LEVI 26:36 - DAÜLANGPÜ LAIHING (BSI)

³⁶ Üam wüpküpei nyu, hathülei mongdang phenhavunglak kü vanglük lükpü ngeü kü nyemei jomei mong nyemhühen, hatü jom nyaihühen. Jom kü üpaiyao nechangpü kü vepa toueipü nyaipükei nyaihen, hatü jom dohen.

LEVI 26:36 Referans Kwoze

EZEKIEL 21:7

Hatü mechem jomphongi nüng kü, “Nüng mehekei thepnya?” shei ephüjü, nüngi jom kü, “Shahjang peiküpü nangkü” shei ehen. Peüha mong maandaihen hatü lak shaokdaihen, peüei laangha kuidaihen hatü peüei lashüh wong nekoh-i yung kei leidaihen. Hapa ngoikünyüke! Hapa hingmei vamküshasha shei Shembüpa Kahvangi enyüke.

ISAIAH 30:17

Hük kü nyemei haja nyaihen, hatü pa nga-i nyemshaopü kü am kahshang leipü khüamlung lüng keiha monha manglei thahshi nyaihen.

LEVI 26:17

Ngelei dhe am khüei yaakshingkü ammei vepathüi am neütükhen; ammi jiühitpüthüi am shak kü vanglem lemhen, hatü am kü üpaiyao nechangpü kü am nyemei nyaihen.

EZEKIEL 21:15

Hapai ngelei nanglakthülei mong maandaihen, hatü longshi shing huluh shuohhen. Jomei penyüsha kemeilei ngei jom jühen yan notü tapei tuh-ei nyüpeih. Oh! hapayü klang kei nyelepshi nyüke, hatü hapayü jühen nangkü thittüktü nyüke.

EZEKIEL 21:12

Mong kü tüngei theptuh, Oh shennyak ha; mehenangkü hapayü ngelei nanglak khüei nyüke; Hapayü Israel ongthü khüei nyüke; Jomphongü ngelei nanglakthü mü chemi jühen yepei shüktüknyüke. Hanangkü jaaba kü daüpei theptuh.”

ISAIAH 7:4

Büpa kü, ‘Lishi nyutuh, nenmü nenyemi nyutuh. Rezin ongpa hi Aram am hatü Remaliahlei cheha Pekah nyi mongshihpeyü awjung shodaipü kübü awshit keipü mon hih– meheyao vongshüh neshiüpih, hapa nangkü shei nüng mongtemaan.

ISAIAH 7:2

Mechem Judah ongpai Aram am Israel kahdokei peiyei nyükeja shei danpa, Ahaz ongpa hatü nanglakthü peü yingnyülei vanglüki phenha jenhüpü keiha jomei mongdang kheüteke.

KANDOK 28:1

Üpaiyao nechangpü kü nemeipüthü nyaidainyeih, shejao daülangpüthü mailang kei monglongnyeih.

2 SHÜPPÜKENGPÜ 14:14

Jomi Gerar shinpü chingthü longi hah; mehenangkü jom kü SHEMBÜPAleipü nyempü longi pei. Mophimo longi nyupü nangkü jomi douhinang longi shetei lei.

1 SAMUEL 17:24

Mechem Israel ami Goliath eepa, jom nyemei nyaidai.

JOSHUA 5:1

Mechem Jordan heshüphi kü nyupü Amor ongthüi hatü Mediterranean Yungching yungkung kü nyupü Kanan ongthüi Israel am manghomkem thahshi Shembüpai Jordan yung ütükpü ha jung danei jom nyempai mong mahdai hatü jom hokhen mongnelong.

SHAHKÜP 1:44

Phaüshangei nyupü Amor am vamei Seir kübü Hormah thahshi nyahlangi changpükei am changei deiteke.

KAHBHAO 35:5

Jom daishingkü jom shonei nyupü chingnyüthü peü kü Kahvang leipü nyempü pei; hanangkü üpayao jom kü nechang.

KAHBHAO 4:12

Nüngi kah lingjao hapai meheyao nekohhühen. Nüngü kahdoknyü kü shem neshiüi longteipü am vaihen” shei e.

LEVI 26:35

Hapa kahdok lavüngtoiyei nyupü thahshi am nyuyang kü chemao nyiunemeipü nyiushemmei hapa kahdoki danghen.

JOSHUA 7:5

Ai ami jom hapüanpüvok hükshing jütük. Ai ami Israel am chingnyü penyüsha kübü Shebarim thahshi changei shanei kahjidhongei jüteke. Israel am nyempai mong mahdai.

JOB SHAHSHA APPÜ 13:25

Vanglüki piyei deipü phenlak kü nüngi shüveihen je? Hahbhang kü nüngi changteihen je?

MENVIH KESHO 53:5

Halei jom nyempü longpü kü nyuhen, shelei chemao nevampü nyemhihan kü nyuhen. Mehenangkü Kahvangibüpa nenyingpüthülei vangtao haitükhen; jom veühühen, mehenangkü Kahvangi jom yaktükteke.

JEREMIAH 37:10

Am khüei hokpü Babylon veshan kemei kü ammi neüshuohjao, hatü hapa ashakshemei aokhahmashapü mon aoei nyujao, jom yaongei hapa chingnyü awi haptükhen.

JEREMIAH 46:16

Jomphong huluh shuohtü doteke, hatü jom hüki hük kü, “Paotuh, jen kü shüveipü am toueipü nyokei jenei nanglak, hatü nyübüh kahdokei leishah” shei eteke.

YOUNG LAI 1:3

Shangpong yakyingi maei, aa keiha shem kübü yanei Judah am wüpküpei daiteke; Pinnyü shaangü mihjat mihli mü nyiumeishing nedangi nyüke; Pinnyü shangpong yakyingpü chi kü pinnyü kü changpüthüi pinnyü she yeiteke.

YOUNG LAI 1:6

Hapa Zion kübü dhemeilaüma dawdaiteke. Pinnyülei longhiongthüyü het hahshing nedangpü shaok kei nyüke; Aeiyei wong kemdaitü changpüthü tou kübü nyaidainyüke.

YOUNG LAI 4:19

Ham kü changpüthüyü alang mao shangpüba; jomi ham kü kahshangeiyao changnyüke, hatü yingmongei ham kü tapei uoshi nyüke.

MENVIH KESHO 53:6

Oh Israel am shing yemleipeyü Zion leipü peikahen! Mechem Kahvangi büpalei nanglakthülei laphen lingei leihen, Jakob mongonghen, Israel mongmeihen.

MENVIH KESHO 89:43

Anyei vaishi nüngi büpalei yannah jüngtük, hatü thepju kü nüngi büpa kü nesheüh.

HOSEA 8:3

jomi mehe mei, ha yaktük; hanangkü vepathüi jom kü changhen.