LEVI 5:15 - DAÜLANGPÜ LAIHING (BSI)

¹⁵ “Mechem shennyak hanei-i punghen, hatü Shembüpalei daülangpü dou kü lemhük kü dangkao nenyingi mang thahhenshang, büpai Shembüpa kü manglat mi chebaongha hük mi khong kübü kawhikang neshiüpü koei peihen, hatü phopshemei dokteipü dok aimü ngin koei peihen. Hapayü pungpü moila nyüke.

LEVI 5:15 Referans Kwoze

MÜLANGPÜ 30:13

Men shüpü peüi phopshemei dokteipü dok kü dokei Shembüpa kü shuohtuh.

LEVI 4:2

“Mechem shennyak hanei-i nenyingi mang thahhen, hatü Shembüpalei shahkung kü nemongpü dou dükhen, hapakei düktuh shei Israel nanglakthü kü etuh” shei eteke.

EZRA 10:19

Jom peüi kungyiük leitükkemhen lah, hatü jom peüi jomei mi khong kübü mi chebaongha hükbaong yah-ei mang moila shuoh.

LEVI 7:6

Ngongpalei shem am bahathü peüi hapa hahhen aok, shejao hapayü daülangpü shingei hahhen; mehenangkü hapayü daülangpü nyüke.

LEVI 7:1

Hapayü pungpü moila nangkü shahkungnyü nyüke. Hapayü longi daülangpü nyüke.

LEVI 6:6

Büpai manglat vaishi ngongpa touei Shembüpa kü pungpü moila kawhikang neshiüpü mi nevaijü yum chebi hatü ha kü shangpü bhei koei peihen vongbong.

SHAHKÜP 12:26

Shembüpa kü ammi shuohhen shei lahpü moilathü Shembüpai jepü khümshingei koei peituh.

BHEI-IE 5:8

Shejao hapa shennyak didaitü hapa hang shemhen büpalei shem am nenyujema, hapa hangü Shembüpalei, hatü hapayü ngongpathü kü büpai pungpü mang shingvaishi mang tükpü moila shuohhen mi chebaongha kü üei shuohhen vongbong.

LEVI 5:18

Büpai mi khong kübü mi chebaongha hük kawhikang neshiüpü nevaijü hapalei aihük bhei ngongpa touei pungpü moila koei peihen. Hapa keiha büpai nenyingi pungtükpü mang shingvaishi ngongpai büpa shing jakpü moila shuohhen, hatü büpalei mang tükhen.

LEVI 5:16

Büpai daülangpü douthü nedükaoki shaitükpü shingvaishi manglat phaihan kukha ütü hathü kemei ngongpa kü shuohhen, hatü ngongpai hapa shennyakei mang shingvaishi mi chebaongha hük jakpü moila shuohhen, hatü büpalei mang tükhen.”

LEVI 5:14

Shembüpai Mosa kü eteke:

BHEI-IE 5:5

Shembüpai Mosa kü,

BHEI-IE 15:24

hatü hapayü khongi nenyingi shaitükpü vaijema, jomi Shembüpa kü vong meipü jakpü moila mohohbaong hük mü nyingnyoi kü kei hahying moila hatü yiü moila hatü mang moila shuohhen yum chebaong hük shuohhen vongbong.

1 SAMUEL 6:3

Jomi, “Ammi Israel Kahvangei Vangpüshuwpü Pela shomei leishihjema, hapa mon kongmü teleishih, shejao mehe vaihenshang vaijao büpa kü pungpü moila-ao shomtuh. Shejüang am meihen, hatü mehekei büpalei lak am toueipü neyahlangpa, ha ammi nyinghen” shei e.

2 ONGPATHÜ 12:16

Pungpü moila hatü mang moila kü peipü lop Shembüpalei shemei yah-ei nelei; mehenangkü hapayü ngongpathülei hean nyuteke.

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

LEVI 1:10

Hapa moilayü mi nevaijü yum khong kübü jakpü moila vaijema, büpai yem chebaong kawhikang neshiüpü shuohtuh.

LEVI 14:12

Hatü ngongpai mi chebaongha hük, hatü mainga dok hük kü jem anpü phaihan hük yah-ei büpai Shembüpa kü pungpü moila shuohhen. Büpai hathü Shembüpa kü hayaoha thintho kei shuohhen.

LEVI 27:3

büpa bong kukha hatü pejem mong aa kübü shennyak shingvaishi ngin pinyipüan ittuh,

EZEKIEL 40:39

Shemshom shaden dangpongei haüdü nyi halei jakpü moila, mang moila hatü pungpü moila shuohpü yem jühen haüshi nyuteke.