LEVI 21:10 - DAÜLANGPÜ LAIHING (BSI)

¹⁰ Jom jeihinaüthü khongkü üpa kü ngongchong vaihen shingvaishi shangjing kü mainga phuei, hatü ngong-ow owhen jetepa, büpa mongshangpü huhen shingvaishi sho nehai-i nenyuhen nevaijü büpalei ashakviha neshaakhen vongbong.

LEVI 21:10 Referans Kwoze

LEVI 16:32

Ngongpa üpai chepalei shing kü jeihen thiteiphuei jehenshang, büpai daüpülangpü dou dükhen. Büpai ngong-ow owhen,

MATHI 26:65

Hapa shah kü ngongchongi büpalei ashak shaaktü, “Büpai eelanyüke! Jeni ha mü lenei mehe denpü nahen? Ammiyao shaang büpai eelapü danteke.

BHEI-IE 35:25

Khongi bhüh yempü shennyak khüambakei nevai, shejao mih jüpü shennyak yanghen khüambakei shahphenhen vongbong, hatü büpa shojo chingei shomtükhen. Hahepak kü nyupü ngongchong mangdi thahshi büpa halei nyuhen.

LEVI 8:12

Büpai mainga hanei yah-ei Aaronei shangjing phuei daühü.

MENVIH KESHO 133:2

Hapayü douvang mainga shangjing kübü yenei shaei jumum thahpükei, ha yenei shaei Aaronei jumum, hatü büpalei bhagthuh dhaong thahpükei nyüke.

ESTHER 6:12

Hapheikü Mordekai ongpalei pe shadenei nyokei lei, shejao shülangi Hamanü shemei thepyaki shokuh kuhtü lei.

2 SAMUEL 15:30

Shejao Davidü büpalei shangjing kü jümtü thepyaki lakong kamei Olive Kahshangei aongei nyu. Büpa mü nyupü nanglakthü kemei shangjing kü jümtü thepyaki aong.

LEVI 13:45

Hapakei ngomma kohpü shennyakü shaakdaipü ashak ümhen, sho nehaihen, shapmaiphi kü jümtü, “Nedaüpü, nedaüpü!” shei lenhen.

KAHBHAO 37:34

Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

JOB SHAHSHA APPÜ 1:20

Hahepak kü Job yaong hatü büpalei ashak shaaktük, sho chaei kuptük hatü kahdokei aümei shaei khüm,

MÜLANGPÜ 29:7

Nüngi nyiohen mainga yahtuh, hatü ha büpalei shangjing kü langei thiteiphutuh.

EZEKIEL 24:17

Huituh, shejao wongmü nevai; dipü am nangkü mahng tethep. Shangshak shaktuh, lathuh thuhtuh; nüngi ju kü tejüm nevaijü mahng bhaong tehah.

LEVI 4:3

Thiteiphuei jepü ngongchongi mang thahjema, hatü hapai nanglakthü kü mang koei peijema, büpai thahpü mang shingvaishi Shembüpa kü meheyao kawhikang neshiüpü mohoh baongha yah-ei mang moila shuohtuh.

BHEI-IE 6:7

Laophülei pa nevaijü nyü, jeihinaü nevaijü nyahinaü dijao jomphong nangkü shei jom nedaüi neleihen vongbong; mehenangkü jom Kahvang kü lanei shuohpü nyangeihepü jomei sho hatü jumum nyüke.