LEVI 26:41 - DAÜLANGPÜ LAIHING (BSI)

⁴¹ mepai ngei jomei vepathülei kahdokei deishihhen mü ngei khüei thahpü mang lahjema, hatü mechem jomei nejaptükpü thentoimongdang ineinyaiyei leihenshang, hatü jomei mang kübü yeiyahenshang,

LEVI 26:41 Referans Kwoze

EZEKIEL 44:7

ngelei shemei shühen am mongdang hatü phai kü shuw nejapi nyüke; ammi ngei kü mechem hahying cheü hatü iy moila shuohhen, ngelei shem sheihtüknyüke. Ammei jiühitnalai douthü homei ngelei vangpüshuwpü peü mangtükteke.

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

1 ONGPATHÜ 21:29

“Mekei Ahabi ngei touei maanpü leipa, ha nüngi nyingla? Büpai ngei touei maanpü leipü nangkü büpalei den kü ngei hapa shanghah neshuohpih, shejao ngei ha shanghah chehathülei shemong kü shuohhen” shei e.

KOLOSI 2:11

Mang nyingnyoi yaktüktü shennyaki laki jappü kü nevai, Khrista kü japtükpü kü amphongao büpa kü laangha kü japtüktü nyüke.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

EZEKIEL 20:43

Halei ammi ammei lemthü, hatü ami sheihtükpü douthü peü deih-ei danghen, hatü ammi dükpü mangthü deih-ei am nyingi jiühitei deihkahen.

JEREMIAH 6:10

Jomi danhen ngei üpa kü ehen, hatü shahvüng shuohhen? Veituh, jomei dhaong dhühlang, jomi nedanaoknyu. Jom kü Shembüpalei shah-ü nyipüwapü dou keiha leidai; jomi ha kü mongong neshiü.

SHAHKÜP 30:6

Ammei mongdang kempai hatü ammei laangha kempai, amphongi büpa kü bamhen hatü kahdok kü yüluei nyuhen shingvaishi Shembüpa, ammei Kahvangi am hatü ammei hühihathü kü ven danpü dhentoimongdang yahphahen.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

LUK SHAHSHA APPÜ 14:11

Mehenangkü üami laophü nyingi longpü leinya, maanpü leidaihen, hatü üami laophü nyingi maanpü leinya, longpü leihen.”

MATHI 23:12

Üpai laophü nyingi longpü leihenshang maanpü leihen, üami laophü nyingi maanpü leihenshang, longpü vaihen.

EZEKIEL 44:9

Shembüpa Kahvangi hapakei enyüke: Kung am, mongdang hatü phai kü shuw nejappüthü, Israel nanglak mü nyupü kung shennyak üpayao ngelei daülangpü shemei neshühen.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

MENVIH KESHO 39:9

Ngei nenmü nyudaihen, ngei ju nekapih; mehenangkü hapa dükpeyü nüng hih.

NEHEMIAH 9:33

Ham kü dhaümpü peü kü nüngü shahhing nyuhampeih, nüngi jiüshi dükpeih, shejao hami nejiüi dükpeih.

EZRA 9:15

Oh Shembüpa, Israel Kahvang, nüngü shahhing! Shinnyih nüngi ham yangei tuhteke. Hamei mang nüng kü lahnyüpeih; ham nüng touei peihen jiüpü neshiüpih” shei phopei e.

EZRA 9:13

Ham kü mehe vamtepa hayü amei mang hatü pungpüshaipü tata kü vampeih, shejao hamei Kahvang, nüngi hamei mang neshangi komshi hanghihüpeih, hatü hapakei ham yangei tuhpeih.

2 SHÜPPÜKENGPÜ 33:23

Shejao chepa Manasseh-i mong leppü keiha büpa Shembüpa touei mong lepei nelei; Amoni mang nyeinya thah.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

2 SHÜPPÜKENGPÜ 12:12

Büpa maanpü leipü nangkü Shembüpalei mongshih büpa toueipü nyokei yahlang hatü jom chemjalak kü nemahtük. Judah kahdok nyuhichong meishi nyuteke.

MÜLANGPÜ 10:3

Hanangkü Mosa hatü Aaron nyi Pharaoh touei peiyei büpa kü, “Shembüpa, Hebrew ammei Kahvangi hapakei enyüke: Meshükpa nüngi ngei touei maanpü neleihünya? Ngei kü khümhen shingvaishi ngelei nanglakthü leishihtuh.

LEVI 26:24

ngei am khüei yaonghen hatü ammei mang shingvaishi shao shing nyet nyeishi hanghihühen.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

BHEI-IE 5:7

hatü büpai thahpü mang lahhen vongbong. Büpai shaitükpü kemei shemhen hatü ha kü phaihan nga kü phaihan hük ütü büpai shaishuohpü shennyak kü hang shemhen vongbong.

SHAHKÜP 10:16

Hanangkü ammei mongdang shuw japtüktuh hatü hajük kü mong vaanei tenyu.

SHAHKÜP 31:21

hatü mechem shanghah longi jom kü peihen hapa kesho-i jom khüei denpü vaihen, jomei hühihathüi hapa nebetükhen. Shaang mebü ngei jom kü lahpü kahdokei müei mangpei shekü-üng jomi mehe dükhen shei deihnya, ha ngei nyingnyüke.

EZEKIEL 14:23

Mechem ammi jomei dükhiling hatü douthü eehenshang, ngeiyü ten neshiüpü kü dükpü nevai shei ami nyingei peihen shei Shembüpa Kahvangi enyüke.