LEVI 5:16 - DAÜLANGPÜ LAIHING (BSI)

¹⁶ Büpai daülangpü douthü nedükaoki shaitükpü shingvaishi manglat phaihan kukha ütü hathü kemei ngongpa kü shuohhen, hatü ngongpai hapa shennyakei mang shingvaishi mi chebaongha hük jakpü moila shuohhen, hatü büpalei mang tükhen.”

LEVI 5:16 Referans Kwoze

BHEI-IE 5:7

hatü büpai thahpü mang lahhen vongbong. Büpai shaitükpü kemei shemhen hatü ha kü phaihan nga kü phaihan hük ütü büpai shaishuohpü shennyak kü hang shemhen vongbong.

LEVI 22:14

Ngongpalei shem am nevaijü shennyak hüki pungei daülangpü hahying hahjema, büpai hahtükpü hahying phaihan nga kü hük ütü ngongpa kü shemhen vongbong.

LEVI 27:31

Shennyak hanei-i laophülei ankhong hean kübü angei leihahhüjema, büpai hapalei bhei mü hapalei phaihan kü phaihan nga hantü phaihan hük bhütü shuohhen vongbong.

LEVI 27:27

Shejao shongei shaanpü nedaüpü yemü ittü nyupü bhei heshap, ha kü hapalei bhei kü phaihan nga kü hük ütü angei leihen aok. Büpai ha angei neleijema, hapayü itpü bhei aimü yutükhen aok.

LEVI 27:15

Shennyak hanei-i Shembüpa kü laophülei shem shuohtükpheikü shao angei leihahhüjema, büpai hapa bhei kü shao phaihan nga kü hük ühen vongbong, hatü hapa shemü shao büpalei vaidaihen.

LEVI 27:13

Shembüi hapa yem angei leihüjema, büpai hapa bhei kü shao phaihan nga kü hük ühen vongbong.

LEVI 5:10

Ngongpai hükpa yah-ei shuohteipü vanglem aimü jakpü moila shuohhen. Hapa keiha ngongpai büpai thahpü mang shingvaishi jakpü moila shuohhen, hatü büpalei mang tükhen.

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

LUK SHAHSHA APPÜ 19:8

Zakhaeus yaongei Shembüpa kü, “Veituh, Shembüpa, ngelei mop hükkeishing taopathü kü shuohhen hih, hatü ngei hanei am kü lueilemei lemhük dangkao yah-ei nyujema, ngei shing ali nyeishi shemhen hih” shei e.

MENVIH KESHO 69:4

Meheyao ten neshiüpü kü ngei kü jiühitpüthü shokuk mao nyeidaiteke. Ngei jühenthü longi nyüke, shahshemi ngei nyonghüpü vepathü longi nyüke. Mehe ngei negüh, ha ngei shemhen je?

LEVI 5:13

Hapa keiha büpai thahpü mang lemphü shingvaishi ngongpai jakpü moila shuohhen, hatü büpalei mang tükhen. Hahying moila kü keiha aopü moila kemei ngongpa shing vaihen.

LEVI 5:6

hatü büpalei mang nangkü manglat mi nevaijü yum chebi yah-ei Shembüpa kü mang moila shuohhen vongbong. Büpalei mang shingvaishi ngongpai jakpü moila shuohhen.

LEVI 4:26

Büpai mongjempü moila kübü cheü jakpükei moidü shangkü cheü kemei jakhen. Hapa keiha ngongpai vanglem lembülei mang shingvaishi moila shuohhen, hatü büpalei mang tükhen.

MÜLANGPÜ 22:1

Mechem shennyak hanei-i mohoh nevaijü mi güh-ei jühen hatü yutükhenshang, gühpai mohoh hük kü nga hang shemhen, hatü mi hük shing ali shemhen.

LEVI 7:2

Hapa pungpü moilayü jakpü moila jüshingei jühen, hatü hapalei iy moidü shing peü lemei haihen.

BHEI-IE 5:8

Shejao hapa shennyak didaitü hapa hang shemhen büpalei shem am nenyujema, hapa hangü Shembüpalei, hatü hapayü ngongpathü kü büpai pungpü mang shingvaishi mang tükpü moila shuohhen mi chebaongha kü üei shuohhen vongbong.

1 SAMUEL 6:3

Jomi, “Ammi Israel Kahvangei Vangpüshuwpü Pela shomei leishihjema, hapa mon kongmü teleishih, shejao mehe vaihenshang vaijao büpa kü pungpü moila-ao shomtuh. Shejüang am meihen, hatü mehekei büpalei lak am toueipü neyahlangpa, ha ammi nyinghen” shei e.

LEVI 4:20

hatü büpai mang moila shuohpü mohoh kü nemnopükei büpai hapa mohoh-ao nemnohen. Hapa keiha ngongpai jomei mang shingvaishi moila shuohhen, hatü jomei mang tüktükhen,