LEVI 23:3 - DAÜLANGPÜ LAIHING (BSI)

³ Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.

LEVI 23:3 Referans Kwoze

LEVI 19:3

Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

MÜLANGPÜ 23:12

Nyih vok ammei dou dükhahtuh, shejao nyih nyetpabü kü ammei mohoh hatü gadu ngü leihen, hatü am shemei bühpü aa hatü benhapa nyiumeihen shingvaishi dou nedüki nyiumeihütuh.

LUK SHAHSHA APPÜ 13:14

Shejao Sinagog mübüi Jisui Sabbath nyih meihüpü nangkü mongshih-ei khongkü, “Dou dükhen nyih vok nyüpeih, hathü nyih kü peiyei meihütuh, shejao Sabbath nyih nevai-i” shei nedoh-i eteke.

MÜLANGPÜ 34:21

Nyih vok thahshi ammi dou dükhen; nyih nyetpabü kü ammi han hokpü hepak vaijao, hahvet hepak vaijao dou tedük.

SHAKEI VAMPÜ 1:10

Shembüpalei nyih kü ngei Laangha kü nyu, hatü ngei pheilei ngeü longpü hük amit ngeü keiha,

PHONGSHANTHÜ DOU 15:21

Mehenangkü Mosa shahkung shelei mebü chingnyü peü kü chongven, hatü sabbath nyih ieyei kü ha wongmü Sinagoglei iehampeih.

LUK SHAHSHA APPÜ 23:56

Hapheikü jomphong nyokei leiyei nyiohen meli hatü vong büpü meli tem. Shejao shahkung kü nyupükei jomi Sabbath themteke.

ISAIAH 58:13

Ammi laophülei la-i Sabbath nyeü nemang, hatü ngelei daülangpü nyih kü am nadang kü nelongtei-i, ammi mongpü lem kü nedai-i nevaijü ammi mongpükei nedüki shahten ne-e-i nyujema,

ISAIAH 56:6

Hatü kung am üami Shembüpalei nanglakthü mü shepnya, üami büpa chongpho, Shembüpalei men kü bamnya hatü büpalei chongphobü leinya, Üami Sabbath jiüshangi tuhnya, hatü ngelei vangpüshuwpü kü wongshongi shongnya;

ISAIAH 56:2

Üpa shennyaki hapa düknya, üpai hapa kü wongshongi shongnya, üpai Sabbath daülangi tuhnya, hatü mang nedüki nyunya, büpa moihimanpü.

MÜLANGPÜ 16:29

Veituh! Shembüpai am kü nyiumeihen nyih nyi shing hahying changshi shuohteke; peüi laophü nyushingei nyutuh; Sabbath nyih kü laophü nyushing kübü tedai” shei e.

MÜLANGPÜ 16:23

büpai jom kü e, “Hapayü Shembüpai kangpü nyüke. Ngenyih-ü nyiumeiyei themhen nyih hük, Shembüpalei daülangpü Sabbath nyih nyüke. Hanangkü ammi mehe nemnohahhünya nemnohahtuh. Aopüthü kemei ngenep thahshi Mosai epükei aoei tuh.”

MÜLANGPÜ 16:30

Hanangkü nanglakthüi nyih nyetpabü kü dou nedüki nyiumeiyei them.