LEVI 20:23 - DAÜLANGPÜ LAIHING (BSI)

²³ Ngei am toueipü changtükpü jatthülei dükhiling vanglem kü temü; mehenangkü jomi hathü kemei dükpü nangkü ngei jom yaktükpeih.

LEVI 20:23 Referans Kwoze

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

LEVI 18:24

Henüng keipü dou homei am nyingi nedaünelangi telei; mehenangkü henüng homei ngei am shekü changtükpü jatthü nedaünelangi leipeih.

LEVI 18:30

Am shekü nyupüthülei vanglem hatü jomi dükpükei jiühitnalaipü dou üpaiyao nedükhen shingvaishi ngelei shah ammi bangtuh, hatü hathüi am tenyethü. Ngeiyü Shembüpa, ammei Kahvang.

LEVI 18:3

Ammi am nyupü Ijip kahdokei jomi dükpü tedük, hatü shaang ngei am müei leipü Kanan kahdokei nyupü ami lingpükei teling. Ammi jomei dükhiling vanglem pheikü temü.

LEVI 18:27

mehenangkü henüng douthü kemei am shekü halei nyupüthüi dükteke, hatü kahdokao nedaüi leitükpeih.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

MENVIH KESHO 78:59

Mechem Kahvangi ha danpa, büpa mongshih-i maei nyu, hatü büpai Israel am chemjalak kü yaktük.

LEVI 18:25

Jomei douteni kahdokao nedaüi leihüpeih; hanangkü ngei jomei mang nangkü ngei jom kü hanghi shuohpeih, hatü kahdoki halei nyupüthü bhaitükpeih.

LEVI 18:2

“Israel nanglakthü kü, ‘Ngeiyü Shembüpa, ammei Kahvang’ shei etuh.