LEVI 25:43 - DAÜLANGPÜ LAIHING (BSI)

⁴³ Ami jom kü nemei-i teno, shejao ammei Kahvang kü nyemtuh.

LEVI 25:43 Referans Kwoze

KOLOSI 4:1

Shembüthü, ammei aathü kü jiüshi hatü meishi noteituh; mehenangkü vangsholei ammei Shembüpa nyüpeih shei ammi nyingei nyüke.

LEVI 25:46

Nüng pheikü nüngei hapeüthü shingvaishi jomphongü aa leshi tuhhen aok. Hathü kü aa kei nohen aok, shejao jempü Israel shennyakthü shak kü üpaiyao nemei-i vanglem lemhen neaok.

LEVI 25:17

Am hüki hük kü telutelemtei shejao ammei Kahvang kü nyemtuh; mehenangkü ngeiyü Shembüpa; ammei Kahvang.

EPHESIA 6:9

Hatü shembüthü, ammiyao ha aihük düktuh. Jom kü nyemshaopü dohtuh; mehenangkü anjiphen shingvaishi vangsholei Shembü hük nyüpeih, hatü büpa mü baong hanpü neshiü.

EZEKIEL 34:4

ammi wong nekohpüthü kü wong koh-ei neleihü, tüngpü kü nejung, maju nethüng, paüeiyonei lüdaipüthü müei nelei, mahdaipüthü neyem, shejao kangeishungei loh-ei mangei jom shak kü vanglem lemteke.

LEVI 25:53

Vangbong ieyei dou dükhen shingvaishi nang shakpü shennyak kü nopükei nohen; shembüi büpa kü nemei-i nenohen nüngi veituh.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ISAIAH 58:3

“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.

ISAIAH 47:6

Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

SHAHKÜP 25:18

Mechem am nyiueinangei wong nekoh-i nyupa, jomi am hahteke, hatü ngaümpheilei nyupüthü jüteke; jom kü Kahvang nyempü neshiü.

MÜLANGPÜ 5:14

Pharaohlei dou kü hienbüthüi Israel am dou kü veihen jepüthü kü, “Amphongi shelei dükpükei mehekei menyih hatü shinnyih dou netempa?” shei üpteke.

MÜLANGPÜ 3:9

Shaang Israel am lenpüwongpü ngei ngoiteke hatü Ijip ami mekei jom kü shüveinya ngei eeteke.

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

MÜLANGPÜ 2:23

Vangbong longi daipheikü hapa Ijip ongpa didai, shejao Israel hapeüthü aanyak kei ponghahpai thepeiyoungei sheühpü yüteke. Aa laphen kü ponghahpai jomi lenpüwongpü Kahvang thahshi aong.

MÜLANGPÜ 1:21

Naü bühjü sheühteipü nyüha nyi kü Kahvangi bampü nangkü jijinyi kao laophü laophülei awdep yemhen shuohteke.

MÜLANGPÜ 1:17

Shejao naü bühjü sheühteipü nyüha nyi-i Kahvang kü nyem, hatü Ijip ongpai jiji kü eshuohpükei nedük, shejao bahanaüthü-ao yangei tuh.

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

LEVI 25:42

Mehenangkü Israel amü ngei Ijip leipü müei leipü ngei chongphopüthü nyüke. Jomü aa leshi nenyuhen.

LEVI 25:44

Ammi aa najema, am ngeihpü shonpü jatthü kübü shakhen aok. Ammei kahdokei nyupü hapa keipü hapeüthü hatü jomi büh-ei paümpü hapeüthü ammei aa vaihen aok.

2 SHÜPPÜKENGPÜ 28:10

Shaang ammi Judah hatü Jerusalem am nyüha hashihthü ammei aa leihühen deihshi nyüke. Shejao amao Shembüpa, ammei Kahvang touei mang nethahnyih shei deihnyu je?

JOB SHAHSHA APPÜ 31:13

Ngei ngelei nyüha hatü baha aathüi ngei kü jomei tok eshingkü ngei jiüpü nedükshuoh-i nyujema,

JOB SHAHSHA APPÜ 31:14

Kahvang ngei mü pongshingkü, ngei mehe lahshuohhen? Büpai hapa yemjü ngei mehe jangshuohhen?