, menvih shuohpü moila shuoh, hatü Judah am kü Shembüpa, Israel Kahvang chongphohen eteke.

2 SHÜPPÜKENGPÜ 29:31

Hahepak kü Hezekiah-i, “Shaang am nyingi Shembüpa touei daüteke. Shaangü moila hatü menvih moila Shembüpalei shemei koei peikei” shei e. Hanangkü khongi moilathü hatü menvih moila hatü mongpüthüi jakpü moila koei pei.

LEVI 22:29

Mechem ammi Shembüpa kü menvih moila shuohhenshang, hapayü yah-aokhen mü vanglem kü jiüshi moilatuh.

LEVI 7:15

Hapa menvih shuohpü mongjempü moila kübü phaiyü moila shuohpü nyih-üng hahkemhen vongbong; büpai hapa nepphei thahshi aoei netuhhen vongbong.

LEVI 6:16

Aaron hatü chehathüi aopü kemei hahhen, shejao hapayü daw neshih-i daülangpü shingei hahhen; jomi hapayü ashakshem chingshelei hahhen.

LEVI 2:5

Nüngei moilayü aan oukpü dük kü oukpü hahying moila vaijema, hapayü meipü atta olive mainga kü nyetpü daw neshihpü vaihen vongbong.

AMOS 4:5

Menvih moila daw shihpü aan deikei, hatü ammi haüpüwongpü moila shuohpü kü mongmeituh; mehenangkü ammi henüng dou dükhen kennyüke, Oh Israel nanglakthü, shei Shembüpai enyüke.