LEVI 3:5 - DAÜLANGPÜ LAIHING (BSI)

⁵ Hapayü Aaronei chehathüi jakpü moila mü moidü shangei aw bahpü pü shangkü jakhütuh. Hapayü Shembüpa kü vong meipü aw kü jakpü moila nyüke.

LEVI 3:5 Referans Kwoze

LEVI 6:12

Moidülei düngei aw bah-ei anghen vongbong; ha mechemao nemettükhen vongbong. Nepjeih ngongpai ha kü pü jakhen hatü mongjempü moila cheü jakhen temhen.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

MÜLANGPÜ 29:13

Nüngi thenleimongphang kü jümpü cheü, hatü then kü khapü, hatü she nyi mü haleipü cheü peü yahtuh, hatü ngei kü jakpü moila shuohtuh.

EZEKIEL 44:15

Shejao Zadokei hühihathü Levi am ngongpathüi mechem Israel am lemnyongei lüdaihenshang, jomi ngelei daülangpü shing veihen, hatü ngei yopailei jom peiyei chongphohen, hatü jomi ngei kü cheü hatü iy moila shuohhen shei Shembüpa Kahvangi enyüke.

EZEKIEL 44:7

ngelei shemei shühen am mongdang hatü phai kü shuw nejapi nyüke; ammi ngei kü mechem hahying cheü hatü iy moila shuohhen, ngelei shem sheihtüknyüke. Ammei jiühitnalai douthü homei ngelei vangpüshuwpü peü mangtükteke.

2 SHÜPPÜKENGPÜ 35:14

Hapheikü jomi jom hatü ngongpathü shing cheüteke; mehenangkü Aaronei hühiha ngongpathü peü nyakpü thahshi jakpü moila hatü cheü jakei moila shuoh-ei nyuteke. Hanangkü Levi ami jom shing hatü Aaronei hühiha ngongpathü shing cheüei nyu.

1 ONGPATHÜ 8:64

Ha nyih-üng ongpai Phopshem chingshe leipü jiampa chingkon daühü, hatü halei büpai jakpü moila, hahying moila hatü mongjempü moila cheü jakei shuoh; mehenangkü Shembüpa toueipü laktetnyiami lingpü moidü kü jakpü moila, hahying moila hatü mongjempü moila cheü jakei shuohhen shing neshiüi nyuteke.

LEVI 4:35

Büpai mongjempü mi moila kübü cheü nyiukpükei haleipü cheü kemei nyiukhen, hatü ngongpai hapayü moidü shangei Shembüpa kü aw kü jakpü hahying moila shangkü jakhen. Hapakei ngongpai hapa nanglaki thahpü mang shingvaishi moila shuohhen, hatü büpalei mang tükhen.

LEVI 4:31

Büpai mongjempü moila kübü cheü nyiukpükei haleipü cheü kemei nyiukhen, hatü ngongpai hapa moidü shangei Shembüpa kü vong meipü moila jakhen. Hapakei ngongpai büpa shingvaishi mang moila shuohhen, hatü büpalei mang tükhen.

LEVI 1:9

shejao hapalei thenleimongphang hatü la shei yungi paütükhen, hatü ngongpai hathü kemei moidü shangei jakhen. Hapayü Shembüpa kü vong meipü aw kü jakpü moila nyüke.

LEVI 3:4

she nyi mü haleipü cheü, hatü dhen kübü cheü she mü omei vetei shuohtuh.

LEVI 3:11

hatü ngongpai hapa hahying moilayü moidü shangei Shembüpa kü aw kü jakei moilatuh.

LEVI 7:28

Shembüpai Mosa kü eteke,

LEVI 9:17

Büpai hahying moila deiyei haleipü lakbaoh hük yah-ei nepnüng jakpü moila shuohpü kü ü-ei moidülei jakteke.

BHEI-IE 15:8

“Mechem nüngi Shembüpa kü phupü moila nevaijü jakpü moila hayaoha vangpüshuwpü nevaijü mongjempü moila mohohbaong hük shuohhenshang,

BHEI-IE 28:3

Hathüyü nyihjeih Shembüpa kü aw kü jakei shuohhen moilathü shei jom kü etuh: Kawhikang neshiüpü bong nyi lompü mi chebaongha nyi nyihjeih moilahen.

BHEI-IE 28:12

hatü hahying moila atta mü olive mainga nyettü shuohtuh: Mohoh ieyei mü atta dok jem, mi chebaongha ieyei mü atta dok nyi;

LEVI 1:13

Büpai thenleimongphang hatü la yungi paütükhen, hatü ngongpai hathü kemei deiyei moidü shangei jakhen. Hapayü Shembüpa kü vong meipü aw kü jakpü moila nyüke.

LEVI 1:17

Büpai hapa yang kü düktü yang nephentüki büm kü shaakhen, hatü hapa dhaomü moidülei jakhen. Hapayü Shembüpa kü vong meipü aw kü jakpü moila nyüke.

BHEI-IE 18:17

Shejao shongei shaanpü mohoh, mi hatü yumhayü angei leihen neaok; shejao hathüyü moidülei iy haiyei, aw kü hathülei cheü jakei Shembüpa kü vong meipü moila shuohtuh.