LEVI 20:26 - DAÜLANGPÜ LAIHING (BSI)

²⁶ Am ngei touei daülangi nyuhen vongbong; mehenangkü ngeiyü daülangpü Shembüpa, hatü ngelei lompü vaihen ngei am lebü jatthü mü hayaoha jepeih.

LEVI 20:26 Referans Kwoze

LEVI 20:7

Hanangkü am nyingi daütuh, hatü daülangi nyutuh; mehenangkü ngeiyü Shembüpa, ammei Kahvang.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

LEVI 19:2

“Israel nanglak khong peü kü etuh. Am daülangi nyutuh; mehenangkü ngei, Shembüpa, ammei Kahvangü daülangpü Kahvang.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

ISAIAH 6:3

hatü jomphong hüki hük kü nyüktü e: “Daülangpü, daülangpü, daülangpü Jeiyong Kahvang; Kahdoknyü kemei büpalei müknyinshekhangi maei nyüke.”

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”

SHAKEI VAMPÜ 3:7

Philadelphia kübü Attoi leipü phongshan kü nyangtuh: Hathüyü daülangpü hük, hingshangpü hük, üpalei lakei Davidei sabi nyüpa, üpai aptükjü lebü üpaiyao neküp-aok, üpai küptükjü lebü üpaiyao ne-apaok, hayü büpalei shahthü:

MENVIH KESHO 99:9

Shembüpa, jenei Kahvang vihtuh, hatü büpalei daülangpü kahshangei khümtuh; mehenangkü Shembüpa, jenei Kahvangü daülangpü.

MENVIH KESHO 99:5

Shembüpa, jenei Kahvang vihtuh; büpalei la tüngei khümtuh. Büpayü daülangpüba!

ISAIAH 30:11

Ham kü lem nüngshih, lem yamshih, ham kü hajük kü daülangpü Israel Kahvang nang tedanhü” shei enyüke.

MÜLANGPÜ 33:16

Nüng ham mü omshi nedaipü thahshi ngei hatü nüngei nanglakthü kü nüngi monghahnyüke shei mekei nyinghen? Hapakei vaijü mon kahdok shak kübü hangkuli mü ngei hatü nüngei nanglakthüyü hayaoha khih shei nyingaokhen” shei eteke.

JOSHUA 24:19

Shejao Joshua-i nanglakthü kü, “Ammi Shembüpa chongphoei neaokpih. Büpayü daülangpü Kahvang; büpayü mükhühpü Kahvang. Büpai ammei mang netükphapih.

LEVI 11:44

Ngeiyü Shembüpa, ammei Kahvang; am nyingi daülangi nyutuh; mehenangkü ngeiyü daülangpü. Kahdokei lüteipü yemhimak homei am nyingi nedaünelangpü telei.

LEVI 20:8

Ngelei shahkungnyüthü noteituh, hatü ha phei mütuh. Ngeiyü am daühüpü Shembüpa.

NEHEMIAH 10:29

hamei jeihinaüthü, mübüthü mü chemi ham nyingi thaüvaü hüki shaei yahtü Kahvang chongphobü Mosa homei shuohpü Kahvangei shahkung kü mühen, hatü Shembüpa, hamei Shembüpai epü shahkung hatü vanglemthü peü ven bangei dükhen shei lahnyeih.