LEVI 21:5 - DAÜLANGPÜ LAIHING (BSI)

⁵ Üpa ngongpaiyao sho nejaphen nevaijü jumum nekuphen nevaijü büm kü kaw neshahen.

LEVI 21:5 Referans Kwoze

SHAHKÜP 14:1

Amphongü Shembüpa, ammei Kahvangei hapeüthü nyüke. Didaipü am kü mahng thepshingkü amphongi shangbasho tejap nevaijü sho tekup;

EZEKIEL 44:20

Jomi sho chaei nekuphen, nevaijü sho lushi netuhhen; jomi sho japtükhen.

MIKA 1:16

Ammi mong hahpü hapeüthü nangkü mongkü tüngei theppai sho chaei kuptüktuh. Am nyingi langdalei shangjing kei shangpaangtüktuh; mehenangkü ammei lak kübü yanei jom wüpküpei daihen.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”

JEREMIAH 48:37

Mehenangkü peüi sho hatü jumum chaei kuptükteke; peüei lakei makaw nyüke, hatü peüei shüng kü dhoila ashaki ngeihshi nyüke.

JEREMIAH 16:6

Hapa kahdok kü longpü maanpü peü dihen; jomei mahng nevühen, üpaiyao jom nangkü büm kü nevethahhen hatü sho nekuphen.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 15:2

Dibon ami phopshemei hatü vaümchongthülei thepei phophen aongteke; Moab ami Nebo hatü Medeba nangkü sho chaei kuptük, hatü jumum kuptüktü mahng thepnyüke.

LEVI 10:6

Hahepak kü Mosai Aaron hatü büpalei cheha Eleazar hatü Ithamar nyi kü, “Am theppüyoungpü huei sho nehai-i tenyu, nevaijü ammei ashakviha teshaak; hapakei nevaijema amphongao dihen, hatü Shembüpai noknyü peü kü mongshihkahen. Shejao ammei shem amthü, Israel phang kemei Shembüpai henyi aw kü shamtükpü shingvaishi thepeiyounghen.

LEVI 21:4

Shaonghinang lemei shenteipü shem am mahng kü ompai büpa nyingi nedaüpü neleihen vongbong.”

EZEKIEL 5:1

Oh Shennyak ha, nüngi yan aokpü hük yah-ei meet keiha noteituh, hatü nüngei sho hatü jumum kuptüktuh. Hapheikü dok yah-ei dokei hapa sho hantuh.