LEVI 21:22 - DAÜLANGPÜ LAIHING (BSI)

²² Hapa shennyaki Kahvangei daülangpü hahying hatü Longi Daülangpü hahying hahhen aok,

LEVI 21:22 Referans Kwoze

LEVI 2:3

Moila shuohtü aopü hahying kemei Aaron hatü chehathü shing vaihen; hapayü Shembüpa kü aw kü jakpü peü mü daülangpü vong meipü moila nyüke.

1 KORINT 9:13

Phopshemei chongphopüthüi phopshem leipü hahying dangnyeih, hatü moidülei chongphopüthüi moidülei moila shuohpü kübü phaihan dangnyeih shei ammi nenyingnyu je?

BHEI-IE 18:19

Israel ami Shembüpa kü shuohpü peü kemei ngei nüng hatü nüngei yeshangthü hatü yiükhathü kü den shing phaihan vaishi shuohnyüpeih. Hapayü Shembüpa tou kü nüng hatü anhapeüthüi den shingvaishi vangteishuwteipü hüm nyüke.

LEVI 7:1

Hapayü pungpü moila nangkü shahkungnyü nyüke. Hapayü longi daülangpü nyüke.

LEVI 2:10

Hahying moila aopü kemei ngongpathü shing vaihen; hapayü longi daülangpü nyüke; mehenangkü hayü Shembüpa kü shuohpü hahying moila kübü yahpü nyüke.

LEVI 6:29

Ngongpalei shem am baha peüi hapa hahhen aok; hapayü longi daülangpü nyüke.

LEVI 21:23

shejao büpa kü eela shadaipü nangkü ngelei daülangpü shing nyetei haenpü ashak nevaijü moidü yopailei neheihkahen; mehenangkü ngeiyü jom daühüpü Shembüpa.”

LEVI 22:25

hatü ammi hapa keipü yemha kungpalei lak leipü yah-ei Kahvang kü hahying moila neshuohhen. Dhaok-ai vaung-ai nejiüpü nangkü hapayü neyahhen.

LEVI 6:10

Ngongpai büpalei nyemin ow mü büm kü jümpü nyemin bhagthuh thuhtü moidü leipü jakpü moila awnih yah-ei moidü chongei haühen.

LEVI 7:6

Ngongpalei shem am bahathü peüi hapa hahhen aok, shejao hapayü daülangpü shingei hahhen; mehenangkü hapayü daülangpü nyüke.

LEVI 10:12

Mosai Aaron hatü büpalei cheha, Eleazar hatü Ithamar, aopü hapeü nyi kü, “Shembüpa kü aw kü jakei moilapü hahying moila kübü aopü hahying yahtuh, hatü hapa daw neshih-i aan lingtü moidü touei hahtuh; mehenangkü hayü longi daülangpü nyüke.

LEVI 10:17

“Mehekei mang moila daülangpü shingei nehahpa? Hapayü longi daülangpü hih; mehenangkü hapayü Shembüpa touei khongei men kü moilapü khongei mang tükhen shingvaishi Kahvangi ha anjinyi kü shuohpeih.

LEVI 14:13

Büpai hapa mi mang moila hatü jakpü moila jüteipü daülangpü shingei jühen. Mang moila keiha pungpü moila shuohhenao ngongpalei hean nyüke; hapayü longi daülangpü nyüke.

LEVI 22:7

Vanghe shüpheikü büpa daühühen, hatü hapheikü büpai daülangpü moila kübü hahying hahhen aok; mehenangkü hapayü büpalei hahying nyüke.

LEVI 27:28

Shennyak vaijao, yemhimak nevaijü kahdok vaijao mepa Shembüpa kü lanei shuohtük, hapa üpaiyao yutükhen nevaijü angei leihen neaok. Shembüpa kü denshing lanei shuohtükpeyü daülangpü nyüke.