LEVI 4:3 - DAÜLANGPÜ LAIHING (BSI)

³ Thiteiphuei jepü ngongchongi mang thahjema, hatü hapai nanglakthü kü mang koei peijema, büpai thahpü mang shingvaishi Shembüpa kü meheyao kawhikang neshiüpü mohoh baongha yah-ei mang moila shuohtuh.

LEVI 4:3 Referans Kwoze

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

LEVI 9:2

Büpai Aaron kü, “Nüngei mang moila shuohhen mohoh chebaongha hük hatü jakpü moila shuohhen mi chebaongha hük kawhikang neshiüpü yahtuh, hatü Shembüpa kü hathü shuohtuh.

LEVI 4:14

Mechem jomi thahpü mang nyingei peihenshang khongi mang moila shuohhen mohohbaong hük ashakshemei yah-ei peihen vongbong.

HEBREW 5:3

hatü ha vaipü nangkü büpai laophü shing hatü nanglakthülei mang shing jakpü moila shuohhen vongbong.

EZRA 8:35

Hahepak kü wüpküp leipü leipüthüi Israel Kahvang kü Israel am peü shingvaishi jakpü moila mohohbaong anpünyi, mi chebaongha büalipüanpüvok, mi cheha pejempüanpünyet, hatü mang moila yum chebaong anpünyi; hathü kemei Shembüpa kü jakpü moila shuohteke.

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

EZEKIEL 43:19

nüngi Levi am ngongpathü Zadok am shem ngei chongphonüng ngei yopailei heihpüthü kü mang moila shuohhen mohohbaong hük shuohtuh.

MÜLANGPÜ 29:21

Hapheikü nüngi moidü leipü iy maani, hatü nyiohen mainga maani yah-ei Aaron hatü chehathülei owhiai kü haiyeishuoh; shejüang büpa hatü chehathülei owhiai daülangi leidaihen.

MÜLANGPÜ 29:14

Shejao nüngi mohoh phai, leihilang, shuw yah-ei baümtap haoei daiyei jaktuh; hapayü mang moila nyüke.

MÜLANGPÜ 29:7

Nüngi nyiohen mainga yahtuh, hatü ha büpalei shangjing kü langei thiteiphutuh.

BHEI-IE 8:8

Jomi mohoh chebaong hük hatü olive mainga nyettü atta yahhen, hatü nüngi mang moila shuohhen shingvaishi nyipabü mohoh chebaong yahhen,

LEVI 16:11

Aaroni mohohbaongü büpa hatü büpalei shem am shingvaishi mang moila shuohhen,

LEVI 16:6

Aaroni mohoh chebaong hük yah-ei büpalei mang tükhen shingvaishi mang moila hatü jom shem shing shuohhen.

LEVI 8:12

Büpai mainga hanei yah-ei Aaronei shangjing phuei daühü.

LEVI 5:6

hatü büpalei mang nangkü manglat mi nevaijü yum chebi yah-ei Shembüpa kü mang moila shuohhen vongbong. Büpalei mang shingvaishi ngongpai jakpü moila shuohhen.

MÜLANGPÜ 30:10

Vangbong kü chem Aaroni hapa moidü mang moila shuohpü yemhalei iy langei daühühen. Ammei hühiha den kemei hapa moila shuohpü iy yah-ei vangbong kü chem büpai hapa dükhen. Hapayü Shembüpa tou kü longi daülangpü nyuhen.

HEBREW 9:12

Büpai halei yum nevaijü mohoh iy homei neshü, shejao büpai laophülei iy homei jen shing nedohnetenpü yemleipü dangei den shing chem mon Longi Daülangpü Shingei shüpeih.

LEVI 4:5

hatü thiteiphuei jepü ngongchongi hapa mohoh iy hanei yah-ei ashakshem mongei shühen.

LEVI 4:23

Mechem büpai thahpü mang büpai nyingei peihenshang, büpai büpalei mang moila shuohhen kawhikang neshiüpü yum chebaong yah-ei peihen vongbong.

LEVI 4:28

Mechem büpai thahpü mang büpai nyingei peihenshang, büpai büpalei mang shingvaishi kawhikang neshiüpü yum chebi hük moila koei peihen vongbong.

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

2 SHÜPPÜKENGPÜ 29:21

Jomphongi mohoh chebaong nyet, mi chebaong nyet, mi chebaongha nyet, yum chebaong nyet ongching, phopshem hatü Judah am shing mang moila koei pei. Ongpai ngongpathü, Aaronei hühihathü kü hathü yah-ei moidülei moila shuohhen eteke.

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

LEVI 1:10

Hapa moilayü mi nevaijü yum khong kübü jakpü moila vaijema, büpai yem chebaong kawhikang neshiüpü shuohtuh.

LEVI 6:18

Aaron kübü phaakpü baha peüi hapa hahhen aok. Ngoikahen hühiha denshem peü shingvaishi Shembüpa kü aw kü jakei shuohpü moila kübü büpalei phaihan düngeipü shing nyüke. Mepa mepai hapa kü honghenshang daülangi leidaihen.

LEVI 9:3

Hatü Israel am kü, ‘Mang moila shuohhen yumbaong hük; jakpü moila shuohhen kawhikang neshiüpü bong hük lompü mohoh baongha hük, hatü mi chebaongha hük;

LEVI 16:3

Büpai mang moila shuohhen mohoh chebaongha hük, hatü jakpü moila shuohhen mi cheha hük yah-ei Longi Daülangpü Shingei shüaokhen” shei eteke.

LEVI 16:5

Israel am nanglakthü leipü büpai mang moila shuohhen yum chebaong nyi, hatü jakpü moila shuohhen mi chebaongha hük yahhen.

EZEKIEL 40:39

Shemshom shaden dangpongei haüdü nyi halei jakpü moila, mang moila hatü pungpü moila shuohpü yem jühen haüshi nyuteke.

EZEKIEL 44:27

hatü büpa daülangpü shingei chongphonüng shüshingkü büpai mang moila shuohhen vongbong shei Shembüpa Kahvangi enyüke.