LEVI 26:39 - DAÜLANGPÜ LAIHING (BSI)

³⁹ Ammei vepa kahdokei am hanei yangei nyupüthüao ammei mang hatü ambü ampai thahpü mang nang kü lomohhühen.

LEVI 26:39 Referans Kwoze

EZEKIEL 4:17

Hahying taopai jom mongshangei hüki hük kü veihen, hatü mang lat hanghipai lameidaihen” shei eteke.

EZEKIEL 33:10

“Shaang, nüng shennyak ha, ammi hapakei eteiteke: Jenei mangi hatü jen pungpai jen kü vihyaki chetteke, hapa homei jen lomohnyu khih. Jen mekei etü nyuaokhen?” Hanangkü Israel phang kü ha etuh.

EZEKIEL 24:23

Ammei shangshak peü ammei shangjing kü shakhen, hatü la kü ammei lathuhthü thuhhen; am neyounghen nevaijü nethephen, shejao ammei mang homei ammei wong laaidaihen, hatü hüki hük mü mahng thephen.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

SHAHKÜP 28:65

Ha jatthü touei amphong chingmei nyiushemmei hatü hamei shinghiphei shei ehen shing nedanghen; halei Shembüpai amphong kü mongshang, mükyangyungpü hatü mong dihen yahphahen.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

ZEKHARIAH 10:9

Ngei jom jatthü touei yantüklangmao, tailu kahdokeiyao jomi ngei deih-ei danghen, jom hatü jomei hapeüthü yangei nyuhen, hatü müeileihen.

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

EZEKIEL 36:31

Shejüang ammi ammei mang lemthü, hatü ammei mang douthü deih-ei danghen, hatü am nyingi ammei mang hatü jiühitpü douthü kü jiühitkahen.

EZEKIEL 20:43

Halei ammi ammei lemthü, hatü ami sheihtükpü douthü peü deih-ei danghen, hatü ammi dükpü mangthü deih-ei am nyingi jiühitei deihkahen.

EZEKIEL 18:19

Shejao ammi shao, “Chepalei mang nangkü chehayao mehekei nehanghihen?” shei enyüke. Shejao chehai mehe shahhing hatü jiüpa, ha dükei hatü kenhingei ngelei shahkungnyüthü dükpü nangkü büpa yemmü nyuhen.

YOUNG LAI 4:9

Hahhen yinghen neshiüi phaülei aeiyei leyei dileimeyü, vehok kü didaipüthü-üng vangmei khih.

JEREMIAH 31:29

Hathü nyih kü, “Nyühipai thiok hahpü kü hapeüthü bha daümnyeih” shei epü kandok shah nenoteihen, neeteihen.

JEREMIAH 29:12

Hahepak kü am peiyei ngei kü phophen, hatü ngei am kü janghen.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

SHAHKÜP 30:1

Shaang ngei am kü moihiman hük nevaijü thaüvaü hük jehen shuohnyüpeih. Mechem hathü douthü kemei am kü vamkahen hatü Shembüpa, ammei Kahvangi mih jatthü touei am haitüktü am jom mü nyuhenshangkü, ngei am kü jehen shuohpü deih-ei dangtuh.

SHAHKÜP 5:9

Ammi hapa kü aümei tekhüm; mehenangkü ngeiyü Shembüpa, ammei Kahvang; ngeiyü mükhakpü Kahvang, ngei kü jiühitei bühipai mang thahpü nangkü jomei hühihathü kü denshem jem ali thahshi ngei hanghi shuohpeih,

BHEI-IE 14:18

“Shembüpayü mongshih anpü youngmü, hatü bampü kü bhashahshi. Mang hatü pungpüshaipü mang tüknyeih. Shejao büpai nemeipüthü kü hanghi neshuoh-i netuhphongnyih. Bühipai thahpü mang nangkü hühiha den jem den ali thahshi büpai hanghihünyeih.”

MÜLANGPÜ 34:7

Denshem haja haja kü bampü lakshing nyupü; Mang hatü pungpü shaipü mang tükpü, shejao nejiüpü am kü hanghi neshuoh-i netuhpü; Büpai hapeüthü hatü jomei hüpeüthü kü chebü chepai thahpü mang shingvaishi denshem jem ali thahshi hanghihünyeih” shei lenei peiteke.

ISAIAH 14:21

Chebü chepai pungpü nangkü jomei hühihathü jühen pangtuh; Jom hajük kü kahdoknyü kü vanglem lemhen mü nevamhen, nevaijü jomei chingnyüthüi kahdoknyü kü nejümhen.

ISAIAH 24:16

Kahdoknyü dohpü phileipü “Daülangpü Hük kü müknyinshekhangtuh” shei lokpü hami dannyüke. Shejao, “Ngeiyü jaangteke! ngeiyü jaangteke! Ngeiyü onyükei! Ühingnakaipüthüi ngei yuhahteke!” shei ngei eteke.

YOUNG LAI 1:3

Shangpong yakyingi maei, aa keiha shem kübü yanei Judah am wüpküpei daiteke; Pinnyü shaangü mihjat mihli mü nyiumeishing nedangi nyüke; Pinnyü shangpong yakyingpü chi kü pinnyü kü changpüthüi pinnyü she yeiteke.

SHAHKÜP 8:20

Shembüpa, ammei Kahvangei shah nebangjema, ammi eeshi Shembüpai lebü jatthü mahtükpükei amphongao mahtükhen.

2 SHÜPPÜKENGPÜ 34:24

Shembüpai hapakei enyüke: Hingmei ngei hapa shing hatü haleipü nanglakthü kü shanghah hatü Judah amei ongpa touei iepü laitap kü nyangei nyupü thaüvaü peü koei peihen.

EZRA 9:7

Hamei bühipathülei nyih kübü shinnyih thahshi hami mang longpü thahteke; hamei mang tata kü ham, hamei ongthü, hamei ngongpathü kemei shinnyihpü keiha kung amei ongthü kü shuoh, yani mah, wüpküpei dai, mop aetlangkem, hatü hai danghüpeih.