LEVI 26:30 - DAÜLANGPÜ LAIHING (BSI)

³⁰ Ngei ammei khümshingthü mangtükhen, ammi ayingshü jakteipü moidüthü bentükhen, hatü ammei mahng doei nyupü lajeithü shangkü shükphonghen. Ngei am yakphonghen.

LEVI 26:30 Referans Kwoze

2 ONGPATHÜ 23:20

Josiah-i hapa vaümchongthü leipü ngongpathü moidü shangei jü hatü jomphong shangkü shennyakei vangtaothü jakteke. Hapheikü büpa Jerusalemei nyokei leidai.

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

EZEKIEL 6:13

Mechem laophülei nanglakthü lajeithü touei moidü shinei, shaopü shangtaothü hatü shangchingthü peüei, hatü jomi lajeithü kü ayingshü jakei moila shuohteipü püdhüm vungdhüm phangkü yaüshi eehenshang, jomphongi ngeiyü, Shembüpa shei nyinghen.

JEREMIAH 14:19

Nüngi chemjalak kü Judah yaktükpü je? Nüngei mongei Zion nelümpü je? Ham nemeiaokhen mü mehekei nüngi ham ma yahhüpa? Hami chingmei yempeih, shejao meheyao mei nedang; Meitükpü hepak yempeih, shejao ha nangjei nyemhihan heüpeih.

MENVIH KESHO 89:38

Shejao shaang ammi büpa yaktük, hatü tuhphong; ammi jehahpü ongpa khüei am mongshihnyüke.

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

2 SHÜPPÜKENGPÜ 23:17

Nanglak peü Baal kahvang phopshemei heih-ei ha bentük. Jomi moidü hatü lajeithü kemei mangtüktü Baal kahvangei ngongpa Mattan moidü touei jü.

2 ONGPATHÜ 23:16

Hapheikü Josiah-i shineileyei veishingkü shangching philei büpai mahngchong eeyei büpai haleipü vangtaothü yah-ei moidülei hapa sheihhühen shingvaishi jak. Hapayü Kahvangei shah Kahvang shennyak homei yeihshi eyei nyupü jiühühen dhaümteke.

2 ONGPATHÜ 23:8

Büpai Judah leipü ngongpathü peü müei dei, hatü ngongpathüi ayingshü jakei moila shuohteipü moidüthü peü Geba kübü Beer-sheba thahshi sheihtük. Chingnyülei shüshingkü laknyongphi lemei chingnyü kü governor vaihampü Joshua-i lingpü shadenei shüpü lem touei nyupü moidüthü peü bentük.

1 ONGPATHÜ 13:2

Büpai Shembüpalei shah homei moidü khüei lenei, “Oh moidü, moidü! Shembüpai hapakei enyüke: ‘Shennyak hük Josiah shei mentü David am shem kü bühhen. Nüng shak kü büpai shaang hatouei moila shuohpü khümshingthü leipü ngongpathü jüei moila shuohhen; nüng shak kü hangkulei vangtaothü jakhen’ ” shei e.

LEVI 26:15

hatü ngelei shahkungnyüthü hatü ngei kangpüthü nedükjema, hatü ngei am mü lingpü vangpüshuwpü mangtükjema,

LEVI 26:11

Ngei am mü nyushing lingei nyuhen, hatü ngei am netuhphonghen.

LEVI 20:23

Ngei am toueipü changtükpü jatthülei dükhiling vanglem kü temü; mehenangkü jomi hathü kemei dükpü nangkü ngei jom yaktükpeih.

KAHBHAO 19:13

Hami hapa shing mahtükhen; mehenangkü hapa nanglak khüei thaüvaüpü Shembüpai danteke, hatü Shembüpai hapa shing mahtükhen ham shompeih” shei e.

SHAHKÜP 32:19

Mechem Shembüpai hapa eepa, büpa mongshih, hatü laophülei hapeüthü yaktük.

1 ONGPATHÜ 13:32

Mehenangkü Bethel leipü moidüthü hatü Samaria jilathü kübü shangtaothü leipü khümshingthü khüei Shembüpalei shah büpai epeyü hingmei vamkahen” shei e.

MENVIH KESHO 106:40

Hahepak kü Shembüpalei mongshih büpalei nanglakthü khüei vam, hatü büpai laophülei mükjüp yaktük.

EZEKIEL 43:7

Büpai ngei kü, “Shennyak ha, hapayü ngelei ong uoshing hatü ngelei la shoupshing. Hatouei ngei ngelei nanglak Israel am mü düngei nyuhen. Israel phangi nevaijü jomei ongthüi mükbongjuyungpai nevaijü jomei ongthü dipü mahng homei ngelei daülangpü men nesheihhen.

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

EZEKIEL 16:39

Ngei jomei lak kü am shuohtükhen hatü jomi ammei dünyüshang hatü ammei khümshing peü mangtükhühen; jomi ammei ashakviha nyiuklanghen, hatü ammei doumeinangmei peü yahlangtü am bümkong tuhphonghen.

HOSEA 10:2

Jomei mongdangü shahshem; jomei mang jomi-üng kohen. Shembüpai jomei moidü bentükhen, hatü yaong shemnyüthü mangtükhen.