LEVI 26:16 - DAÜLANGPÜ LAIHING (BSI)

¹⁶ ngei am kü hapakei dükhen: Ngei am kü nyempühanpü, nemeiaokbenüng dinten, pheühileü homei mükhina tenei yangnyu lomohhen koei peikahen; ammi sheipü sheili angsha vaitükhen; mehenangkü ammei vepathüi hapa hahtükhen.

LEVI 26:16 Referans Kwoze

JOB SHAHSHA APPÜ 31:8

ngei nyiueinangei sheipü mih-i nyemvethah, hatü ngelei sheili bhiyei nyemyeemtük.

1 SAMUEL 2:33

Shejao ngelei moidü leipü am shem khongkü hük mon mük poukshi thepei mong kü tüngei nyuhen shingvaishi yemmü tuhhen; aopü am shem am nanglak kemei mih-ei yani mahkemhen.

MIKA 6:15

Ammi sheili sheihen shejao ha ammi nevetpih; ammi olive kübü mainga bhithen, shejao ha ammi nenoteiaokpih; ammi nyalingngupai ngümhen, shejao ha kübü yiü neyinghen.

EZEKIEL 33:10

“Shaang, nüng shennyak ha, ammi hapakei eteiteke: Jenei mangi hatü jen pungpai jen kü vihyaki chetteke, hapa homei jen lomohnyu khih. Jen mekei etü nyuaokhen?” Hanangkü Israel phang kü ha etuh.

JEREMIAH 5:17

Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

MENVIH KESHO 78:33

Hanangkü büpai jomei nyihthü ngü keiha mahtük, hatü jomei bongthü nyempü kü peihhütük.

SHAHKÜP 28:51

Amphong aeipai mangdikem thahshi jomi ammei yemhimakthü, hatü kahdok kü vampü hahying kemei hahtükkemhen. Jomi am kü hahying, yiü, olive mainga, yemhimak mohoh nevaijü mi aoei netuhphahen.

HEBREW 10:31

Vanyangyem Kahvangei lak kü dohenü nyembenüng.

ZEKHARIAH 14:12

Jerusalem khüei vehokpü nanglakthü kü Shembüpai hapa chami sheühühen: Jom yemmü tuhtü-üng jomei phai shedaihen; jomei mük hatü jomei yei shedaihen.

HAGGAI 1:6

Ammi longi sheiteke, shejao maani mon vetteke. Ammi hahnyüke, shejao nemohnyu. Ammi yingnyüke, shejao yungle nemeinyu. Ammi ashakviha ümnyüke, shejao mechemao shaamluki nenyunyu. Ammi latpü lop khoungwu kü hühen shingvaishi latnyüke.”

JEREMIAH 20:4

Mehenangkü Shembüpai hapakei enyüke: “Ngei nüng hatü nüngei küphüthü peü nyemhühen; nüngei müki eeshi jom vepalei yani mahhen. Ngei Judah am peü Babylon ongpalei lak kü shuohhen; büpai jom wüpküpei müei daihen, hatü yani jom jükemhen.

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

ISAIAH 7:2

Mechem Judah ongpai Aram am Israel kahdokei peiyei nyükeja shei danpa, Ahaz ongpa hatü nanglakthü peü yingnyülei vanglüki phenha jenhüpü keiha jomei mongdang kheüteke.

MENVIH KESHO 109:6

Jomi, “Büpa khüei nemeipü shennyak hük jetuh; büpalei lakdah lemei thaüvaühen hük yaonghütuh;

MENVIH KESHO 73:19

Kansho hük mongkü jom mekei mahdainya; nyempai jom chemjalak kü maolangnya!

JOB SHAHSHA APPÜ 20:25

Büpai hapa lahhan dok lemeipü leühhen, lahhan hak büpalei dhen hatü yiü bhaoei peiyei daihen. Nyempühanpü büpa kü peihen.

JOB SHAHSHA APPÜ 18:11

Peü philei nyempü vüngpai büpa nyemhünyüke, hatü büpalei laphei kü müshi changnyüke.

SHAHPHENBÜTHÜ 6:11

Hahepak kü Shembüpalei phongshan yiüei Ophrah chingei Abiezer am Joashlei longkhampü phangei peiyei uoteke. Büpalei cheha Gideonü yiü bhitshingei Midian am kü joei wheat hah tenei nyu.

SHAHKÜP 32:25

Chingyangshong kü yannah-i jom hahimoi neshiüi leihühen, awdep shemong kü nyempü hanpai mahühen, nethe nela hatü amma naü, hatü shosho pungdaipü peü mahkemhen.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

1 ONGPATHÜ 8:37

Mechem kahdok kü shaühile nevaijü chamhilem, nevaijü aplük pelüki hahbongdongjük mangtükhen, nevaijü laonghiyaki nevaijü mechem nüngei nanglakthü jomei vepathüi chingthü hahhen, nevaijü mechem dinhiai nevaijü tüngpüaipü peihenshang,

KANDOK 3:33

Nemeipüthülei shem kü Shembüpai thaüvaü hethünyeih; shejao daülangpüthülei shem kü büpai moihimannyeih.

ISAIAH 62:8

Shembüpai laophülei lakdah-i, hatü büpalei laklu wong longpai, “Hajük kü ammei mop ammei vepathü kü neshuohpih, ammi nyiueinangei linghahpü yiüja hajük kü kung am kü neshuohpih.

JEREMIAH 15:3

Ngei jom mahhühen doulem ali temhen shei Shembüpai enyüke, “Jom jühen yan, jom shüei daihen shithü, hatü jom hahtükhen shangou hatü yemhimakthü,

EZEKIEL 24:23

Ammei shangshak peü ammei shangjing kü shakhen, hatü la kü ammei lathuhthü thuhhen; am neyounghen nevaijü nethephen, shejao ammei mang homei ammei wong laaidaihen, hatü hüki hük mü mahng thephen.

MALAKI 2:3

Ngei ammei dhe kü ammi moilapü yemhimakei nühinami nyiohen, hatü am hapa nühinam shingei yah-ei daihen.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.