LEVI 2:9 - DAÜLANGPÜ LAIHING (BSI)

⁹ Ngongpai hapa hahying moila kübü meivaüm yahei moidü shangei aw kü jakhen. Hapayü Shembüpa kü vong meipü aw kü jakpü moila nyüke.

LEVI 2:9 Referans Kwoze

LEVI 2:2

hatü ha Aaronei cheha ngongpathü touei yah-ei deituh. Haleipü meipü aanthüng hatü mainga lakpaoh hük hatü ha mü ayingshü kemei yah-ei ngongpai moidülei hapa meivaüm deih-ei danghen shingvaishi kakhen; hapayü Shembüpa kü vong meipü aw kü jakpü moila nyüke.

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

LEVI 6:15

Ngongpai atta lakpaoh hük hatü mainga, ha mü hahying moila leipü ayingshü peü yahhen, hatü hapa kean yah-ei moidülei Shembüpa kü vong meipü moila jakhen.

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

ROM SHAHSHA APPÜ 15:16

Kung am touei Kahvangei shahjang meipü kü ngongdou dükei Khrista Jisulei chongphobü vaihen phahji shuohpeih, shejüang Kung amei moilayü Laangha Daülangpai daütükpü, hatü yahaokbenüng leihen.

MÜLANGPÜ 29:18

Mi büm kemei moidü shangei jakei moila shuohtuh; hapayü Shembüpa kü jakpü moila nyüke; hapayü Shembüpa kü vong meipü aw kü jakpü moila shuohpü nyüke.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

LEVI 2:8

Hapakei tempü hahying moila nüngi Shembüpa touei deiyei ngongpa kü shuohtuh; büpai hapa moidü touei yah-ei deihen.

LEVI 2:16

Ngongpai haleipü ngümtükpü hahying hatü mainga hatü ayingshü hanei yah-ei kean vaishi aw kü jakhen; hapayü Shembüpa kü vong meipü aw kü jakpü moila nyüke.

LEVI 4:31

Büpai mongjempü moila kübü cheü nyiukpükei haleipü cheü kemei nyiukhen, hatü ngongpai hapa moidü shangei Shembüpa kü vong meipü moila jakhen. Hapakei ngongpai büpa shingvaishi mang moila shuohhen, hatü büpalei mang tükhen.

LEVI 5:12

Büpai hapayü ngongpa touei koei peihen, hatü ngongpai haleipü kean vaishi maoh-ei yahhen hatü moidü shangei Shembüpa kü aw kü jakei shuohpü moila shangei haütü jakhen. Hapayü mang moila nyüke.

LEVI 24:7

Shembüpa kü jakpü moila aan nyangeihepü vaihen shingvaishi lüng ieyei kü ayingshü shihtuh.

BHEI-IE 5:26

Ngongpai hapa moila leipü nebenelakpü moila vaihen lakpaoh hük yah-ei moidülei jakhen, hatü hapheikü hapa nyüha kü shahyak yung yingshuohhen.

LEVI 1:9

shejao hapalei thenleimongphang hatü la shei yungi paütükhen, hatü ngongpai hathü kemei moidü shangei jakhen. Hapayü Shembüpa kü vong meipü aw kü jakpü moila nyüke.