LEVI 26:45 - DAÜLANGPÜ LAIHING (BSI)

⁴⁵ Ngei jomei Kahvang vaihen shingvaishi ngei jatthüi eeshi Ijip kahdok leipü jomei chebü chepa mü vangteipü ngei jom kü phahjiei deih-ei danghen. Ngeiyü Shembüpa.

LEVI 26:45 Referans Kwoze

LEVI 25:38

Am kü hapa Kanan kahdok shuohhen, hatü ngei ammei Kahvang vaihen shingvaishi ngei am Ijip leipü müei leipü Shembüpa, ngeiyü ammei Kahvang.

EZEKIEL 20:22

Shejao ngei ngelei lak shounglangpeih, hatü ngelei men kü, hatü jatthüi eeshi ngelei men netenhen, hatü jomi eeshi ngei jom müei leilangpü nangkü ngei ha nedükpeih.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

LEVI 22:33

hatü ammei Kahvang vaihen shingvaishi ngei am Ijip leipü müei leipeih. Ngeiyü Shembüpa.

ROM SHAHSHA APPÜ 11:12

Shejao jom huluh shuohpai kahdoknyü shingvaishi moihiman vaijema, hatü jom lomohpai Kung am shing moihiman vaijema, jom peü omjü meshük longpü moihiman vaihen!

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

MÜLANGPÜ 6:8

Ngei Abraham, Isak, hatü Jakob kü shuohhen shei lahpü kahdokei am müei leihen, hatü denden shing am lompü vaihen ngei am kü shuohhen. Ngeiyü Shembüpa” shei etuh.

MÜLANGPÜ 2:24

Kahvangi jom theppüyoungpü dan, hatü büpai Abraham, Isak hatü Jakob mü vangeishuwpü deih-ei dang.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

KAHBHAO 9:15

ngei hatü nüng hatü nüng mü nyupü yem nyupü peü mü ngelei vangpüshuwpü ngei deih-ei danghen. Hajük kü bünghiyangi yem nyupü nemahhühen.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

LEVI 11:45

Ngeiyü ammei Kahvang vaihen shingvaishi am Ijip leipü müei leipü Shembüpa; hanangkü am daülangi nyutuh; mehenangkü ngeiyü daülangpü.

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

SHAHKÜP 9:27

Nüng chongphobü Abraham, Isak hatü Jakob hathü deih-ei dangtuh. Nanglakthü mong vaanpü, jomei douten hatü jomei mang kü khah-ei kawei teveikei.

MENVIH KESHO 106:45

Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.