LEVI 26:11 - DAÜLANGPÜ LAIHING (BSI)

¹¹ Ngei am mü nyushing lingei nyuhen, hatü ngei am netuhphonghen.

LEVI 26:11 Referans Kwoze

MÜLANGPÜ 25:8

hathü yah-ei ngei jom mü nyuhen shingvaishi daülangpü shing hük lingshih.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

MÜLANGPÜ 29:45

Ngei Israel am khong mü nyuhen hatü ngei jomei Kahvang vaihen.

EPHESIA 2:22

büpa kü amphongao Kahvang shingvaishi nyushing hük leiyei laangha kü chemi lingteke.

MENVIH KESHO 106:40

Hahepak kü Shembüpalei mongshih büpalei nanglakthü khüei vam, hatü büpai laophülei mükjüp yaktük.

MENVIH KESHO 76:2

Büpalei shem Jerusalemei nyüke; büpa nyushing Zionlei nyüke.

LEVI 20:23

Ngei am toueipü changtükpü jatthülei dükhiling vanglem kü temü; mehenangkü jomi hathü kemei dükpü nangkü ngei jom yaktükpeih.

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

1 ONGPATHÜ 8:13

Ngei nüng shing müknyinshekhangpü shem hük, nüng düngei nyuhen shing shem hük vetepih” shei e.

JOSHUA 22:19

Ammei kahdok nedaüang shei deihjema, Shembüpalei ashakshem nyupü Shembüpalei kahdokei heihkei, hatü hamei kahdok hanei yahhahtuh. Shejao ammi Shembüpa, jenei Kahvangei ashakshem mü lenei am nyingi am shing moidü lingei Shembüpa nevaijü ham khüei teyaong.

YOUNG LAI 2:7

Shembüpai büpalei moidü, hatü daülangpü Phopshem yaktük; Büpai vepathü kü ongshem leipü bham bentükhen han; Mohitap nyih kü kei jomi aokpü dangei Shembüpalei Phopshemei leneiwong.

JEREMIAH 14:21

Nüngei men kü ham tengümtük; Nüngei müknyinshekhang ong uoshing dhüm neshiüi teleitük; Ham mü nüngi vangteipü deih-ei dangtuh, hatü ha temangtük.

SHAHKÜP 32:19

Mechem Shembüpai hapa eepa, büpa mongshih, hatü laophülei hapeüthü yaktük.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

MENVIH KESHO 78:59

Mechem Kahvangi ha danpa, büpa mongshih-i maei nyu, hatü büpai Israel am chemjalak kü yaktük.

SHAKEI VAMPÜ 7:15

Ha vaipü nangkü jomphongü Kahvangei ong uoshing touei nyakhingai thüngei büpa touei phopshemei khümnyu khih, hatü halei uopübai jom kü dhümhen.

MÜLANGPÜ 29:46

Ngeiyü jom mü nyuhen shingvaishi Ijip kahdok leipü jom müei leipü Shembüpa, jomei Kahvang shei jomi nyinghen; ngeiyü Shembüpa, jomei Kahvang nyüke.

LEVI 26:15

hatü ngelei shahkungnyüthü hatü ngei kangpüthü nedükjema, hatü ngei am mü lingpü vangpüshuwpü mangtükjema,

LEVI 26:43

Mehenangkü shongei jomi hapa kahdok tuhphonghen hatü jom neshiüi hapa kahdok lavüngtoiyei nyupü thahshi nyiumeihen. Ngelei shahkungnyüthü hatü ngei epü yakphongpü nangkü jomi hapa hang shemhen vongbong.

LEVI 26:44

Shejao jom vepa kahdokei nyujoong ngei jom mü vangteipü mangei chemjalak kü netuhphonghen, hatü nemahtükhen; mehenangkü ngeiyü Shembüpa, jomei Kahvang.

JOSHUA 22:31

Eleazar ngongpalei cheha Phinehas-i Reuben, Gad hatü Manasseh jatthü kü, “Shinnyih jen mü Shembüpa omshi nyüke shei nyingnyüke; mehenangkü hapa nangkü shei Shembüpa kü hingnelemi dükei mang nethahang. Shaang ami Shembüpalei lak kübü Israel am yangteke” shei e.

2 SAMUEL 7:7

Melei melei ngei Israel am mü longteihenshang, Israel nanglakthü mi yomhen ngei jepü vanglem lembüthü kü, ‘Ngei kü cedar pü yah-ei mehekei shem nevephünya shei ngei chemao ela?’ ”

1 ONGPATHÜ 6:13

Ngei Israel nanglakthü mü nyuhen, hatü ngei jomphong netuhphongpih” shei e.

JOEL 2:27

Hahepak kü ammi ngeiyü Israelei nyüke; Ngeiyü Shembüpa, ammei Kahvang, hatü lebü üpayao neshiü shei nyinghen. Ngelei nanglakthü ne-yei hapakei veü neponghüpih.