LEVI 3:1 - DAÜLANGPÜ LAIHING (BSI)

¹ Shennyak hanei-i laophülei haümyem yah-ei mongjempü moila shuohjema, hapayü mohoh chebaong nevaijü chenyü meheyao kawhikang neshiüpü shuohhen vongbong.

LEVI 3:1 Referans Kwoze

BHEI-IE 6:14

hatü Shembüpa kü jakpü moila shuohhen kawhikang neshiüpü vangbong hük lompü mi chebaongha hük, mang moila shuohhen vangbong hük lompü kawhikang neshiüpü mi chebiha hük, mongjempü moila shuohhen kawhikang neshiüpü mi chebaongha hük shei moila koei peihen.

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

AMOS 5:22

Ammi ngei kü jakpü moilathü, hatü hahying moila shuohlangmao ngei hathü neyahhen. Ammi ngei kü mongjempü moila shuohhen nitshüpü yem yah-ei peiküjao ngei hathü neyahpih.

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.

MALAKI 1:14

Mi khongkü meipü mi chebaong nyüpeih, hatü ha shuohhen shei lahtü üpai lueilemei kawhikang kohpü yem Shembüpa kü moilanya, büpa thaüvaüthemthetuh. Mehenangkü ngeiyü longpü ongpa hatü jatthü peüi ngelei men kü nyemhen shei Shembüpa Kahvangi enyüke.

MALAKI 1:8

Mechem ammi mükphüngdaipü yemhimak moila shuohhenshang, hayü nejiüpü nevaipü je? Mechem ammi la khodaipü nevaijü tüngpü yemhimakthü moila shuohhenshang, hayü nejiüpü nevaipü je? Governor hük kü hapa keipü thintho yahshuohjü büpai am kü bampü dou dükphahen je? shei Shembüpa Kahvangi enyüke.

EZEKIEL 45:15

Israel kahdok kü mi kho nyi khong ieyei kübü mi hük moila shuohtuh. Hapayü hahying moila, jakpü moila hatü mongjempü moila ammei mang tükhen shingvaishi shuohpü moila shei Shembüpa Kahvangi enyüke.

KANDOK 7:14

“Shinnyih ngei shemei mongjempü moila shuohnyüpeih, ngei lahtükpü shinnyih düknyüpeih.

1 SHÜPPÜKENGPÜ 21:26

Davidi halei Shembüpa kü moidü hük ve, hatü halei jakpü moila hatü mongjempü moila shuoh. Büpai Shembüpa kü nyük, hatü Shembüpai jakpü moila shuohpü moidülei vangsho leipü aw yüshih-ei jangpü shuoh.

SHAHPHENBÜTHÜ 21:4

Nepphei dhom mü nanglakthüi moidü hük lingtü halei lanei jakpü moila hatü mongjempü moila shuoh.

SHAHPHENBÜTHÜ 20:26

Hahepak kü Israel shennyakthü hatü veshanthü kemei Bethelei aongei Shembüpa touei thepei uo, hatü om dhüshi jomphongi shüaeiyungleyei Shembüpa kü lanei jakpü moila hatü mongjempü moila shuoh,

BHEI-IE 7:17

hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Amminadabei cheha Nahshoni shuohpü moila nyuteke.

LEVI 17:5

Hapayü Israel ami koshoya kü moila shuohteipü shaangü Shembüpa touei koei peihen shingvaishi nyüke. Jomphongi hathüyü ashakshemei Shembüpa kü mongjempü moila shuohhen.

MÜLANGPÜ 29:28

Hapayü Aaron hatü chehathü shingvaishi düngei Israel ammei phaihan nyukahen. Hapayü Israel ammi Shembüpa kü jomei mongjempü moila kübü shuohpü nyukahen.

MÜLANGPÜ 24:5

Hahepak kü büpai Israel am nethethü shom, hatü jomi mohoh chebaongha yah-ei Shembüpa kü mongjempü moila jakei shuoh.

MÜLANGPÜ 20:24

Ammi ngei shingvaishi kahdok yah-ei moidü hük mon lingtuh hatü hapa shangkü ammei jakpü moila hatü mongjempü moila, ammei mi, yum hatü mohoh yah-ei ngei kü khümhen shingvaishi am kü shuohpü shing peü kü moilatuh; ngei am touei peikahen hatü moihimanhen.

LEVI 3:6

Shennyak hanei-i laophülei mi khong kübü Shembüpa kü mongjempü moila shuohjema, hapayü mi chenyü nevaijü chebaong meheyao kawhikang neshiüpü shuohhen vongbong.

LEVI 9:18

Büpai nanglakthü shingvaishi mongjempü moila shuohhen mohohbaong hatü mi baongha jü. Büpalei chehathüi büpa kü iy shuoh, hatü büpai moidü shinei hai.

BHEI-IE 7:59

hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Pedahzurlei cheha Gamalieli shuohpü moila nyuteke.

BHEI-IE 15:8

“Mechem nüngi Shembüpa kü phupü moila nevaijü jakpü moila hayaoha vangpüshuwpü nevaijü mongjempü moila mohohbaong hük shuohhenshang,

SHAHKÜP 12:27

Shembüpa, ammei Kahvangei moidü touei ammi shuohpü jakpü moila kübü phai hatü iy nyiphen shuohtuh. Jakpü moila kübü iy moidü chongei langeishuoh shejao phaiyü amphongi hahtuh.

EZEKIEL 43:27

Mechem nyih nyet peihhenshang, nyih shetpabü kü ngongpathüi moidülei jakpü moila hatü mongjempü moila shuohhen, hatü ngei ammei moila yahhen shei Shembüpai enyüke.

LEVI 1:10

Hapa moilayü mi nevaijü yum khong kübü jakpü moila vaijema, büpai yem chebaong kawhikang neshiüpü shuohtuh.

LEVI 9:4

hatü mongjempü moila shuohhen mohohbaong hük, hatü mi chebaongha hük, hatü mainga mü nyetpü hahying moila Shembüpa kü shuohhen yahtuh’ shei eyeishuoh. Mehenangkü shinnyih am touei Shembüpa shakei vamkahen” shei eteke.