LEVI 20:3 - DAÜLANGPÜ LAIHING (BSI)

³ Ngei hapa shennyak khüei yaonghen, hatü ngei büpa laophülei nanglak kübü katitükhen; mehenangkü büpalei hapeü Molekh kahvang kü shuohpai ngelei daülangpü shing nyettükteke, hatü ngelei daülangpü men tentükteke.

LEVI 20:3 Referans Kwoze

LEVI 18:21

Nüngi nüngei hapeüthü üpayao Molekh kahvang kü jakpü moila teshuoh; mehenangkü nüngi nüngei Shembüpalei men teten. Ngeiyü Shembüpa.

EZEKIEL 5:11

Hanangkü ngeiyü yemmü nyupü Shembüpa Kahvang shei enyüke: Amphongi nedaünelangpü hatü jiühitnalaipü douthü homei ngelei phopshem sheihtükpü nangkü ngei am jütükhen, hatü neshinshanghen.

LEVI 17:10

Israel shennyak hanei-i nevaijü jom mü lakeiloipü benha hanei iy hahjema, ngei hapa iy hahpü shennyak khüei yaonghen, hatü hapa shennyak nanglak khong kübü katitükhen.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

EZEKIEL 20:39

Oh Israel am phang, amphong kü Shembüpa Kahvangi hapakei enyüke: Shaang am peü daiyei lajeithü chongphotuh hatü hapheikü amphongi ngei epü nebang, shejao lajeithü kü jakpü moila shuoh-ei ngelei daülangpü men tesheihtük.

BHEI-IE 19:20

Shejao nedaüpü shennyak hanei-i nedaütükhahjema, büpa laophülei nanglak khong kübü katitükhen; mehenangkü büpai Shembüpalei ashakshem nyettükteke. Daühüpü yungi büpa kü nehaipü nangkü büpa nedaünelangpü nyüke.

LEVI 15:31

Jomei baümtap jiamei nyupü ashakshem nedaünelangi leihüpai jom nedihen shingvaishi Shembüpai Mosa kü Israel am nedaünelangpü lemphü kübü khaatei nyuhen eteke.

1 PETER 3:12

Mehenangkü Shembüpalei mük daülangpüthü kü chishi nyüke, hatü jomi phoppü kü büpalei dhaong shangshi nyüke; Shejao Shembüpalei dhe ten dükpüthü khüei nyüke.”

LEVI 20:4

Mechem hapa shennyaki laophülei hapeü Molekh kahvang kü shuohhen, hatü nanglak khongi hapa hei-üng tuh-ei büpa nejütükjema,

BHEI-IE 19:13

Üpai mahng kü hongtü nedaütükhenshang büpa nedaüi nyuhen; mehenangkü daühüpü yungi büpa kü nehai. Büpai Shembüpalei ashakshem nyettüknyüke, hatü büpa mechemao Kahvangei nanglak nevaihen.

MÜLANGPÜ 30:33

Üpai hapa keipü vong büpü meli linghen, hatü ngongpa nevaipü kü lebü mih kü nyiohenshang, hapa shennyakü laophülei nanglak khong kübü katitükhen” shei eteke.

LEVI 7:20

Shejao hanei nedaünelangi Shembüpa kü shuohpü mongjempü moila kübü hahjema, büpa laophülei nanglak khong kübü katitükhen.

LEVI 7:21

Shennyak hanei-i hangku leipü nedaüpü vaituh, yemhimak leipü vaituh, nedaünelangpü lemhük kü-üng hongtü Shembüpa kü shuohpü mongjempü moila kübü phai hahjema, büpa laophülei nanglak khong kübü katitükhen.

LEVI 19:12

Ammi shahshemi ammei Kahvang men tenei tevangteshuw. Ngeiyü Shembüpa.

LEVI 21:6

Jomphongü jomei Kahvang kü daülangi nyuhen hatü jomei Kahvangei men netenhen vongbong. Mehenangkü jomi Shembüpa, jomei Kahvang kü aw kü jakei moila shuohnyüke; jom daülangi nyuhen vongbong.