LEVI 21:17 - DAÜLANGPÜ LAIHING (BSI)

¹⁷ “Aaron kü ha etuh: Hüdenhalenshi nüngei hühiha üpa kü eela kohhen, büpa Kahvang kü hahying moila shuohnüng yopailei neheihhen.

LEVI 21:17 Referans Kwoze

MENVIH KESHO 65:4

Nüngei shemei nyuhen nüngi jetü müei peipüthü mongong. Nüngei shem meipai ham hüshemei nyuhen.

BHEI-IE 16:5

hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

1 TIMOTI 3:2

Shaang attoi mübü hükü nepaohneshaipü, nyüha hük mü mon shem yemei nyupü, shümei aokpü, laophü nyingi ungei-aeipü, dhüm kohhahhen mü nyupü, yen kü bampü, nyuh-aokpü,

1 THESALONIKA 2:10

Am vaipüthü touei ham mekei daülangi, jiüshi hatü eela neshiüi nyupa, am hatü Kahvangao ha denbü nyüke.

LEVI 21:21

Ngongpa Aaronei hühihathü üpa kü eela shadai, hapa shennyaki Shembüpa kü aw kü jakpü moila shuohhen yopailei neheihhen. Büpayü eela shadaipü nangkü büpalei Kahvang kü hahying moila shuohhen yopailei neheihhen.

LEVI 21:6

Jomphongü jomei Kahvang kü daülangi nyuhen hatü jomei Kahvangei men netenhen vongbong. Mehenangkü jomi Shembüpa, jomei Kahvang kü aw kü jakei moila shuohnyüke; jom daülangi nyuhen vongbong.

LEVI 3:16

Ngongpai hathü moidü shangei hahying moila Shembüpa kü aw kü jakei vong meipü moila shuohhen. Cheü kemei Shembüpalei nyüke.

LEVI 3:11

hatü ngongpai hapa hahying moilayü moidü shangei Shembüpa kü aw kü jakei moilatuh.

LEVI 21:16

Shembüpai Mosa kü eteke,