1 Shembüpai Mosa kü eteke:
Mechem shennyak hanei-i küphü haneilei lop nevaijü doumeinangmei jaohen yah-ei tuhhen, hatü shem leipü hapa gühlangjema, hatü ha gühpü shennyak yepjema, shing nyi shemhühen.
Büpai Shembüpa khüei nejiüi pungei dükpü nangkü hapayü pungpü moila nyüke.
Shennyak hanei-i büpa kü büpalei chingyowi lemhük shuohpü nangkü, nevaijü büpai junghenlanghen shingvaishi lemhük shuohpü kü lueilemjema, nevaijü gühjema, nevaijü büpai hapa kü ühingei,
shejao hapa shennyaki büpa shing Shembüpa kü pungpü moila shuohhen mi chebaongha hük ashakshem shadenei yah-ei peihen,
Nüngi tegüh.
Mechem shennyak hanei-i mohoh nevaijü mi güh-ei jühen hatü yutükhenshang, gühpai mohoh hük kü nga hang shemhen, hatü mi hük shing ali shemhen.
Aaronei cheha üpai mongjempü moilalei iy hatü cheü moila shuohnya, büpai büpalei phaihan yemhalei shüngdahphi yahhen.
Zakhaeus yaongei Shembüpa kü, “Veituh, Shembüpa, ngelei mop hükkeishing taopathü kü shuohhen hih, hatü ngei hanei am kü lueilemei lemhük dangkao yah-ei nyujema, ngei shing ali nyeishi shemhen hih” shei e.
