LEVI 26:12 - DAÜLANGPÜ LAIHING (BSI)

¹² Ngei am mü kamteihen, hatü ammei Kahvang vaihen hatü amphongü ngelei nanglak vaihen.

LEVI 26:12 Referans Kwoze

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

JEREMIAH 30:22

Amphong ngelei nanglak vaihen, hatü ngei ammei Kahvang vaihen.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

JOEL 2:27

Hahepak kü ammi ngeiyü Israelei nyüke; Ngeiyü Shembüpa, ammei Kahvang, hatü lebü üpayao neshiü shei nyinghen. Ngelei nanglakthü ne-yei hapakei veü neponghüpih.

SHAHKÜP 23:14

Ammei baümtap daülangi tuhtuh; mehenangkü Shembüpa, ammei Kahvangi am yomhen hatü yanghen hatü vepathü ammei lak kü shuohhen shingvaishi am mü nyüke. Shembüpai am toueipü dok lepdaihen mü nebahnevaipü dou meheyao ammi tedük.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.

EZEKIEL 11:20

Shejüang jomi ngelei shahkung hatü vanglemthü kü mühen. Jomü ngelei nanglak, hatü ngeiyü jomei Kahvang vaihen.

JEREMIAH 11:4

büpa kü thaüvaü hettuh. Ngei am kü epü bangtuh, hatü lemphü düktuh, hatü amü ngelei nanglak vaihen, hatü ngeiyü ammei Kahvang vaihen.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

JEREMIAH 32:38

Jomü ngelei nanglak, ngei jomei Kahvang vaihen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

MENVIH KESHO 50:7

Bangtuh, Oh ngelei nanglak, hatü ngei ephanüng, Oh Israel, ngei nüng khüei denpü shuohhen. Ngeiyü Kahvang, ammei Kahvang.

EZEKIEL 36:38

mohitap kü Jerusalemei moilahen deihpü mithü dahühen. Hapa keiha bentükpü chingnyüthü hangkui maei nyuhen. Shejüang jomi ngeiyü Shembüpa khih shei nyinghen.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

KAHBHAO 3:8

Hahepak kü hapa baha hatü chenyüha nyi-i om kü vanglük lükha dhüngpü hepak kü pemongei Shembüpa Kahvang kamteipü danei jijinyi-i pemong leipü püyingei Shembüpa Kahvang kü joteke.

MATHI 22:32

‘Ngeiyü Abraham Kahvang, Isak Kahvang, hatü Jakob Kahvang. Büpayü didaipü Kahvang nevai, shejao vanyangyem Kahvang’ shei am kü mehe e, ha ne-ieangpü je?” shei eteke.

SHAKEI VAMPÜ 2:1

Ephesia kübü Attoi leipü phongshan kü nyangtuh: Hapayü üpai büpalei lakdah philei litha nyet no, üpai hon awdük shemshing nyet chi kü kamnya, hayü büpalei shah:

KAHBHAO 6:9

Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

KAHBHAO 5:24

Enokh Kahvang mü kam, hatü büpa nenyu; mehenangkü Kahvangi büpa yahlang.

KAHBHAO 5:22

Büpai Methuselah bühpheikü Kahvang mü bong 300 kam, hatü lebü yiükha yeshangthü büh.

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

MÜLANGPÜ 29:45

Ngei Israel am khong mü nyuhen hatü ngei jomei Kahvang vaihen.

BHEI-IE 5:3

Ngei jom mü nyupü, jomei baümtap nenyethen shingvaishi nyüha vaituh, baha vaituh jom baümtap kübü deitüktuh” shei e.

2 SAMUEL 7:7

Melei melei ngei Israel am mü longteihenshang, Israel nanglakthü mi yomhen ngei jepü vanglem lembüthü kü, ‘Ngei kü cedar pü yah-ei mehekei shem nevephünya shei ngei chemao ela?’ ”

MÜLANGPÜ 29:46

Ngeiyü jom mü nyuhen shingvaishi Ijip kahdok leipü jom müei leipü Shembüpa, jomei Kahvang shei jomi nyinghen; ngeiyü Shembüpa, jomei Kahvang nyüke.

SHAHKÜP 23:15

Aa hük büpalei shembü toueipü paüei daiyei am mü loiküjema, ammi büpa yepei shembü kü teshuoh.