LEVI 26:32 - DAÜLANGPÜ LAIHING (BSI)

³² Ngei ammei kahdok chemjalak kü mangtükpü eeyei ammei kahdokei nyunüng peipü vepathüi hapa kü yashanhen.

LEVI 26:32 Referans Kwoze

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

JEREMIAH 19:8

Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.

JEREMIAH 18:16

Jomi jomei kahdokü nyembenüng leitüknyüke, den kü jiühitbenüng dou leitüknyüke. Ha peih-ei daipüthü peüi nyemnyüke, hatü ngaüm dhinyüke.

EZEKIEL 5:15

Mechem ngei am kü mongshih-ei hatü loh-ei am kü hanghi shuohhenshang, am shinei nyupü jatthüi nyemhen. Jomi am kü jiühitei veihen hatü eelaphahen. Ngei, Shembüpai ha etepih.

JEREMIAH 25:18

Jerusalem hatü Judah jilathü, haleipü ong hatü lakchongbüthü, jom shinnyih nyupükei lavüngtoiyei leihühen, peüi yaüpülungpü, mihnyi pü, eelanyongnya dou hatü thaüvaüthemthe leihühen;

1 ONGPATHÜ 9:8

Hapa Phopshemü nyüphinya yakshing kei leihen, hatü peihpü leihpü peüi yashanei naamnyi nyiyei, “Shembüpai hapa kahdok hatü hapa Phopshem kü mehekei hapakei dükshuohpa yo?” shei ehen.

SHAHKÜP 28:37

Shembüpai am haitükhen kahmükthü kübü nanglakthüi am ponghahpü eetü haneitophen hatü am kü nyennyangei naamnyi nyiphahen.

LUK SHAHSHA APPÜ 21:20

Mechem ammi Jerusalem shinei veshanthü eehenshang, hapa lavüngtoiyei tuhhen hepak ngoiteke shei nyingtuh.

HABAKKUK 3:17

Adhapü kü betjük nejükjao, hatü nyalingngupai kü betjük nejükjao; Olive pü kü betjük nejüklangmao, hatü kahdoki hahying nevamphüjao; mi khaok kü mi neshiülangmao, hatü mohoh khaok kü mohoh nenyulangmao;

DANIEL 9:18

Nüngei dhaong shaangshih, Oh ngelei Kahvang, hatü banglangshih. Nüngei mük vamei nüngei men epü chingnyü bentüklangtükpü kü veituh. Hami nüng kü phepeyü ham daülangpü leipü nangkü nevai, shejao nüngei phahji longpü nangkü phenyüpeih.

DANIEL 9:2

Büpai ong vaipü shongpü bong kü Shembüpai Jeremiah thibü kü Jerusalem bong pejempüan lavüngtoiyei yakphonghen shei epü nang ngei, Danieli daülangpü laithü kü yemei nyu.

YOUNG LAI 5:18

Zion Kahshang lavüngtoiyei leidaipü nangkü mahuthü vaüei longteinyüke.

YOUNG LAI 4:12

Kahdoknyü kü üpa ongpaiyao, hatü üam nanglakthüiyao, Jerusalem penyüsha kü vepathü shüaokhen shei deihshi nenyuham.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

JEREMIAH 44:2

Jeiyong Shembüpa, Israel Kahvangi hapakei enyüke: “Ngei Jerusalem hatü Judah jilathü kü koei peipü shanghahthü ami ammei müki lekei eeteke. Shinnyih hathü kemei lavüngtoiyei, shennyak neshiüi nyüke;

JEREMIAH 25:38

Mailangi laophülei yaongsha tuhphongpü keiha, Shembüpai laophülei nanglak tuhphonghen, hatü jomei kahdok lavüngtoiyei leitükhen, hatü hapayü vepathülei yan, hatü Shembüpalei mongshih homei ha vamhen.

ISAIAH 64:10

Nüngei daülangpü chingnyüthü phaü leidaiteke, Zionü yingnyü yingchong, hatü Jerusalemü lavüngtoiyei leidaiteke.

ISAIAH 24:1

Veituh, Shembüpai hapa kahdok yakphonghen, hatü lavüngtoiyei tuhphonghen mon nyüke, hatü büpai kahdok shak mangtükhen, hatü haleipü shennyakthü yantükhen.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

ISAIAH 5:9

Jeiyong Shembüpai ngei danshi vangei eteke: “Hingmei shem longpüthü longi lavüngtoiyei tuhhen; nethe meipü longpü shemthü kü nyuhen shennyak neshiüi leidaihen.”

ISAIAH 5:6

Ngei hapa shingü lavüngtoiyei yakphonghen, üpaiyao phenha nedakhen nevaijü kah nelinghen, Shejao hapa shingkü hühhihang mon kohhühen; hapa shing kü vang nekeihen ngei phum kü ngeükhüam shuohhen.

JEREMIAH 12:11

Jomi hapayü lavüngtoipü jahpan leitük; hayü ngei touei lavüngtoiyei nyüke. Kahdok kemei üpaiyao nejungpü phaü leitükteke.

JEREMIAH 33:10

Shembüpai hapakei enyüke: Ammi hapa shingkü, “Shennyak hatü yemhimak nenyuphei keyü angsha hih” shei eteihamteke. Shejao Judah hatü Jerusalem chingyangshong yemhimakao neshiüi nyupü shingkü,