1 Shembüpai Mosa kü eteke,
Hapakei Mosai Aaron hatü chehathü hatü Israel nanglakthü peü kü eteke.
“Ngelei daülangpü men nenyethen shingvaishi Israel ami ngei kü daühüpü lanei shuohpü moilathü kü kenhingei dhüm kohshi notuh shei Aaron hatü chehathü kü eyeishuoh. Ngeiyü Shembüpa.
Ha mü chemi, Israel ami hayaoha moila ngei kü shuohjema, hayao ammei vaihen. Den shingvaishi hayü ngei nüng kü, nüngei yeshangthü hatü yiükhathü üpa üpai hapa hah-aokhen mü daülangi nyu, hathüi hahhen shuohpeih.
“Mechem shennyak hanei-i punghen, hatü Shembüpalei daülangpü dou kü lemhük kü dangkao nenyingi mang thahhenshang, büpai Shembüpa kü manglat mi chebaongha hük mi khong kübü kawhikang neshiüpü koei peihen, hatü phopshemei dokteipü dok aimü ngin koei peihen. Hapayü pungpü moila nyüke.
