LEVI 26:6 - DAÜLANGPÜ LAIHING (BSI)

⁶ Ngei ammei kahdok kü chingmeivangmei shuohhen hatü am lakbowlayangei nyuhen; üpaiyao am nenyemhühen: Ngei kahdok kübü meishih nyahmang nüngtükhen hatü ammei kahdok kü vehok nevamhühen.

LEVI 26:6 Referans Kwoze

ISAIAH 35:9

Halei mailang nechongkahen, nevaijü mepa meishih nyahmangao nepeikahen; Hathü halei ne-eehen shejao yemleipüthü mon halei kamteihen.

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

MENVIH KESHO 147:14

Büpai viong mü shükei am kü chingmei shuohnyüke; büpai am atta hah meipai mahhünyüke.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

HAGGAI 2:9

Shembüpai, “Phopshem chang meyü ja-üng meipüba nyuhen, hatü hapa shing kü ngei nanglakthü kü dapüshepü, chingmeivangmei shuohhen” shei enyüke.

HOSEA 2:18

Hapa nyih kü ngei am shingvaishi phaüyemthü mü, shangouthü mü kahshak kahmongei nyupü yemhimakthü mü ngei vangeishuwhen. Am yangyangphangei hüshemei nyuhen shingvaishi ngei kahdok kübü vehok phunglang hatü vehok mahtükhen.

EZEKIEL 34:25

Ngei jom mü chingmeivangmei vangpüshuwpü linghen, hatü meishih nyahmang peü changtükhen; shejüang jomphong bhih kahdokei nyuhen hatü hüshemei phaülei shiyeichonghen.

MENVIH KESHO 29:11

Shembüpai laophülei nanglak kü wong shuohnyeih; Shembüpai laophülei nanglak kü chingmeivangmei moihimannyeih.

EZEKIEL 14:15

Nevaijü ngei kahmük kü phaüyemthü shomei haleipü shennyakthü peü jütüktü üpayao halei nelongteiaokhen mü leihüshingkü,

JOB SHAHSHA APPÜ 11:19

Nüng doeile-i lemhen, üpaiyao nüng nenyemhühen; hatü longshi shingi nüng khüambakei yaongkahen.

MÜLANGPÜ 23:29

Kahdok lavüngtoiyei hatü am kü kethen phaüyem longi laungdaimangkü am shekü vangbong hük kü payü ngei jom nechangtükhen.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.

MIKA 4:4

Shejao shennyak peüi laophülei nyalingngupai, hatü laophülei adhapü dhüm phangkü uohen, hatü üpaiyao jom nenyemhühen; Mehenangkü Jeiyong Shembüpai lah-ei eteke.

EZEKIEL 14:17

Nevaijü ngei hapa kahmük kü yanlu yah-ei peiyei hapa kahmük yani mahhütuh shei ejü haleipü shennyakthü hatü yemhimakthü kemei mahshingkü,

EZEKIEL 5:17

Ngei am kü shaühile hatü am khüei phaüyemthü shomhen hatü ammei hapeüthü hahtükhen; cham hatü jüteishangteipai am kü bhümkahen, hatü ngei am khüei yan yah-ei peikahen. Ngei, Shembüpai ha etepih.

MENVIH KESHO 85:8

Kahvang Shembüpai mehe ephahen ngei ha bangshah; mehenangkü büpai laophülei nanglak kü mong kempai hinglemei büpa touei leppüthü kü chingmei shah ehen.

MENVIH KESHO 4:8

Mechem ngei lemhen, hatü nyiushemmei kü shihen, Oh Shembüpa, nüngi mon ngei yangei tuhnyeih.

1 SHÜPPÜKENGPÜ 22:9

Shejao nüngi hapeü hük anghen; büpayü chingmei hatü nyiushemmei shennyak hük vaihen, hatü ngei büpa kü lem peü phileipü vepathü touei chingmei shuohhen. Büpalei menü Solomon nyuhen, hatü ngei büpa vanglem lempü hepak kü Israel kü chingmei hatü lakbowlayang meiyei nyuhen shuohhen.

2 ONGPATHÜ 2:24

Büpai yaakei leiyei jomphong kü veitü Shembüpalei men kü jomphong kü thaüvaü. Hahepak kü sheptao chenyü nyi yingnyü leipü vamei bahanaüthü jom pinyipünyi thahshi shükei jütük.

ROM SHAHSHA APPÜ 5:1

Hanangkü hinglempai jen dahshakhüpü nangkü jenei Shembüpa Jisu Khrista homei Kahvang mü jen chingmei nyüpeih.

PHONGSHANTHÜ DOU 12:6

Herodi büpa shahphennüng deihen yashong Peter-ü veshan nyi aa kü nyiamvü nyi shentü shishi nyu, hatü yombüthü shadenei khoklat yomei nyu.

EZEKIEL 14:21

Mehenangkü Shembüpa Kahvangi hapakei enyüke: Ngei Jerusalem khüei dibenüng shahphenpü yanlu, shaühile, phaüyemthü hatü chamhilem haleipü shennyak hatü yemhimakthü jütükhen shingvaishi shomjü meshük mangpüba nyukahen!

JEREMIAH 31:26

Hanangkü nanglakthüi ngei shipeih, hatü mükhet ngoiyei paopeih shei ehen.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 3:5

Ngei lemei shidainyeih; shao ngei paonyeih, mehenangkü Shembüpai ngei yangei tuhnyeih.

KANDOK 6:22

Mechem nüng kamhen, hathüi nüng müphahen; mechem nüng shihen, hathüi nüng yomhen; mechem nüng paojahen, hathüi nüng mü eteihen.

KANDOK 3:24

Mechem nüng uohen, nenyemhen; mechem nüng shihen, nüngi mükhet ngoiyei shihen.

JOB SHAHSHA APPÜ 5:23

Mehenangkü nüngi kah kübü yaongthü mü vangteihen, hatü phaüyemthü nüng mü chingmei nyuhen.

LEVI 26:22

Ngei am touei meishih nyahmang shuohhen, hatü ammei hapeüthü hatü yemhimakthü hahtükhen, hatü am nanglak ajüki mon leihühen,

LEVI 26:7

Ammei vepathü kü changhen hatü ammei yannah-i jom mahhühen.

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.

LEVI 25:18

Am kahdok kü nyiushemmei kü nyuhen shingvaishi ngei am kü shuohpü shahkungnyüthü kü kenhingei mütuh.

LEVI 25:19

Kahdoki hapalei betjük jükhühen, hatü am shümoh meiyei hahhen hatü nyiushem kü nyuhen.

2 SHÜPPÜKENGPÜ 20:30

hatü Jehoshaphatei ongching chingmeivangmei kü nyu; mehenangkü Kahvangi büpa kü lem peü philei nyiumei shuohteke.

MENVIH KESHO 144:14

Hamei mohohthüi cheha shaanei mahütuh. Hajük kü bham benei wüpküpei nedaihen, hamei chingyangshong kü Shanghahpai theppüyoungpü tevamhüma.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

EZEKIEL 34:27

Kah kü nyupü püthüi betjük jükhühen, hatü kahdoki hahying vamhühen. Mechem ngei jomei nyiamvü phentükhen, hatü jom aa leihüpüthülei lak kübü yanghenshang, jomphong nenyemi hüshemei nyuhen, hatü jomphongi ngeiyü Shembüpa khih shei nyinghen.

HOSEA 2:20

Ngei nüng monglempü kü ngelei nyüha vailanghen, hatü nüngi ngeiyü Shembüpa shei nyinghen.