LEVI 22:20 - DAÜLANGPÜ LAIHING (BSI)

²⁰ Ammi kawhikang kohpü yem shuohjema, hapayü neyahhen.

LEVI 22:20 Referans Kwoze

SHAHKÜP 17:1

Ammi Shembüpa, ammei Kahvang kü eela kohdaipü nevaijü kaw kohdaipü mohoh nevaijü mi yah-ei moila teshuoh; mehenangkü Shembüpai hapa kü jiühitnyeih.

MALAKI 1:8

Mechem ammi mükphüngdaipü yemhimak moila shuohhenshang, hayü nejiüpü nevaipü je? Mechem ammi la khodaipü nevaijü tüngpü yemhimakthü moila shuohhenshang, hayü nejiüpü nevaipü je? Governor hük kü hapa keipü thintho yahshuohjü büpai am kü bampü dou dükphahen je? shei Shembüpa Kahvangi enyüke.

SHAHKÜP 15:21

Shejao hapa yem kü lemhük eela koshi, la khodaitü nevaijü nemei-i kawhikang kohdaitü nyujema, hapayü Shembüpa, ammei Kahvang kü moila teshuoh.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

LEVI 22:25

hatü ammi hapa keipü yemha kungpalei lak leipü yah-ei Kahvang kü hahying moila neshuohhen. Dhaok-ai vaung-ai nejiüpü nangkü hapayü neyahhen.

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

LEVI 3:1

Shennyak hanei-i laophülei haümyem yah-ei mongjempü moila shuohjema, hapayü mohoh chebaong nevaijü chenyü meheyao kawhikang neshiüpü shuohhen vongbong.

LEVI 3:6

Shennyak hanei-i laophülei mi khong kübü Shembüpa kü mongjempü moila shuohjema, hapayü mi chenyü nevaijü chebaong meheyao kawhikang neshiüpü shuohhen vongbong.

BHEI-IE 19:2

“Hapayü Shembüpai epü shahkungnyü nyüke: Israel ami anji touei mohoh cheha hakla hük eela nevaijü kawhikang neshiüpü hatü pang chemao mangpaaipü yah-ei peihen eyeishuoh.

BHEI-IE 29:8

Shembüpa kü vong meipü jakpü moila mohoh chebaongha hük, mi chebaongha hük, hatü kawhikang neshiüpü bong hük lompü mi nyet shuohtuh.

EZEKIEL 45:18

Shembüpa Kahvangi hapakei enyüke: Shongpü len shongpü nyih kü ammi kawhikang neshiüpü mohoh baongha hük yah-ei hapa phopshem daütuh.

LEVI 22:24

Ammi Shembüpa kü ban tüktükpü, dhüngtükpü, shaaktükpü nevaijü vettükpü yem yah-ei moila neshuohhen. Ammei kahdokei ammi hapa nedükhen,